Woolaa 2:16 - Yálá laawoo hɛɓɛ (dc)

¹⁶ Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Yálá laawoo hɛɓɛ

¹⁶ Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Bible

¹⁶ Íkpɔara-ƃelai da díla tɔ̀ɔ yâ. Da ɣɛ́lɛ-maa kûla íkponôi dí dísĩ̂a mii a yá dîyɛɛ yâi, “Kwaâ zu kara. Ŋ̀ele kûui ŋí ƃé kú kɛ̀ maa kpɛ́nîi. Kwaâ lɛɛ ɣele ma kwa gáa.”

Woolaa 2:16 ပူးပေါင်းရင်းမြစ်များ

Mąątɛ̨nɛ̨ 109:2

Mąąhɔlɔɓo, nu ɓowo laaləi ɲɔ̨nwɔ̨ɔ̨ kaa tinɛ̨n ɉi a ɲą́ą́, di kaa lɛɛ wooɠaa ɓoi mą́ą́, a ɲąąhɛn nwooɠaa.

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Mąątɛ̨nɛ̨ 124:3

Di liiholi pələ ɓa kɛ ku pɔ kɛnɛ̨! Də li lɔ ku lɛɛ, a ku hvúlu di ku kpələ!

Mąątɛ̨nɛ̨ 22:13

Niŋɛ̨ hilɛɠaa daa mą́ą́ tinɛ̨n daa doo gee hu, Basan huwɔɠaa daa mą́ą́ tinɛ̨n daa doo gee hu.

Mąątɛ̨nɛ̨ 35:16

Daa mą́ą́tinɛ̨n, nu mąąluɓɛɛɠaai tii, a ɲɛlɛ kulɔɉu nuąi tii, di kaa di laa hvanąi a ɲą́ą́.

Mąątɛ̨nɛ̨ 35:21

Daa di laaləi kpɛa kpɛaɠaai tii hee mą́ą́, diɛ kɛ diɛ: «Hiyoo! Gaa mą! Gaa mą! Yii lɔ kwaa gaa.»

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 37:12

Nui hva Yálá mąąwiɛ, a lɔgilii kɛ a tələnmomun, yɛ naa hvaną a mąą mɛ̨nį.

Mąątɛ̨nɛ̨ 41:8

Ɲówoɠaa kəlee ɲąąkpɔn ŋąąi gwɛ́lɛ, diɛ hvaa di nwun ɉu, da kɛ hee ni gwɛ́lɛ, diɛ nwɔ́ mɔ̨nɔ̨i wiɛ pələ kɔɔn.

Mąątɛ̨nɛ̨ 56:2

Mą́ą́wɛli kaa Yálá, daa hee ɉú kɛnɛ̨, da tuwɔ lɔ kɔ́ pɛlɛi mą́ą́, diɛ vána.

Mąątɛ̨nɛ̨ 57:3

Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Azaya 49:19

A tɛ̨ą, ə́ kaa a lɔi pun, a lɔi mąąwɛliɛ, kɛlaa, ə həɠə yiihu ɓa, ə́ hu kaa pai koloi, ə́ hu nuą tamą pələ ɓa, ɛlɛɛ, nuąi kɛi ə́ hukala, diɛ li kwɛaala.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 50:7

Nui lɔpee kɛi kwiɛn a diɛ, ə kɛi di mį́i, di yówóɠaa di kɛi kɛ diɛ: «Ku hvo nɛ̨ŋɛ̨n ɉəɠə li, mąąhɔlɔɓo, di nɛ̨ŋɛ̨n ɉəɠə Yai-Laa ɓa, tələnmoi da di nąnni di kilitɔɔi kɛ mą: ya ɓaa kɛ a Yai-Laa»

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Woolaa 3:46

Ə́ yowoɠaa kəlee daa di laa tinɛ̨n kuɔ, diɛ hvaa pɛlɛ kuɔ.

Izikiɛ 23:32

Mąąhɔlɔɓo, Yai-Laa woo ka, yɛ: Ə́ liɛ nɛ̨ɛ̨nu ŋą gbąmąi, yá ɉu ya gbələ: Yai a ɉugbunŋąą hu kɛnɛ̨. Gaa pai kɛi a yɛ́lɛ́ kulɔ ɉu hɛn, diɛ di woo həɠə mą; ɉu kɛnɛ̨ pələ ɓa.

Izikiɛ 25:15

«Mɛ̨ni kəlee ŋą Hééɓomun Yálá woo ka, yɛ: Filisti nuą di toomɛ̨i kɛ, di di nwąną kulɔ a tɛɠɛɓo ɉu kɛnɛ̨; di gɛ lɔ tii kɛɛ kala wɛli ɓa. Yili kɔ́wɔ ə tɔɔ yowo laa mɛ̨nį yii kpɛɛ hvo mą, mąą mɛ̨nį ɓa.

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 25:6

«Mɛ̨ni kəlee ŋą Hééɓomun Yálá woo ka, yɛ: Ə́ kɛi ə́ yee lɔwa, yɛ́ ə́ kɔ́wɔ kɛlɛ lɔi ɓa, yɛ́ kwəinɛ̨ɛ̨ kulɔ a ə́ lii ɓa, ə́ kɛi tɛɠɛɓo Israɛlə lɔi hu a ə́ lii ɓa, mɛ̨nįɠaai kɛli laa mą, di mąą mɛ̨nį hu.

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Gɛlaɠaa 7:54

Nwooɠaa ti ə di liikələn di kwəi, diɛ di ɲįn ɲą mįi, diɛ di laa hvaną a Etiɛnə.