Sofoni 2:15 - Yálá laawoo hɛɓɛ (dc)

¹⁵ Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Yálá laawoo hɛɓɛ

¹⁵ Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Bible

¹⁵ Nyíŋi ƃé kɛ̀ a daa-lêei nyii kɛ̀ dɔɔ́, maa tínaŋɔɔ a siɣãŋ, lii-nɛ̃̂ɛ kɛ́ ƃò ǹaa-ƃelai dîa, dí kɛ́ mò dîyɛɛ, “Itɔɔi kɛ̂tɛi é tɛ́ɛ daa kpéli-ŋai dîa.” Ká gáa berei káa ǹaa è la a vólo é kɛ́ a lɔɔ-sûa-ŋa kɛ̂i! Núui kélee a tɛ̂ɛ nàai, fɛ̂ɛ é ŋuŋ kpɛ́mɛŋ.

Sofoni 2:15 ပူးပေါင်းရင်းမြစ်များ

Zôo 16:4

Ee! Ɲą́ą́ gbɛli, gáá pai nwóó ɲąąlɛi, yɛ bələi lɔ ka káá gɛi la. Mɛ̨nįi ŋɛ̨i naa mą́ą́, akɛ kɛ kaa li, ɲą́ą́ gbɛli, ŋį́ pɛli kɛ ŋį́ woo hukulɔ mąąhəɠɛɛ kɛ kaa, gɛ́ nwún mu pili ka mɛ̨i.

Zôo 27:23

a too, diɛ huluun mɛ̨i, ɓɛi ə kɛ laa nąą nuą diɛ di laa pu ɉu.

Azaya 22:2

Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Azaya 32:11

Ka mąą kaa pai kpɛlin, kaai ɲɛ̨i mɛ̨nį ta hva ka lii kulɔ kaa, ka nwun mini-mini ə yɛɛ a kaa, a kaa ŋɛ̨i kiliŋąhiɛ hvo kaai, ka ɉəɠəɠaa kulɔ kaa, ka ka kpuwuluɓo, ka həɠə kpulon ka niŋəi.

Azaya 32:14

Dɔɔmun ŋą pɛ́lɛ́i aa lɛɛ a vowolo, daai tii kɛ naa hvɛɛ a nukan, aa lɛɛ a gboloon, ɲee kpu kpu da daa mąą kpɛ hį́i, daa lɛɛ a huwɔ pɛlɛi a yələ kəlee mɛ̨nį, a hoohvaalənŋaa di wɔ kwəinɛ̨ɛ̨ kulɔi, da taatɛlɛɛɠaa laamįi…

Azaya 32:9

Nɛ̨ąą! Kaai mɛ̨nį ta hva ka lii kulɔ kaai, 'ka ka wəli tɔɔ, nɛ̨ɛ̨lɛa kaai kiliŋąhiɛ hvo kaai, 'ka ka wəli tɔɔ ka nwóó mɛ̨n;

Azaya 47:10

Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 2:1

Ee kə! Yai-Laa liiɲąnwąną pələ ɓa, aa Siɔn halakpɛla mɛ̨i kpįnį, aa Israɛlə mąąɲįnɛ̨n tɛ yələi aa doo nɔi ɓa. Niiholi pələ, hvo kpɛli gili lɛɛ li gɔwɔ tɔɔ kpəlin ɉu.

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Izikiɛ 27:36

Nuąi kɛi ɲɔw kɛ nɔiɠaa lɔwai, diɛ kwəlee hvɛɛ ə́ mɛ̨i, yáá kɛ a hɛn da ɲɔw ma, ə́ mąą mɛ̨nį kpɛɛ li a yələ kəlee da nwɔɔ.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Nahumə 3:19

Gɔi a kala yɛ́, ɉali hvo mą, balaɠaai di kaa yɛ́, di hva pɛli kpɛɛi, nui lɔpee a ə́ mɛ̨i woo mɛ̨n, a ɲee lɔwa mɔ̨nɔ̨i tii naa ə́ mɛ̨i mąą mɛ̨nį ɓa, gwa gaa kpɔ tii, gbɛɛ kpɔ ɓə hvó mɛ̨nį ɲąąnwąnąą laa mą?

Habakukə 1:7

Di ɲɛ̨i mąą ɲɔwuɔi, di hvaŋą kɛnɛ̨. Di wɔ huɲąŋą kɛnɛ̨ laa hu, di wɔ tɔ́n mąą a di wɔ huwalawala.

Maafîu 27:39

Nuą tii kɛi tɛɛ bələi, da di ɲɛ̨i hee Jesus ɓa, diɛ di nwun gbɛŋɛ̨n diɛ nalan diɛ kɛ mą: