Sofoni 2:7 - Yálá laawoo hɛɓɛ (dc)

⁷ Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Yálá laawoo hɛɓɛ

⁷ Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Bible

⁷ Yúo kɔlɛ ma lɔii a pâi kɛ̂i a pɔɔ-sɛŋ Zuda ŋɔpɛ́rɛi mu-ƃelai mɛni ma nyii-ŋai pâi lɛɛ̂i ɣele mai. Nàa a pâi kɛ̂i a díkpâlaŋ ŋá dítaa tûlɛ-ŋai mɛni ma. Da pâi ǹyîi Asikɛlɔŋ ŋɔpɛ́rɛ-ŋai mu a ɣele wûlii ǹyaŋ Yâwɛɛ a pâi dímɛi kâai é díƃalo.

Sofoni 2:7 ပူးပေါင်းရင်းမြစ်များ

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Mąątɛ̨nɛ̨ 80:14

Lɔwɔɓoi yɛ gala, lɔwɔ-huwɔɠaa diɛ mįi.

Mąątɛ̨nɛ̨ 85:1

Nwələ ɲɛ̨itɔwɔmun, Kore lonnii di wɔ wələ woo.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 32:14

Dɔɔmun ŋą pɛ́lɛ́i aa lɛɛ a vowolo, daai tii kɛ naa hvɛɛ a nukan, aa lɛɛ a gboloon, ɲee kpu kpu da daa mąą kpɛ hį́i, daa lɛɛ a huwɔ pɛlɛi a yələ kəlee mɛ̨nį, a hoohvaalənŋaa di wɔ kwəinɛ̨ɛ̨ kulɔi, da taatɛlɛɛɠaa laamįi…

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 31:7

Mɛ̨nįi Yai-Laa kaa moi, ya ka, yɛ diɛ: «'Ká ka yee lɔwa Ɉakɔbə ɓa a kwəinɛ̨ɛ̨, ka lɔiɠaa ɲąąwooɓomun laakwiɛn a ɲɛ̨i kɛnɛ̨, ka tomą ka kwəinɛ̨ɛ̨ kulɔ, kaa diɛ: ‹Yai-Laa nwɔ nu kpəlii aa lɛɛ a Israɛlə, gaa di nwun mąąɓoi›.»

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 47:5

Daa Gaza nwun galaan, daa laa lɔ Askelɔn la. Ka káá lɛɛi a nu gbəli ka wɔ lɔi hu, ka mąą kaa pai lɛɛi a mɛlaa, əlɛɛɉu lə yələ?

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Osia 6:11

Yɛ́ kpɛli mąn Ɉuda, gáá mɔ̨nun mɔn ŋąą heei ə́ tɔwɔ, a ɲələi gáá pai nwɔ́ nuąi kulɔi la luwɔlaa hu.

Abdiasə 1:19

Ɉuda nu huwu kaa pai Esau huwu nwɔ yeeɠaai həɠəi ɉɛɠɛɛ pələ, di hee nɛ̨ŋɛ̨ lɔi hu, ɓɛi ŋɛ̨i kɛ a Filisti nuą di wɔ lɔi, ə mą kɛ da Samari taa, yii Ɛfraimə nuą di wɔ lɔi hu. Bɛnɉamɛn huwu kaa pai Galaadə lɔi həɠəi.

Mise 2:12

Gáá pai Ɉakɔbə nwɔ pɛ́lɛ́i kəlee pɛlɛi gee ɓa, gáá pai Israɛlə nu kpəli ɲąąkpɔn ɉii, gáá pai di pui di kee ɓa yɛ Bɔsra ɓɛlaa haaɠaa, yɛ taatɛlɛɛ kpulu a kɛ kala tiliin mɛ̨i, ɛlɛɛ, nu woo kaa pai kɛi tɔɔi di lɔwai.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Mise 4:7

Yiiɠaai da too di kɔ́wɔ mɛ̨i, diɛ ɓə ŋą́ di lɛɠɛ di kee ɓa, ŋą́ di kɛ a nu huwu kpəli, yiiɠaai kwɛa la, ŋą́ di kɛ a nu huwu huwalawala, Yai-Laa yɛ tɔɔlaa kɛ di mɛ̨i Siɔn yee nwuɔ̨, ə həɠə yiihu ɓa ə lɛɛ la ɉu wɔ.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Sofoni 3:13

Israɛlə nu kpəlii a lɛɛ, di hva kɛa tuwɔ pələ ɲɔ̨n gulɔ. Di hvo kɛa pai kɛi lɛɛ hvaaɓoi, nu ɓowo woo hva kɛa kulɔ di la, Kɛlaa, di kaa pai kɛi di laa mį́į́, diɛ di hvįįtɔɔ; ɛlɛɛ, nu ta hva kɛa di mąą ɲɔw.

Sofoni 3:20

Mąą yələi tii, ŋą́ hvilɛn ka ɲɛ̨i tɔwɔ, ŋį́ pa a kaa, ɲələi tii, ŋą́ ka ɲąą kpɔn, ka ɲɛ̨i ə pɔ̨nɔ̨, ɓɛlɛ ə kɛ kaa lɔi mɛ̨i, nu kanŋaa kəlee lɔwai, ɓɛlɔwai gáá pai ka wɔ yɛnɛ̨ɛ̨ ɲɛ̨ilaa lɛlɛɛ heei la mą, kaa gaa. Ɲą́ą́ Yai-Laa, ɲą́ą́ kpɔ ɓə mo!

Egaa 1:12

Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.

Egaa 2:2

Mo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, da Yehosadakə lon ɉulɔnu Ɉosue, yii gaa a haláá laa həli mun gɛnɛ̨, ɛlɛɛ, da nuąi kpɔ həɠə luwɔlaa hu diɛ pa, yɛ diɛ:

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»

Gɛlaɠaa 8:40

Yii ɓaa Filipə nwɛi, ə gbɔwɔ kaa kɛa Azotɔsə. Ə kɛli kɛa nwɛlɛɛ lɛlɛɛ laa həli daa kpɛa-kpɛaɠaai ə kɛi tɛɛ ɉu, ə lɛɛ ɉu, ə li ə həli Sesare.

Lomaŋ 11:5

Bələ lɔ ɓə gaa la, háákələi Yálá nwɔ ɲɛ̨imąąwɛli kaa hu, aa nu kpulu logolo həɠə ɉu.

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.