Sofoni 3:15 - Yálá laawoo hɛɓɛ (dc)

¹⁵ Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Yálá laawoo hɛɓɛ

¹⁵ Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Bible

¹⁵ Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Sofoni 3:15 ပူးပေါင်းရင်းမြစ်များ

Zɛnɛse 30:23

Ə koo həɠə, ə lon ɉulɔnu hɔlɔɓo. Rasɛlə, yɛ diɛ: «Yálá aa nwumɛ̨ həɠə ɲɛ̨́ilaa.»

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 19:9

Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 65:19

A tɛ̨ą, gáá pai Ɉerusalɛmə mąą mɛ̨nį kɛi a nwɔ́ kwəinɛ̨ɛ̨, ɛlɛɛ, ŋį́ ɓo lɔ kwəinɛ̨ɛ̨ hu, nwɔ́ nu kan mąą mɛ̨nį ɓa! Di hvo kpɔ kɛa pai wɔlɔ woo, da gboo təli woo mąn ɉi laa, kpɔ kɔ́lɔ-kɔlɔ.

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Izikiɛ 35:10

«Mąąhɔlɔɓo, ə́ kɛ diɛ; ɉįi hveelɛi ŋɛ̨i, nɔi hveelɛi kaa a nwɔ́ɔ́; ɛlɛɛ, ku kaa pai di həɠəi a ku wɔɔ. Kɛlaa, Yai-Laa ə kɛ laa.

Izikiɛ 36:15

Ə́ ɓɛlɛ too wooɠaai lɔiɠaa da kɛ moi, vá kɛa ə́ lɛɛ laa, da hvo too ə́ wəlii; hvo kɛa pai ə́ nwun ɉeei nuą di wɔ lalan nwooɠaa mu. Hvo kɛa pai ə́ wɔ lɔi hu nuą tooi nɛ̨ŋɛ̨n mɛ̨nį hu, Mɛ̨nį kəlee ŋą Hééɓomun Yálá woo li.»

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Amɔsə 9:15

Nwɔ́ nuą tii, ŋį́ di hee di pɔ lɔi kpɔ tin-tin, Di hva kɛa həɠə laa. Ɲą́ą́ Yai-Laa ə́ wɔ Yálá, nwóó li, gɛ́ diɛ: nɔi tii ŋį́ dɛɛ di pɔ, di hva kɛa həɠə ɉu.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Habakukə 2:17

Mɛ̨nį ɲąą nwąnąąi tii laa Liban ɓa, ɲɔ̨nwɔ̨mąn gaa pai ka nwun mɛ̨i pui. Gɛɛ kala huwɔɠaa kəlee hu kala pələ kaa pai ka mąąkpɛlin ɉi. Ɲąmąi ka bu da nwąnąlɔ tuwɔi ka mo nɔi hu, daaɠaa hu da ɉu nukanŋąą diɛ, mąą mɛ̨nį ɓa.

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Zakari 14:11

Nuą kaa pai heei laa, di hva kɛa nɛ̨ŋɛ̨nnaa kɛ, Ɉerusalɛmə kaa pai kɛi liilaa hu.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 12:15

«Siɔn nɛ̨ɛ̨gbɛla! 'Hvo ɲɔw. Ə́ wɔ tɔɔmun ka ŋɛ̨i pai, ɉiɛ hoohvaalən non mɛ̨i.»

Ɉaan 19:19

Pilatə ə hɛɓɛ́ ta pɛ̨ɛ̨ di gbanwo Jesus nwun mɛ̨i. Ɉɛɓɛ́i tii pɛ̨ɛ̨i kɛ diɛ kɛ mą: «Jesus Nazarɛtə mun Ɉuifəɠaa di wɔ tɔɔmun.»

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

M̀ɛni-lɛɛi 7:15

Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.