Taitɔ 1:15 - Yálá laawoo hɛɓɛ (dc)

¹⁵ Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Yálá laawoo hɛɓɛ

¹⁵ Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Bible

¹⁵ Diai dímaa waâi, sɛŋ kélee maa waa díŋɛi, kɛ́lɛ, diai díliƃiɛ̂i laa-la fé díyêei, sɛŋ maa fé waa ní díŋɛi. Díkili-ŋa-siai kpîŋ máŋ líƃiɛ̂i.

Taitɔ 1:15 ပူးပေါင်းရင်းမြစ်များ

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Egaa 2:13

Aze ə pənə nwɔ̨nɔ̨ ə di mąąnikɛ, yɛ diɛ: «Akɛ kɛa nu ta a ɲee pɛlɛ powa ɓa, mąą nu ə kɔ́hɔɓo, a li a ɲee pɛlɛ kɔ̨nɔ̨n da ɓa, gɔ̨nɔ̨n tii a kɔ́hɔɓo?» Ɉaláá laa həli nuą diɛ mą: «Ee!»

Maafîu 15:18

Kɛlaa, yii a kulɔ nu la, a həɠə nwɔ kiliŋąhiɛ hu. Yili ɓə a nu mąą liɓi.

Gɛlaɠaa 10:15

Nwoo ti ə pənə nwɔ̨nɔ̨ yɛ mą: «Ɉɛn Yálá ə mąąhəɠə, 'hvó kɛ mą: gɔhɔɓoɔi.»

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Lomaŋ 14:20

Hvo Yálá ŋą kólói kala a kɔ̨nɔ̨n mɛ̨nį. Gəlee mąąhəɠɛɛi tɛ̨ą li, kɛlaa, kɔ̨nɔ̨n yá mįi yɛ ə́ ɓɛlan nwɔ kiliŋąhiɛ həɠə Yálá kɔ́lɔn bələ ɓa, yili ɓə ɲɔ̨nwɔ̨ɔ̨.

Lomaŋ 14:23

Kɛlaa, nu a kɛi kɔ̨nɔ̨n mįi, ɲinɛ̨-ɲinɛ̨n ə ɓo ɉu, hɔnmąąmun ni, mąąhɔlɔɓo, hvo gɛi a ə́ kwəi kwɛlɛɛ laa na laa hu. Yaan, mɛ̨nįi hvó gɛi a ə́ kwəi kwɛlɛɛ laa na la hu, nɛ̨ŋɛ̨n ni.

Korɛntə dɔlɔɔ 10:23

«Mɛ̨nį kəlee mąą laa kaa gu ɲəi», kɛlaa gəlee hva mą́ą́ hon. «Mɛ̨nį kəlee mąą laa kaa gu ɲəi», kɛlaa, mɛ̨nį kəlee hvə a gu tɛ tɔwɔ.

Korɛntə dɔlɔɔ 10:25

Hɛn lɔpee da nɔwɔtɔɔ lɔwɔ kpalan ŋą, ká ɲá ká mįi, ká hvo ká kwəi kwɛli;

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə dɔlɔɔ 8:7

Kɛlaa, nu kəlee hvə dɛ̨ą tii kɔ́lɔn. Nu taɠaa daa kulɔ hali yíi hu a nįnɛ̨, bɔɔ ə ɓo ni diɛ, da kɛi ɉuwɔɠaa tii mįi, da kɛ gaai yɛ hali kɔ́ hɛn gbɔ-kpɔ, di wɔɔ kiliŋąhiɛ hvįikpɛɛ pələ, diɛ kɛ gɔ̨nɔ̨n tii a kɛ di mąąliɓii.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,