Timote veelɛ 1:6 - Yálá laawoo hɛɓɛ (dc)

⁶ Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Yálá laawoo hɛɓɛ

⁶ Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Bible

⁶ Nyíŋi mɛni ma ŋa íkili ŋa ponôi a gɛ́ɛ í Ɣâla ŋɔsama-sɛŋ ŋɛi lá ƃó nyíi gáa íkponôi ǹyee-pɛlɛɛ-maai sârai;

Timote veelɛ 1:6 ပူးပေါင်းရင်းမြစ်များ

Lɛɛ gbɔwɔ ɓa 35:26

Nɛ̨ąi kɛ di wəlɛɛ ɓolu ləɠa pɛnɛ̨i, di kɛi bɛnɛ̨.

Lɛɛ gbɔwɔ ɓa 36:2

Moisə ə Besalɛlə da Oholiavə təli, da nuąi kpɔ Yai-Laa ə di kɔ́ a kili, di kəlee di kɛi pa góló ɓa, a di kwəinɛ̨ɛ̨, diɛ góló kɛ.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Lukə 19:13

Gɛɛ hvə li, ə nwɔ tínuą powi təli, ə wəli kwələ waa tɛitɛi tɛɛ di pɔ, yɛ diɛ: ‹Ka yɔw kɛ a ɉɛn gɔwi ŋɛ̨i, ɛlɛɛ ɉu ŋą pənə ŋį́ pa.›

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Gɛlaɠaa 6:6

Di pa a nuą ti gɛlaɠaai pɔ, di di yee pɛlɛ di mɛ̨i, di Yálá hvɛli diɛ.

Tɛsalonikə dɔlɔɔ 5:19

'Ká hvo Kili-Mąąhəɠɛɛ hvįkpɛɛ,

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote veelɛ 2:14

Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.