Timote veelɛ 1:5 - Yálá laawoo hɛɓɛ (dc)

⁵ Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Yálá laawoo hɛɓɛ

⁵ Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Bible

⁵ Ítɔ̃yâ laa-la-lai maa-mɛni káa ŋ́gili ŋá, naa-lai nyíi kɛ̀ ílee ŋɔlee Loe kponôi a maa-ŋuŋ da ílee Yune. Tãi ŋí su ńaâi la a gɛ́ɛ gáa íkponôi.

Timote veelɛ 1:5 ပူးပေါင်းရင်းမြစ်များ

Mąątɛ̨nɛ̨ 116:16

Nɛ̨ɛ̨ yɛ́ Yai-Laa, mąąhɔlɔɓo gáá a ə́ wɔ tímun, gáá a ə́ wɔ luwɔnɛ̨ąi lon ɉulɔnu; yaa ɲíli yɛliɠaa hvoloon.

Mąątɛ̨nɛ̨ 17:1

Davidə nwɔ Yálá hvɛli woo. Yai-Laa! Ə́ wəli tɔɔ, gáá wɔlɔi yɛ́; mɛ̨nįi gáá ɉuhvɛli yɛ́, ə́ wəli tɔɔ mą, ə́ wəli laa ɓo nwɔ́ hvɛli woo tɔwɔ; lɛɛ woo hvo ná.

Mąątɛ̨nɛ̨ 18:44

Yá gúlɔ nuą di wɔ ɲąąhɛn mɛ̨nįɠaa yee mu, yɛ́ ɉéé lɔiɠaa nwun na; nuąi kɛ və́ di kɔ́lɔn, diɛ tí mą́ą́.

Mąątɛ̨nɛ̨ 22:10

Yɛ́n, yɛ́ ɓə gúlɔ néé kwəi, yɛ́ náá ɲeekɔ̨nwɔ̨n ɉu, ɲįnį mu.

Mąątɛ̨nɛ̨ 66:3

'Ka kɛ Yálá ɓa: «Ə́ kɛ mɛ̨nįɠaa ɲɛ̨i mąą ɲɔwuɔi! Ə́ hvąŋą kɛnɛ̨ pələ, ə́ yowóɠaa daa di kpɔwɔ kɛ, a ə́ mąątɛ̨nɛ̨ nuą.

Mąątɛ̨nɛ̨ 77:6

Gɛ́ gíliŋąhiɛ, tɔwɔ-tɔwɔ yələɠaa hu, gɛ́ gíliŋąhiɛ gwɛlanŋaai wɔlɔ daa tɛɛ diɛ.

Mąątɛ̨nɛ̨ 81:15

ŋą́ą́ mą kɛ nɛɛ mą, ŋą́ą́ ɲowoɠaa ɲɛ̨i paa, gɛ́ ɲéé pɛlɛ nuąi daa hee di mɛ̨i, diɛ.

Mąątɛ̨nɛ̨ 86:16

'Ə́ ɲɛ̨i tinɛ̨n bɔ́ pələ, 'mą́ą́wɛli kaa, Ə́ wɔ hvąŋąi 'tɛɛ Yɛ́ tímun pɔ, Yɛ́ luwɔnɛ̨ąi lon malo!

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 26:26

Dɔɔmun ŋɛ̨i gáá nwóó hukulɔi mą, giliŋą ponɔɔi mɛ̨nįɠaa ti kəlee hu, ɛlɛɛ gíli kaa ɉu gɛ́ da hvo loo li mą. Mąąhɔlɔɓo da hvo kɛ kpinįn ɉu, da hvo nwɔ̨nɔ̨ kɛ kpowəi.

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Lomaŋ 14:5

Hvóló kəlee hvo nu taɠaa ɲɛ̨i ɓa tanɔ̨n, ə ɓo dakpɛliɠaa ɲɛ̨i ɓa tanɔ̨n. Hvo kɛ li nu kəlee kili la ə kɛ a deɛ nwɔ kiliŋąhiɛ hu.

Lomaŋ 15:14

Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Lomaŋ 4:21

Gili ə kɛ kpɔ kɛ, yɛ kɛ mɛ̨nįi ə naakwɛlanmo mą, a pɛli bɔ mɛ̨nį kɛi.

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,