Timote veelɛ 2:25 - Yálá laawoo hɛɓɛ (dc)

²⁵ Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Yálá laawoo hɛɓɛ

²⁵ Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Bible

²⁵ Diai da tɔ̂ɔ Kúnuu-namui ŋɔtíi-kɛ-nuui ŋɔsɛŋ-lɛ́ɛi mai, fɛ̂ɛ é díteniŋ tɔ́ɔ woo-lɛlɛɛ ǹá su. Tãi da Ɣâla a pâi dílɛɛ̂i naa dí dílii pene dí dɔ̃yâi kɔ́lɔŋ,

Timote veelɛ 2:25 ပူးပေါင်းရင်းမြစ်များ

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Izikiɛ 11:19

Gáá pai kaalonnaa kili tooi di hu, gɛ́ kili nįnɛ̨ too ka hu, gwɛnį kilii tii di hu, ŋą́ gulɔ laa, gɛ́ nu lii too di hu.

Izikiɛ 12:3

Ə́ wəli tɔɔ, hulɔnu lon; ə́ tiɛ̨ pɛli yɛ nui di kaa lííla luwɔlaa hu, hvóló ɲąą ɉə-ɉə, gɛ ti di ɲɛ̨i ɓa; ə́ kaa lii luwɔlaa hu, yɛ́ həɠə ɓɛ, yɛ́ li kɛɛnąą ta kpɛli ɓa; kiɛ-o, di kili kaa pai pui ɉu, diɛ kɛ kulɔ nwoo mu nuą ɓaa a diɛ.

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Markə 1:15

«Yálá nwɔ lɔwai ə vaaɓo aa həli, mąąhɔlɔɓo, Yálá-taa tɔɔlaa mąą aa kpuwɔ; ka kpəla mɛ̨nį ɲɔ̨n ma, ka tinɛ̨n, ka ka túwɔ́ pələ mąąhvalin, əlɛɛ, ka ka yee hee nwɛlɛɛ lɛlɛɛ mu.»

Ɉaan 5:34

Nwɛ́i, mą́ą́ kpaan və nu ta nwɔ kɛla hvaa ɓa, kɛlaa, gáá mɛ̨nįɠaai tii ɓoi kaa, əgɛ, ka nwun mąą ə ɓo.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 5:21

Di lɛɛ nwoo pulu. Yələ ɓɔi lɔwai, dəli Yálá hee pɛlɛ́ mu, diɛ nuą kalan. Ɉaláá laa həli mun gɛnɛ̨ ə pa, yaa da ɲee pɔ nuą, di tɔ́n vili nąmįną təli nwun dɔɔ hu, di gɛlaɠaa kulɔ gaho pɛlɛ́ mu di paa a diɛ Israɛlə nuą di wɔ ɲąąkpɔn gɛnɛ̨ɛ̨ hu.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Timote dɔlɔɔ 2:4

yai niiɓa ɓaa, nu kəlee di ɓalo, di tɛ̨ą kɔ́lɔn.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 3:7

yələ kəlee lɔ ɓə da kɛ mɛ̨nį mąąkwɛlii la, di hvo ta pɛli li tɛ̨ą kaai.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;