Sofoni 3:17 - Yálá laawoo hɛɓɛ (dc)

¹⁷ Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Yálá laawoo hɛɓɛ

¹⁷ Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Bible

¹⁷ Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Sofoni 3:17 ပူးပေါင်းရင်းမြစ်များ

Zɛnɛse 1:31

Ɉɛnŋąą kpɔ tii Yálá ə bɛli, ə hee, ə gəlee kaa, gəlee lɛlɛɛ kpɔ ɲɛ̨i ɓa. Yələwulii ə kɛ, yələwala ə kɛ, yili ɓə kɛ a voló mɛ̨ida.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Zɛnɛse 2:2

Yálá ə gɛ́ kóló kəlee kɛ ə kpɛɛ la, voló mɛ̨ihveelɛ yələ, ə hee, ə vįitɔɔ gɛ kóló kəlee ɓa.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 18:4

Mąąhɔlɔɓo, Yai-Laa ə kɛ mą́ą́: «Gáá pai lɛɛi heeni ɉééi, gɛ́ kɛɛ kaa, ɉéɛ kpɔ kpɛ, yɛ bələi hvóló tɛɛ nwun mą wəleen gɛnɛ̨i la, gbaalən ə ɓo mą; yɛ bələi lɔ luwu luwu a pɛlɛ la mɔ̨nun deei lɔwai.»

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Azaya 65:19

A tɛ̨ą, gáá pai Ɉerusalɛmə mąą mɛ̨nį kɛi a nwɔ́ kwəinɛ̨ɛ̨, ɛlɛɛ, ŋį́ ɓo lɔ kwəinɛ̨ɛ̨ hu, nwɔ́ nu kan mąą mɛ̨nį ɓa! Di hvo kpɔ kɛa pai wɔlɔ woo, da gboo təli woo mąn ɉi laa, kpɔ kɔ́lɔ-kɔlɔ.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Zooɛ 2:21

Lɔi! Hvo ɲɔw! Kwɛinɛ̨ɛ̨ kulɔ ə́ pili yələi a kwəinɛ̨ɛ̨. Mąąhɔlɔɓo, Yai-Laa aa mɛ̨nį kɛnɛ̨ kɛ.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Lonon mo 14:8

Yai-Laa a tɔɔ gu pulu, gaa gu lɔi nɔi tii hu, ə nąą tɛɛ gu pɔ. A nɔi lɛlɛɛ tii hihɛn ɉuwui lɔpee gəlee a lɛlɛ ɉui.

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 15:11

«Ŋą́ yili ɓo kaa, ə gɛ, nwɔ́ kwəinɛ̨ɛ̨ ə kɛ ka yəi, ka wɔ kwəinɛ̨ɛ̨ laa ə kulɔ.

Dutɛrɔnome 23:15

Mąąhɔlɔɓo, Yai-Laa ka wɔ Yálá yaa kpinį lee ga ka lɔwai gɔ́ laɠa hu, yɛ li, yɛ pa ka ɓalo mɛ̨nį ɓa, yɛ ka yowoɠaa lɔ ka yee ŋą. Yili ɓa tii, ɓɛi ka kɛ laa, nwɔ kɛɛnąą li. Mąą hvo nɛ̨ɛ̨li Yai-Laa hvo hɛn da kaa laa a nwumɛ̨ mɛ̨nį yii a gɛ, yɛ bulu tɔɔ la kaa.

Dutɛrɔnome 30:9

Ka kɛ mɛ̨nįɠaa kəlee hu, Yai-Laa ka wɔ Yálái a ɉu nɛ̨ɛ̨ ka yəi. A ka kwəi nwun, kaa lon damąą kaa, ka wɔ taatɛlɛɛɠaai kpɛli mąn diɛ di kaa tamąą, ə mą kɛ ka wɔ hihɛnŋąą diɛ ɓá kpɔ kɛnɛ̨. Mąąhɔlɔɓo, hɛn nwɔ̨nɔ̨ pai kɛi a Yai-Laa nwɔ kwəinɛ̨ɛ̨ mɛ̨nį, ya ɓaa, ka kɛ nwun nąnɛ̨ɛ̨ hu yɛ bələi ə gɛ la ka nąnni diɛ.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.