Sofoni 3:2 - Yálá laawoo hɛɓɛ (dc)

² Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Yálá laawoo hɛɓɛ

² Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Bible

² Va núu wóo mɛni, va ǹyée see lia-wôo mu. Vé láa ní a Yâwɛɛ, va lɛ̂ɣɛ Ɣâla kɔlɛ ma.

Sofoni 3:2 ပူးပေါင်းရင်းမြစ်များ

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Mąątɛ̨nɛ̨ 78:22

Mąąhɔlɔɓo, di hvo kɛ di kilitɔɔ li Yálá ɓa, di hvo kɛi gaa diɛ kɛ a pɛli di ɓaloi a tɛ̨ą.

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 43:22

Ɉakɔbə, yili kulɔ ə́ wɔ kiliŋąhiɛ hu kpɔ tɛ̨ɛ̨ tɛ̨ɛ̨, yɛ́ hvəi də́li, ɛlɛɛ, Israɛlə, hvo kpɛli kpaan nɔpee da paa li, mą́ą́ mɛ̨nį hu.

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Ɉeremi 13:25

Ɉerusalɛmə! Ɉɛn ə́ kaa gwɛlii ya ka tii; yáá kulɔ nwóó mu, ɉɛn yáá ɉee ə́ kpɔɔ tɔwɔ, yaa li. Hvo gaai, ə́ lɛ̨ą mą́ą́, yɛ́ ə́ kpɔɔ ɓowo a lɛɛ hɛn. Ɲą́ą́ Yai-Laa nwóó li.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 22:21

Ŋą́ pələ ɓo yɛ́, ɓɛlɔwai mɛ̨nį ta hvo kɛ la ə́ wəli pulu, ə́ bulu pənə mą́ą́, yɛ́ mą́ą́: «Və́ nwə́li tɔɔi mɛ̨nį ta ɓa.» Ə həɠə ə́ muhəɠə yələ ɓa, yili lɔ ɓə ə́ kaa ɉu. Hvə́ ta gɛ li, hvó ə́ wəli tɔɔ nwóó ɓa.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉeremi 35:13

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ mą: Li, yɛ́ Ɉuda nuą da Ɉerusalɛmə nuą diɛ: Ka hva pɛli kɛ ka yee heei ka mąą kwɛli woo mu, kaa ka wəli tɔɔ nwóó ɓa? Yai-Laa woo li.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Izikiɛ 22:24

«Hulɔnu lon, 'mo Ɉerusalɛmə ɓa yɛ́ mą; gaa a lɔi mąą hvo həɠə li, tulɔ hvo pu li mą a liiholi yələ.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Timote veelɛ 3:16

Ɉɛɓɛ́ mąąhəɠɛɛ hu wooɠaa kəlee di həɠə Yálá pɔ, da pɛli nu mąąkwɛlii, diɛ nu ɲąątɔɔ a mɛ̨nį lɛlɛɛ kɛɛ, diɛ nu hutɔɔ, diɛ nu hvilɛn tələnmo pələ mɛ̨i,

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.