Timote veelɛ 4:5 - Yálá laawoo hɛɓɛ (dc)

⁵ Kɛlaa ə́ wɛi, ə́ yee kɛ ə́ kpɔwɔ ɓa mɛ̨nį kəlee hu, ə́ liikpələ mɔ̨nɔ̨ mu, ə́ kpɔwɔ kɛ a nwɛlɛɛ lɛlɛɛ laa həli mun, ə́ kɛ kóló kɛ ə́ naa kulɔ.

Yálá laawoo hɛɓɛ

⁵ Kɛlaa ə́ wɛi, ə́ yee kɛ ə́ kpɔwɔ ɓa mɛ̨nį kəlee hu, ə́ liikpələ mɔ̨nɔ̨ mu, ə́ kpɔwɔ kɛ a nwɛlɛɛ lɛlɛɛ laa həli mun, ə́ kɛ kóló kɛ ə́ naa kulɔ.

Bible

⁵ À kɛ̀ a yá, tɔɔ a gbanaŋɔɔ a tãi kélee, í tɔ́ɔ mɛni-kpɔlu su, í tíi kɛ́ yɛ̂ɛ Ɣâla-woo táa-taa-nuu, ítii kélee kɛ́ɛ a ǹɛ́lɛɛ.

Timote veelɛ 4:5 ပူးပေါင်းရင်းမြစ်များ

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Izikiɛ 33:2

«Hulɔnu lon, mɛ̨nį ɓo Israɛlə lonnii diɛ, yɛ́ diɛ: Lɔi ta a kɛ laa, ŋą́ gɛ diɛ kɔ́ pɛlɛ mąą lɔi tii ɓa, nɔi tii hu nuą da nu ta həɠə di lɔwai, diɛ gɛ a bələi mąąkpɛɛmun,

Izikiɛ 33:7

Yɛ́ hulɔnu lon, yɛ́ ɓə ŋą́ ə́ tɔɔ a Israɛlə bələi mąąkpɛɛ mun, wooi a kulɔ ná, ə́ wəli tɔɔ mą; yili pulu ə́ mo diɛ a nwɔ mɛ̨nį ɓoɔ.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Markə 13:34

Nąąlɔwai kɛ pələ kaa pai kɛi yɛ: Hulɔnu ta yii kɛi li hiɛ ɓa, gɛɛ kulɔi ɲəi bɛlɛ́n ə bɛlɛ́n diɓoɠaa kalihvaɓo nwɔ tínuą diɛ. Ə nu kəlee kɛ kólo tɛɛ bɔ, yɛ bɛlɛ́ laaləi mɛ̨i kaa mun mą: ‹Ə ɲɛ̨i kɛ bɛlɛ́ laaləi.›

Markə 13:37

Mɛ̨nįi ŋɛ̨i gáá moi kaa, gáá moi nu kəlee ɓa, gɛ́ nu kəlee ə gbɔwɔ mɛ̨i kaa, ka hvo yii.»

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.

Gɛlaɠaa 21:8

Mąą yələ laa ɓoɔ, ku həɠə kuɔ li Sesare daai, Filipəi ŋɛ̨i kɛ a Jesus mąą mɛ̨nį laa həli mun, ɲəi bɛlɛ́n mə ku lɔ laa. Nu mɛ̨ihveelɛi ŋɛ̨i di ɉəɠə ɉu Ɉerusalɛmə, dɔ̨nɔ̨ li kɛ.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,

Kolosə 1:25

ŋą́ kɛ a ŋą tímun, yɛ bələi, Yálá ə mąą laa tɛɛ la bɔ́, ká mąą mɛ̨nį ɓa; ə gɛ, ŋą́ Yálá laa woo laa həli mɛ̨nį laa kulɔ,

Kolosə 4:17

Ka mo Arsipə ɓa, kaa mą: tiɓo yii gu Ną́mu Jesus aa dɛɛ bɔ, ə ɉon a nɛlɛɛ, ə naa kulɔ.

Tɛsalonikə dɔlɔɔ 5:6

Yili ɓa, ká gu hvo yíi yɛ nu takpɛliɠaa, kɛlaa, 'ká gu kɛ a gu ɲɛ̨i, gu kɛ gili-gili.

Timote dɔlɔɔ 4:12

Nu ta hvo tɛɠɛɓo ə́ wɔ hulɔnon naa hu. Kɛlaa yaamun, 'kɛ́ nui da di yíi pələ kɔɔnmą, ə́ hvaa woo hu, ə́ túwɔ́ pələ hu, wɛlikɛmąąlaa hu, laa na laa hu, da mąąhəɠəlaa hu.

Timote dɔlɔɔ 4:15

Yili ɓə mąąnɛ̨ɛ̨ ə́ ə́ kiliŋąlaa mą. Yili ɓə mąąnɛ̨ɛ̨ ə́ tɔɔ la kpąą, ə gɛ, nu kəlee di ə́ wɔ tɛ tɔwɔ laa kaa.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Timote veelɛ 2:3

Kristə ŋą holahi, 'ə́ yee hee nwɔ mɔ̨nɔ̨i mu.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

M̀ɛni-lɛɛi 3:2

'Kɛ́ gili-gili! Nu kpɛli woloi tii diɛ di haai, 'di hvaŋąlɔ, mąąhɔlɔɓo, və́ ə́ kɛ-mɛ̨nįɠaa kaa li a naa kulaa nwɔ́ Yálái ɲɛ̨i ɓa.