Timote veelɛ 1:16 - Yálá laawoo hɛɓɛ (dc)

¹⁶ Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Yálá laawoo hɛɓɛ

¹⁶ Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Bible

¹⁶ Kúnuu-namui é maloŋ-kaa tɛɛ Onesifɔlɔ ŋɔpɛ́rɛi mu-ƃelai pɔ, kpɛ́ni fêi, e ńzòŋ a ǹɛ́lɛɛ a tãi támaa; ŋáyɔlɔi maa-ŋumɛ fé kɛ́ ni mâ,

Timote veelɛ 1:16 ပူးပေါင်းရင်းမြစ်များ

Samia Veerɛi 2:6

Yai-Laa ə ka hon a wɛlikɛmąąlaa, a tɛ̨ą, ɲą́ą́ gbɛli mąn gáá pai ɲɛ̨i lɛlɛɛ heei kaa, mąąhɔlɔɓo, kaa túwɔ́ lɛlɛɛ ɓo.

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:31

Gwɛi mąąnɛ̨ɛ̨ kɛ di paa la a mɛ̨inɛ̨ɛ̨, yɛ pələi guuɠaa heeɛ kɛ la, da ɉihɛnŋąą dɔlɔɔɠaa mąą mɛ̨n, ŋį́ yiliɠaa hee gban ɲa. Ŋą́ Yálá hvɛli, gɛ́ mą: «Ə́ kili lɛɛ ɉú mɛ̨nį lɛlɛɛ mąą mɛ̨nį ɓa.»

Nehemi 5:19

«Námu Yálá, mɛ̨nįɠaai kpɔ ŋį́ gɛ nuąi ŋɛ̨i mąą mɛ̨nį ɓa, ə́ kili lɛɛ ɉu, ə́ bɔɔ kɛ mą́ą́ a mɛ̨inɛ̨ɛ̨.»

Mąątɛ̨nɛ̨ 18:25

Ya ɓə gɛ, Yai-Laa yɛ və́la kulɔ, yɛ bələi nwɔ́ tələnmolaa kaa la; yɛ bələi ɲéé mąąhəɠɛɛ kɛ la ɲɛ̨i ɓa.

Mąątɛ̨nɛ̨ 37:26

Yələ kəlee, tələnmomun a nu mąąwɛli kaa, yɛ kwələ tɔɔ; lúwɔ́ kaa gwəi lonnii diɛ.

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.

Maafîu 5:7

Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Korɛntə dɔlɔɔ 16:18

daa níilaa, daa káá kpɛlimąn ká liilaa. 'Ká nu huwu taaləi tii hvaŋąlɔ.

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 1:17

Kɛlaa yaamun, pai ə mo Romə, ə tɔɔ kpɔ a nwąnąi, ə gwɛ́li, ə gáá.

Timote veelɛ 1:18

Gu Ną́mu ə gɛ, ə mɛ̨inɛ̨ɛ̨ hɔlɔɓo gu Nąmu kwɛlɛ a ɲələi tii. Ɛlɛɛ, mɛ̨inɛ̨ɛ̨ɠaai kpɔ ə gɛ mą́ą́ Efɛsə, yɛ́ kpinįi ə́ gɔlɔn gbɔ a nɛlɛɛ.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Timote veelɛ 4:19

Ŋą́ Priska da Akilasə di túwɔ́ ɓo, ə mą kɛ, Onesiforə yəi bɛlɛ́n nuą kəlee.

Filemɔn 1:20

A tɛ̨ą, gááyɔwɔ, mɛ̨nį ŋɛ̨i gáá vɛli yɛ́, gɛ́ ə́ hvaa mą́ą́ gu Ną́mu nwɔ wɛlikɛmąąlaa hu; gáá bɔ ə́ nį́ilɔ Kristə laa hu.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Rutə 1:8

Naomi ə mo non nɛ̨ąni hveelɛi tii diɛ yɛ diɛ: «Nu kəlee ə pənə ə li nee pɔ. Yai-Laa ə mɛ̨nį lɛlɛɛ kɛ kaa, yɛ bələi ka gɛ la a ɲą́ą́ da yiiɠaa daa haai.