Timote veelɛ 1:13 - Yálá laawoo hɛɓɛ (dc)

¹³ Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Yálá laawoo hɛɓɛ

¹³ Dɛ̨ą wooɠaai ə́ mɛ̨n nái, ə́ wɔɔ yɛnɛ̨ɛ̨ kɛ pələ kɔɔn mą, laa na laa hu da wɛlikɛmąąlaa hu, Jesus Kristə laa hu.

Bible

¹³ Dɔ̃yâ-wooi maa-perei mɛi káa nyíi í mɛ̀ni ǹái. Dɔ̃yâ-wooi káa ǹaa-lai su da ŋwɛli-kɛ-maai nyíi-ŋai díkaa Zîsɛ Kôrai kponôi;

Timote veelɛ 1:13 ပူးပေါင်းရင်းမြစ်များ

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Hanwon 3:21

Nón, kɛ gili-gili laa, mɛ̨nį hukpɛ kili, mąą hvo kwɛa ə́ ɲɛ̨i mu, 'hvó lɛ̨ą mɛ̨nį hveelɛi tii ɓa.

Hanwon 4:13

Mɛ̨nį ŋɛ̨i di ə́ kalan na, 'ɉon kpaan, 'hvó ə́ pulu tɔɔ mą. Gaa a ə́ wɔ yɛnɛ̨ɛ̨, ə́ yee kanąn mą.

Hanwon 8:14

Ɲą́ą́ ɓə liɛwoo kaa ɲə́i da mɛ̨nį kɔ́lɔn ŋąą, ɲą́ą́ ɓə gáá a nwun gɛ ɉu, ɲą́ą́ ɓə Heeɓolaa kaa ɲə́i.

Lomaŋ 2:20

Yɛ́ ə́ kpɔwɔ kɛ a kilikpɛɛɲəi nuą kilaa ponomun, yɛ́ ɓo a lɛapɛlɛɛ mąą kwɛlimun; mąąhɔlɔɓo, ə́ laai na yɛ́ diɛ: tɔ́n gaa ə́ yəi da mɛ̨nį kɔ́lɔn ŋąą, ɛlɛɛ, da tɛ̨ą;

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 4:9

Mɛ̨nįɠaai kpɔ ká kalan na, ká ɉɔlɔɓo ɲə́i, ká mɛ̨n ná, ká gáá, gɛ́ gɛ, ká gəlee pɔ mɛ̨nį kɛ; Liilaa Yálá ə kɛ ká pɔ.

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Tɛsalonikə dɔlɔɔ 5:21

'ká gəlee hukpɛ a kili, yii nɛlɛɛ, 'ká ká yee kanąn mą;

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Timote veelɛ 1:1

Polə, Jesus Kristə ŋą kɛla, Yálá liiɓa hu, yɛ bələi ə yɛnɛ̨ɛ̨ laakwɛlanmo la Jesus Kristə hu,

Timote veelɛ 1:14

Mɛ̨nįi ə́ ɉɔlɔɓo Yálá yəi, 'ə́ yee kąnąn mą kpąą, Kili-Mąąhəɠɛɛi aa ɉeei kulɔ gu hu, ɉaalai.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Timote veelɛ 3:14

Kɛlaa ə́ wɛi, mɛ̨nįɠaai ə́ mąą kwɛli, yai ə́ laa na a neelee, 'tɔɔ yiliɠaai mɛ̨i kpąą, nui ə́ mąąkwɛli ɲee ɲą, ə́ gɔlɔn.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Taitɔ 2:1

Yii ɓaa ə́ wɛi, nuą mąąkwɛli, ə́ bɛli laa na laa hu həɠəənŋąą ɓa, a ɉaŋąą.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Hebreu 10:23

Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

M̀ɛni-lɛɛi 2:25

Kɛlaa, yii gaa ká yəi, 'ká ká yee kąną mą kpąą, ə lɛɛ ɉu, ŋį́ pa.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.