Sofoni 3:14 - Yálá laawoo hɛɓɛ (dc)

¹⁴ Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Yálá laawoo hɛɓɛ

¹⁴ Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Bible

¹⁴ Óo Zãiyɔŋ ǹóŋ-nɛnii, láɣi a wule-woo, óo Eezuɛ, láɣi! Óo Zerusâlɛŋ ǹóŋ nɛnii, lii nɛ̃̂ɛ kula a ílii kélee!

Sofoni 3:14 ပူးပေါင်းရင်းမြစ်များ

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Mąątɛ̨nɛ̨ 14:7

Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨!

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 97:8

Yai-Laa! Ə́ wɔ kiti wooɠaai mąą mɛ̨nį ɓa, Siɔn a bələ mąn, yɛ mąą kwəinɛ̨ɛ̨ kulɔ, Ɉuda taaɠaa diɛ mąą mąną kaa.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Azaya 40:1

'Ka nwɔ́ nuąi hvaŋąlɔ, 'ka di hvaŋąlɔ, ka wɔ Yálái woo li.

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 31:13

Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Mise 4:8

Ɛlɛɛ, yɛ́i ɓaa daatɛlɛɛ mąąkpɛmun ɉee pɛlɛ́, Siɔn nɛ̨ɛ̨gbɛla nwɔ yeei, dɔɔi tii wɔlɔ kɛ ə́ yə́i, a pənə ə pa ə́ pɔ, a dɔɔlaai tii bɛ̨ɛ̨ Ɉerusalɛmə nɛ̨ɛ̨gbɛla nwuɔ̨i.

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»