Zakari 1:15 - Yálá laawoo hɛɓɛ (dc)

¹⁵ Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Yálá laawoo hɛɓɛ

¹⁵ Nwɛ́i, níí hvo kɛ holi li kpɔ tii kɛnɛ̨ nwɔ́ nuąi pɔ, kɛlaa, nɔiɠaai tii di kpɔwɔ ɲąą kɛnɛ̨i, diɛ ɓə nííholiɛ di pɔ kpɔ kɛnɛ̨. Mąąhɔlɔɓo diɛi tii ɓə pa, diɛ Israɛlə nwɔ mɔ̨nɔ̨i ta pɛlɛ mą.

Bible

¹⁵ Ǹyaŋ ńii ŋwânaai ǹɔii-ŋûŋ-ŋai dîa diai lii-nɛ̃̂ɛ káa díyêei da lii-sêei. Tãi ńii è kɛ̀ nîi a ŋwánaa la ŋánûai diai, ǹɔii-ŋûŋ-ŋai tí dí ŋánûai dímɛni-sôli-ŋai su kɛ̀tɛ.

Zakari 1:15 ပူးပေါင်းရင်းမြစ်များ

Zôo 30:13

Daa bú pələ kəlee kulɔ ɲə́i, Kɛlaa, di kaa nwún na pili mɛ̨nį pɔ, nu ta hvo bɔ hvo kpɔnmą́ą́.

Mąątɛ̨nɛ̨ 123:4

Aa hee ku hu, aa ku hon ku kwąną. Yee laholoon naa kaa lɔ a yɛlɛ kulɔ ɉu Ɲɛitɛ laa ə lɛɛ a tɛɠɛɓo ɉu nuą di wɔɔ!

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 69:26

Di wɔ pɛlɛ́ɠaai di lɛɛ a gboloon, nu ta hvo kɛa yíi di wɔ pɛlɛ́ɠaai mu.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Ɉeremi 30:16

Kɛlaa nuąi kpɔ kɛi ə́ mįi, da gəlee mįi. Ə́ yówóɠaa kəlee, da nwɔ kwɛni hvo kulɔ li ɉu. Da li kɔluwɔlaa hu. Nuąi kɛi too ə́ mɛ̨i, diɛ kpɛli, da too di mɛ̨i. Nuąi kpɔ kɛi too ə́ yəi hɛnŋaa hu, diɛ kpɛli da too di wɛi hu.

Ɉeremi 50:33

Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Habakukə 3:12

Ya tɛɛ lɔi mɛ̨i a liiholi, Yɛ́ lɔiɠaa wolo, ə́ wɔ liiholi hu.

Zakari 1:11

Nąąlɔwai, ɉoo mɛ̨inuą di bələ pili Yai-Laa nwɔ malakai ɓa, yai tii kɛ tɔɔni nwuluɠaa lɔwai, diɛ mą: «Kwaa lɔi hu hiɛ, lɔi kəlee həɛi kpɔ tin tin, liilaa hu, diɛ di hvįitɔɔ.»

Zakari 1:2

«Yai-Laa aa níiholi kpɔ kɛnɛ̨, ka nąnni pɔ.»

Zakari 14:12

Nɔiɠaai tii gɔ́ pɛlɛ Ɉerusalɛmə ɓa, vaɠai Yai-Laa kaa pai di kɛlɛi la, ya ka: Di kaa pai lɛɛi di hvulú kɔ́wɔ ŋą, kolo ə pu di hu, di ɲɛ̨i kɔ́w yɛ luwun galai, di nɛ̨n yɛ luwun di la.

Zakari 6:8

Nąąlɔwai, Yai-Laa ə də́li, yɛ mą́ą́: «Ɓɛ kaa li, yiiɠaai tii lii ɲələi pələ, di kaa lii di nwɔ́ Kilii tɛɛi ɲələi pələ lɔi pɔ.»