Woolaa 3:36 - Yálá laawoo hɛɓɛ (dc)

³⁶ Diɛ nu lonnii hvulu kiti haɠa ɓa, Hɛn Gəlee Nąmu! Hva mɔ̨ɔ̨ kɛ nąą kaai?

Yálá laawoo hɛɓɛ

³⁶ Diɛ nu lonnii hvulu kiti haɠa ɓa, Hɛn Gəlee Nąmu! Hva mɔ̨ɔ̨ kɛ nąą kaai?

Bible

³⁶ dí wôya mɛni ŋa tée a núu da, Ǹuu-namui è gélee kɔ́lɔŋ.

Woolaa 3:36 ပူးပေါင်းရင်းမြစ်များ

Samia Veerɛi 11:27

Ɉaa wɔlɔ ɓoɔ pulu, Davidə ə nuą tɔɔ, diɛ li tɔɔi nɛ̨ɛ̨nui tii tɔwɔ; ə ɉəɠə ə nɔ ɲəi bɛlɛ́n, ə lɛɛ ɲəi a nɛ̨ą, ə lon ɉulɔnu kaa mą. Kɛlaa, mɛ̨nįi tii Davidə ə gɛ, hvo nɛ̨ɛ̨ Yai-Laa ɓa.

Mąątɛ̨nɛ̨ 94:5

Yai-Laa, daa hee ə́ wɔ nu huwui mɛ̨i, diɛ ə́ kwɛlin ɲɛ̨i paa.

Hanwon 24:12

Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Woolaa 3:59

Yai-Laa! Mɛ̨ni daa naa mą́ą́, yɛ́ kpįnįi gbaɠala kaa yɛ́! Mą́ą́ mɛ̨ni hutɔɔ kani a ɉaŋąą kɛa wɛ!

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Dutɛrɔnome 25:1

Mɛ̨nį ɓo a kɛ nu hveelɛ lɔwai, di pa giti haɠa ɓa, di di kiti tee, nui a kala mą, di gala mą, nui a nɛ̨ɛ̨ mą, di nɛ̨ɛ̨ mą.