Sofoni 1:14 - Yálá laawoo hɛɓɛ (dc)

¹⁴ Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Yálá laawoo hɛɓɛ

¹⁴ Yai-Laa nwɔ hvóló kɛnɛ̨i mąą aa kpuwɔ, mąą aa kpuwɔ-o, gaa pai kpɔ a gɔwɔ mąąhulaa. Yai-Laa nwɔ hvólói, ɉələ kaa mɛ̨i, kɔkulaa yɛ tómą a wɔlɔ, yɛ mąąkilɛi kwɛli.

Bible

¹⁴ Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Sofoni 1:14 ပူးပေါင်းရင်းမြစ်များ

Azaya 15:4

Hɛsbɔn da Eleale diɛ gboo təli, nu a kɛ Yasa daai, yɛ mɛ̨n. Yili mąą mɛ̨nį ɓa Moabə kɔ́ kulááɠaa kaa tómąi, liikpələ hvo da yəi.

Azaya 33:7

Ka káá gaai; Ariɛlə nuą kaa tómąi gwəli hɛ̨ąɠaa, niilaa-wɛlɛɛ ɓo nuą kaa wɔlɔi kpɔ a di nwąnąi.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Ɉeremi 25:36

Taatɛlɛɛ mɛ̨i kaa nuą gboo təli woo kaa tɔɔi, taatɛlɛɛ tɔɔ nuą tomą woo yɛ tɔɔ. Yai-Laa kaa daatɛlɛɛ laa mɛɛiɠaa hukalai.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 48:41

Daa Keriyotə hon, daa lɔ Mesadotə. Moabə kɔ́kulááɠaa lii aa kɛ di kwɛi yɛ yɛ̨ɛ̨nui kwəi nwąną kɛi a volói tii.

Izikiɛ 12:23

'Mo diɛ yɛ́ diɛ, Mɛ̨nį kəlee ŋą Hééɓomun Yálá woo ka: Gáá ɉanwon ti kulɔi ka la, di hva kɛa mo Israɛlə lɔi hu. Kɛlaa, 'kɛ́ diɛ: ‹Ɉįįɠaai di gaa, di bɔ mɛ̨nį kɛ yələ yɛ həli.›

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Zooɛ 2:1

Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Amɔsə 8:2

Yai-Laa ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Kpɔlɔ ka tii, naahvɛɛ a wulu ɓa, gəlee daa kpɔlu.» Yai-Laa yɛ mą́ą́: «Israɛlə nu huwu ŋąąkpɛɛi lɔwai aa ɉəli, və́ pai di hɔn da mąąhvaalɛɛi.

Sofoni 1:10

Yai-Laa woo ka, yɛ diɛ: Mąą yələi tii, wɔlɔ woo kɛnɛ̨ a tɔɔ ɉɔwɔlee pɛlɛ laaləi pələ, woo laa woo yɛ tɔɔ daa nįnɛ̨ hu, tín gɛnɛ̨ yɛ tɔɔ ɲeeɠaa nwuɔ̨.

Sofoni 1:7

'Ka ka laa pilɛ Ną́mu Yai-Laa lííla! Hvó gaai, Yai-Laa nwɔ hvólói mąą aa kpuwɔ. Yai-Laa aa nwɔ haláá hɛn bɛli, nuąi aa di təli, aa di mąąhəɠə.

Gɛlaɠaa 2:20

Hvóló hu a kpinį, ŋąnin ə kpɔlu yɛ ɲąmą, yili a gbɛa kɛ, Ną́mu nwɔ hvóló mąąwiaa kɛnɛ̨i hvo tɛɠa pa.

Filipə 4:5

Mąąnɛ̨ɛ̨ nu kəlee di ká wɔ túwɔ́ pələ lɛlɛ kaa, gu Ną́mu pai lɔwai mąą a kpuɔ.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Hebreu 12:26

Yálái ŋɛ̨i nwoo ə kɛi lɔi tumo, aa mo yiihu, yɛ: «Gáá pai lɔi kpɛlin ɉi tanɔ̨n gbən a gbəli-kpəli, hva lɛɛ lɔ a lɔi yaa tanɔ̨n, yələkɔlɔn naa kaa ɉu.»

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.