Zakari 1:17 - Yálá laawoo hɛɓɛ (dc)

¹⁷ 'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Yálá laawoo hɛɓɛ

¹⁷ 'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Bible

¹⁷ Ŋ̀âla-taa-kelai è mò ḿâ a gɛɛ ŋá Ɣâla-woo ƃó máŋ: Ŋ̀wála-wâla kélee Yâwɛɛ a môi ǹyɛɛi, “Ŋátaa-lêe-ŋai da pâi ƃûu ƃôi ŋɔ́nɔ, ŋa pâi kpɔnîi Zerusâlɛŋ ma ŋɔ́nɔ é kɛ́ a ŋ́gbîŋ taa-lee.”

Zakari 1:17 ပူးပေါင်းရင်းမြစ်များ

Kɔlɔnikɔ Veerɛi 6:6

Kɛlaa, Ɉerusalɛmə ɓə ŋį́ ɉəɠə ɉu, náá yɛ kɛ laa, ɛlɛɛ, Davidə ɓə ŋį́ ɉu, a nwɔ́ nu huwui Israɛlə ɲąąwooɓomun.›

Nehemi 11:20

Israɛlə nuą kpəliɠaa da ɉaláá laa həli nuą, da Levi huwuhu nuą gbəli, nu kəlee ə kɛ heeni daaɠaa hu di nąn ni kwɛlin ŋąą mɛ̨i.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Mąątɛ̨nɛ̨ 69:35

Yələkɔlɔn, ka lɔi ka naa mąąwiɛ, gboloyáɠaa da di hu hɛnŋąą 'ka naa tɛ.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 66:13

Ɲą́ą́ ɓə pai ka liilaai kaa, lɔ yɛ bələi, hilɔnu nee a nii laa la mą. A tɛ̨ą ka lii kaa pai laai ka kwəi, Ɉerusalɛmə daa kwəi.

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Ɉeremi 33:13

Ɲee hu taaɠaa, da nɛ̨ŋɛ̨ hu taaɠaa, da ɉɛɠɛɛ pələ taaɠaa, Bɛnɉamɛn nwɔ lɔi hu, Ɉerusalɛmə kwɛlɛɠaa da Ɉuda lɔi taaɠaa hu. Ɓɛlaaɠaa kaa nwɔ̨nɔ̨ pai kɛi laa, diɛ tɛɛ, diɛ di lono. Ɲą́ą́ Yai-Laa nwoo li.»

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Izikiɛ 36:33

«Mɛ̨ni kəlee ŋą Hééɓomun Yálá woo ka, yɛ: Ɲələi gáá pai ka mąąhəɠəi la ka wɔ nɛ̨ŋɛ̨nŋaai kəlee yəi, ŋą́ pa a nu kan, ka wɔ taaɠaai hu; gɛ́ pənə gɛ́ daa kpoloonŋaa tɔɔ.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Abdiasə 1:20

Israɛlə nu huwui ŋɛ̨i kɛ luwɔlaa hu, mąą kwɛlan tii ɓa, di Kanaan lɔi hu nuą kpɛ ə lɛɛ kpɔ ɉu, di həli la Sarɛpta. Ɉerusalɛmə nuąi kɛ luwɔlaa hu Sefaradə, di ɉɛɠɛɛ pələ taaɠaa hon.

Zakari 1:14

Malakai kɛi mɛ̨nį ɓo mą́ą́, yɛ mą́ą́: «'Mo a lolo, yɛ diɛ: Yai-Laa Mɛ̨nį Kəlee ŋą Hééɓomun, woo ka: Gáá tóló kɛnɛ̨ kulɔi Ɉerusalɛmə da Siɔn di mɛ̨i.

Zakari 2:12

Yai-Laa Mɛ̨nį Kəlee ŋą Hééɓomun woo li, Ya ɓə dɔ́ɔ́ a nwɔ heeɓolaa, nɔiɠaai tii too ka mɛ̨i di mąą mɛ̨nį ɓa. Nui lɔpee a tunwɔ̨n kaa, aa tunwɔ̨n ɲɛ̨́ilon ma.

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Zakari 3:2

Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.