Timote veelɛ 2:20 - Yálá laawoo hɛɓɛ (dc)

²⁰ Pɛlɛ́ kɛnɛ̨ mu hɛnɲąŋą kəlee di hvo lɔ a: hɛni da wali kwɛli, daɠaa da kɛ a wulu, da ləɠi-pɔlɔ. Da daɠaa kɛ a di yee huɓo hɛnɲąŋą walawala, daɠaa di ɓo a hvįikpɛɛ kóló kɛ hɛn.

Yálá laawoo hɛɓɛ

²⁰ Pɛlɛ́ kɛnɛ̨ mu hɛnɲąŋą kəlee di hvo lɔ a: hɛni da wali kwɛli, daɠaa da kɛ a wulu, da ləɠi-pɔlɔ. Da daɠaa kɛ a di yee huɓo hɛnɲąŋą walawala, daɠaa di ɓo a hvįikpɛɛ kóló kɛ hɛn.

Bible

²⁰ Zɛŋ-folo-ŋai díkaa pɛ́rɛ kɛ́tɛ mui, gélee nɔ́ fé gbɛtɛ̂i a gôo da káne. Da-ni kpɛtɛ̂i máŋ a wuru da pɔrɔ. Da-ni díkaa mɛni kpanaŋ mɛni ma, da-ni dí ƃo mɛni fii-kpɛɛ mɛni ma.

Timote veelɛ 2:20 ပူးပေါင်းရင်းမြစ်များ

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Ɛsdrasə 6:5

Yili pulu, Yálá hee pɛlɛ́ mu hɛnŋąą kpɔ wɔlɔ tɔɔmun Nabukodonosorə ə ɉəɠə yɛ li la Babilonə, yɛi kɛ a hɛni, a wala kɛ tii wali, di kaa pai pai a gəlee Ɉerusalɛmə, di gəlee hee ɉeei Yálá hee pɛlɛ́ mu.›»

Lɛɛ gbɔwɔ ɓa 27:3

Ɉaláá kulɔ hɛnɲąŋąɠaai tii kəlee pɛli a ɓala kwɛli, ə́ da pɛli a luwu kələ hɛn, ə́ da kɛ a gwoa-gwoa, ə́ da kɛ a ɲąmą taɠa hɛnɲąŋą, ə́ da kɛ a mįnɛ̨ ɲin ɉu kulaa, ə́ da kɛ a nwɔ̨n ɉəɠə hɛn.

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Danîa 5:2

Yii kɛa ə nɔɔ tii kpələ, ə mo yɛ diɛ: Di pa a ɉɛni hɛn ɲąŋąɠaa da nwali kwɛli hɛn ɲąŋąɠaai ŋɛ̨i nąn Nabukodonosorə ə ɉəɠə Yálá hee pɛlɛ́ mu Ɉerusalɛmə daai, ə gɛ, tɔɔmun da nwɔ wɛli nɛ̨ąą, ə mą kɛ nɛ̨ąni da nwɔ nu kpɛa-kpɛai di di kpələ ɉu.

Ɉaan 8:49

Jesus yɛ diɛ: «Kpaa! Ɲįnɛ̨n və búlú. Kɛlaa, gáá Ną́n mąąwiɛi; kaan, kaa mɛ́lɛ́kpɛɛmą́ą́.

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Korɛntə dɔlɔɔ 3:9

Gbala ə tɔɔ, ku kaa kólo kɛi gii ɓa Yálá yəi ɲɛa, káá ɓə a Yálá ŋą tíi, a Yálá ŋą pɛlɛ́i.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Kilii háálai.

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.