Sofoni 3:9 - Yálá laawoo hɛɓɛ (dc)

⁹ Nąąlɔwai, gáá pai hį́i takpɛliɠaa laawulun mąą pənəi, a laawulun mąąhəɠɛɛ, ə gɛ, diɛ pɛli Yai-Laa təlii a naa, diɛ vɛli, diɛ tí mą a gee.

Yálá laawoo hɛɓɛ

⁹ Nąąlɔwai, gáá pai hį́i takpɛliɠaa laawulun mąą pənəi, a laawulun mąąhəɠɛɛ, ə gɛ, diɛ pɛli Yai-Laa təlii a naa, diɛ vɛli, diɛ tí mą a gee.

Bible

⁹ “Tɔ̃yâ ma, maa ɣêlei tí ŋa pâi ǹûai lóno-woo ma fálenîi a gɛɛ dí lóno a zã́a, a gɛɛ díkelee dí ńaa tóli dí tíi kɛ́ ḿî a woo-kɛ-zu tɔnɔ.

Sofoni 3:9 ပူးပေါင်းရင်းမြစ်များ

Zɛnɛse 11:1

Gɛɛ nuą di hvo lɔi ŋąąkwɛlɛ di kee lɔwai, di hvaa woo yɛ kulɔ gee mu, Nąąlɔwai tii hu, yɛnɛ̨ɛ̨ nąą kəlee nuą woo ə kɛ tɔ̨nɔ̨, hį́i woo tɔ̨nɔ̨ lɔ ɓə di kɛi mo di kee lɔwai.

Zɛnɛse 4:26

Sɛtə yaa kpɛli ə lon ɉulɔnu hɔlɔɓo, ə naa hee a Enɔsə. Nąąlɔwai ɓə kɛa, nuą di gɔwɔ tɔɔ la, diɛ Yálá təli la a naa, a Yai-Laa.

Mąątɛ̨nɛ̨ 113:3

Ə həɠə hvoló kulɔi pələ, ə həli la dooi pələ, mąąwiɛ ə kɛ Yai-Laa ɓa!

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Azaya 19:18

Nąąlɔwai Eziptə taa lɔɔli kaa pai kɛi Kanaan woo ɓoi, diɛ di kwɛla, diɛ di kpɔwɔ laakwɛlanmo Yai-Laa Mɛ̨nį Kəlee ŋą Hééɓomun ɓa, dɔ̨nɔ̨ laa kaa pai kɛi a Kɛɛ Kala Taa.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Izikiɛ 37:17

Yili pulu, ə́ nwulu kpuɔ hveelɛi tii pɛlɛ gee ɓa ə́ yee ŋą, di kaa pai kɛi ə́ yee ŋą a wulu kpuɔ tɔ̨nɔ̨.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»