Timote veelɛ 3:3 - Yálá laawoo hɛɓɛ (dc)

³ di kili walawalaa, di nwun va tínɛ̨n, di laa-pələɓoɔ, di ɲąą hvo laa li, di ɲąniɛ, di ɓo a mɛ̨nį lɛlɛɛ ɲowo;

Yálá laawoo hɛɓɛ

³ di kili walawalaa, di nwun va tínɛ̨n, di laa-pələɓoɔ, di ɲąą hvo laa li, di ɲąniɛ, di ɓo a mɛ̨nį lɛlɛɛ ɲowo;

Bible

³ da pâi kɛ̂i a ŋɛi-kpala-ƃela, ǹûai dífe lii-sêe wɛli ni díloai da díƃarâai, laa-kara-ƃela, ǹûai dífa díkpîŋ mɛi kâai, ŋwana-lɔ̂ɔ-ƃela, mɛni lɛ́lɛɛ kpɔara-ƃela,

Timote veelɛ 3:3 ပူးပေါင်းရင်းမြစ်များ

Zɛnɛse 49:7

Di wɔ liiholi yee ɉaɉaa mą, nɛ̨ŋɛ̨naa ɓə, ə mą kɛ di wɔ liikələn gwəi laa. Gáá di hukwɛlɛi Ɉakɔbə lonnii lɔwai, Ŋą́ di hu taɠa taɠa Israɛlə nąą kəlee.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Mąątɛ̨nɛ̨ 22:6

Di kɛi tómą ə́ pɔ pələ, yɛ́ di ɓalo! Da di kilitɔɔ kɛ yɛ́, hvó kɛi di ɲɛ̨i lɛɛ pələi!

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Danîa 8:23

Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Maafîu 4:1

Jesus mąąwaa pulu, Yálá nwɔ Kilii ə ɉəɠə, ə li la nɔi pun ɉu, ə gɛ, nąnį ə ŋąąhɛn.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Lomaŋ 1:31

Kiliŋąhiɛ hvo diɛ, di hva kulɔ di woo ɓa, yii da mo, di hva gɛ, di kili wala-walaa, ɛlɛɛ, di hva nu ta ɲɛ̨i mąą wɛli kaa.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Korɛntə dɔlɔɔ 7:9

Kɛlaa akɛ ká yee hva pɛli ká kpɔwɔ ɓa, mąąnɛ̨ɛ̨ ka húlú lɔ. Mąąhɔlɔɓo, yii viɛlaɓoɔ ya ɓaa: Hulɔnu ə nɛ̨ą hee, nɛ̨ɛ̨nu ə hilɛ hee. Yili lɛlɛɛ ə tɛɛ nɛ̨ą wɛli kɛɛ hulɔnu kələn ɉii ɓa, a wala kɛ tii hilɛ wɛli yɛ nɛ̨ɛ̨nu kələn.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Piɛrə veelɛ 2:19

Nɛɛ kalan gɛ nuą ti, da lɛɛgbɔɔɓa laa mįnɛ̨ həɠə diɛ. A pa, diɛi ti di kaa a luwɔ pɔlɔ, yii gaa pai di paai. Mąąhɔlɔɓo, hɛn yii ɲee tɛɛ nu ɓa, ə kaa yəi luwɔlaa hu.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.

M̀ɛni-lɛɛi 13:15

Di mąąlaa tɛɛ bɔ, əgɛ, ə ɉuwɔ tii mąąnįnįn nɔ̨ɔ̨ too ɉu, yɛ pɛli hvaai, ɛlɛɛ, nui a wala kwɛli hvilɛn ɉuwɔi tii mąąnįnįn ma, yɛ pɛli baai.

M̀ɛni-lɛɛi 13:17

Ɛlɛɛ nwɔ̨nɔ̨, nui lɔpee ta hva pɛli lɔwɔ́tɔɔi a wala kɛ tii hɛn da yai, akɛ ɉuwɔi tii kɔlɔn ɉɛn və mą, a wala kɛ tii, naa heekpəlina kɛ hɛɓɛ́ kɔw hvo mą.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.