Timote veelɛ 2:2 - Yálá laawoo hɛɓɛ (dc)

² Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Yálá laawoo hɛɓɛ

² Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Bible

² da nyíi í mɛ̀ni é kúla ńa sere támaa ŋɛ́i, ǹɛɛ ǹúu sã́a-ŋai yêei nyíi-ŋai da pɔ̂ri máŋ ǹɛ̂i nûa dîai.

Timote veelɛ 2:2 ပူးပေါင်းရင်းမြစ်များ

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Nehemi 7:2

Ŋą́ mo di ną́n non Hanani hee a Ɉerusalɛmə ŋąąwoo ɓomun, da Hanania yai kɛ a daa mąąkpɛ pɛlɛ ŋąąwoo ɓomun, ə kɛ a nui a kulɔ nwoo ɓa yɛ ɲɔw Yálá ɓa dɛɛ nu tamąą diɛ.

Mąątɛ̨nɛ̨ 101:6

Nɔi lonnii kpɔ nu a pɛli laai di la, gáá pai ɲɛ̨́i lɛlɛɛ heei diɛ, diɛ pɛli heei gwɛ́lɛ. Nui mąąkulɔ hvo dúwɔ́ pələ ɓa, ya ɓə pai kɛi a nwɔ́ kalanɉon gɛ̨nɛ̨mun.

Hanwon 13:17

Wɛlɛɛ ɓomun ɲɔ̨nwɔ̨ɔ̨ a mɛ̨nį nwąnąą laa gbɔwɔ ɓa. Kɛlaa, wɛlɛɛ ɓomun nɛlɛɛ a nu ɓalo.

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Levetekɔ 14:42

Di kwɛni takpɛliɠaa həɠə, di yiiɠaa tii mąąhvalin na, di pənə di bɛlɛ́ tɛ a pɔlɔ takpɛli.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Lonon mo 12:7

Nwɔ́ tímun Moisə nwɛi hvo kɛ li tii, yai gaa a kwəi kwələmun, nwɔ́ pɛ́lɛ́i mu nuą kəlee mąą mɛ̨nį ɓa.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Maafîu 24:25

Ka ka wəli tɔɔ a nəlɛɛ, ŋą́ą́ mɛ̨nįɠaai ŋɛ̨i ɓo kaa nąąlɔwai tɔwɔ.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.

Timote dɔlɔɔ 6:12

Laa na laa mąą kɔ́ lɛlɛɛ kɔ́, yɛnɛ̨ɛ̨ hva kpɛɛi ə́ təliɛi mą, 'gwɛli, yɛ bələ ə́ gɔlɔn na, ɛlɛɛ, ə́ mąą kɛla hvaa ɓo a laa na laa, nu kpulu kɛnɛ̨ɛ̨ ɲɛ̨i ɓa.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Timote veelɛ 3:14

Kɛlaa ə́ wɛi, mɛ̨nįɠaai ə́ mąą kwɛli, yai ə́ laa na a neelee, 'tɔɔ yiliɠaai mɛ̨i kpąą, nui ə́ mąąkwɛli ɲee ɲą, ə́ gɔlɔn.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Samuɛlə dɔlɔɔ 2:35

Yili pulu, gáá pai nwɔ́ hala laahəli mun nɛlɛɛ həɠəi, gaa pai túwɔ́i a nííɓa, yɛ bələi gáá la bɔ. Gáá pai pɛlɛ́ tɔɔi mą, vilɛn ŋąą kpilin, gaa pai kɛi hiɛi a yələ kəlee nwɔ́ nui ŋɛ̨i ŋą́ mąątí a dɔɔ wulɔ, nií la.