Samia Veerɛi 8:6 - Yálá laawoo hɛɓɛ (dc)

⁶ Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Yálá laawoo hɛɓɛ

⁶ Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįihɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Bible

⁶ Deeƃé è ŋɔkɔ-kuluƃa-ŋai dí ƃûu pù Dɛmɛika taa-leei su Siria lɔii su. Siria-ŋai dí kɛ̀ Deeƃé ǹyée mu dí kɛ́ ŋuŋ-fela fei kpɛ̀ɛ ǹyêei. Ƃɛ́i kélee Deeƃé è lì naai, Yâwɛɛ è wála-wâla-laa tɛ̀ɛ bɔ́.

Samia Veerɛi 8:6 ပူးပေါင်းရင်းမြစ်များ

Samia Veerɛi 10:19

Dɔɔɓɛlaai kpɔ kɛ Hadadɛzɛrə yeemu, yii kɛa di gaa diɛ Israɛlə yee a tɛɛ diɛ, di kɔ́-tɛ́ɛ́ pili Israɛlə ɓa, di lɔ Israɛlə nuą yeemu. Aramə nuą di kɛi kɛa ɲɔw kpɔmąą tɛɛ Amɔn lonnii pɔ.

Samia Veerɛi 23:14

Davidə ə kɛ mąąkilɛ pələi, Filisti nuą di wɔ kɔ́ ɓuwui ta ə kɛ Bɛtleɛmə daai.

Samia Veerɛi 3:18

nąąlɔwai aa həli, mąąhɔlɔɓo, Yai-Laa ə mo Davidə laa mɛ̨i, yɛ kɛ: ‹Nwɔ́ tí mun Davidə yee hu ɓə gáá pai nwɔ́ nu huwui kulɔi la Filisti nuą yəi, da di yowoɠaa kəlee yəi.›»

Samia Veerɛi 5:10

Davidə hvaŋą ta lɔ ɓə kɛi pɛlɛ mą, Yai-Laa Mɛ̨nį Kəlee ŋą Hééɓomun Yálá yɛ ɓo bɔ.

Samia Veerɛi 7:9

Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨ yɛ yɛnɛ̨ɛ̨ nu kpɛa-kpɛaa di wɛi.

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Samia Veerɛi 8:7

Nuą mąąkɔ̨nwɔ̨ kwɛli hɛnŋaai kɛ Hadadɛzɛrə nwɔ kɔ́kulááɠaa nuą yəi, a hɛni, Davidə ə gəlee həɠə ə pa a diɛ Ɉerusalɛmə daai.

Tɔɔɓɛlaa veelɛ 1:1

Tɔɔmun Akabə haa pulu, Moabə lɔi hu nuą di di muhəɠə Israɛlə lɔi pɔ.

Tɔɔɓɛlaa veelɛ 14:28

Ɉeroboamə kɛ mɛ̨nį gbəliɠaa, mɛ̨nįɠaa kpɔ ə gɛ, nwɔ kuláá laaɠaai, nwɔ kɔ́ɠaai ə gɔ, Damasə da Hamatə di hon a Israɛlə nwɔɔ, yɛ di kulɔ Ɉuda lɔi yəi, kɛlɛi gəlee pɛ̨ɛ̨ Israɛlə tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 18:7

Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Tɔɔɓɛlaa veelɛ 3:4

Moabə tɔɔmun Mesa ə kɛ a taatɛlɛɛ tɔɔmun, ə kɛi daatɛlɛɛ tii nii hɔ̨ŋɔ̨ kulɔ a ɓɛlaa lon nwaa nwun dɔ̨nɔ̨, da ɓɛlaa haa waa nwun dɔ̨nɔ̨, bɛlɛɛ di lɛɠa ɓa, yɛ dɛɛ Israɛlə tɔɔmun bɔ.

Kɔlɔnikɔ Maa-ŋuŋ 18:13

Ə lɔi nwun nąmįną hee Edɔmə, di kəlee di lɛɛ Davidə yee mu, a Davidə nwɔ tínuą. Ɓɛi lɔpee Davidə ə kɛi li laa, Yai-Laa ə kɛi kɔ́ nɛ̨ɛ̨ mą.

Kɔlɔnikɔ Veerɛi 17:2

Ə kɔ́ ɓuwuɠaa pɛlɛ Ɉuda kɔ́ taaɠaa hu. Ə lɔi ɲąąwooɓo nuą hee Ɉuda lɔi hu, da Ɛfraimə taaɠaa hu, diɛi kpɔ tii nąn Asa ə di hon a kɔ́.

Mąątɛ̨nɛ̨ 140:7

Ŋį́ kɛ Yai-Laa ɓa: «Nwɔ́ Yálá ɓaa a yɛ́!» Yai-Laa, ə́ wəli tɔɔ nwɔ́ nɛ̨ɛ̨mąą hvə wooi ɓa.

Mąątɛ̨nɛ̨ 60:10

Moabə kaa a nwáá-hɛnɲąŋą, gɛ́ nwɔ́ kɔ́lɔi pili Edɔmə mɛ̨i, ɛlɛɛ yɛ́, Filisti lɔi, yá pɛli mɔ̨ɔ̨ tómąi, yɛ ə́ yee aa tɛɛ mą́ą́?

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

Samuɛlə dɔlɔɔ 13:3

Ɉonatan ə Filisti nuą di wɔɔ nwun nąmu paa Gɛva. Filisti nuą di bələ mɛ̨n, diɛ mą Hebreuɠaa daa di muhəɠə. Saulə ə tulu hvɛɛ nąąlɔwai, nɔi nąą kəlee.

Samuɛlə dɔlɔɔ 14:1

Yələ ta, Saulə lon Ɉonatan yɛ nwɔ ɓíitiɛ̨ ɓa: «Pa gwəli, Filisti nuą tii ɓɛli pələ, gu həli diɛ.» Kɛlaa, hvo nąn gili pu ɉu.

Samuɛlə dɔlɔɔ 14:15

Nuą di ɲɔw, gɔ́ ɓuwu la, da ɲɛɛkɔwɔɠaa hu, ə mą kɛ nɔi kəlee hu, nuą tii kɛ bələ nwun na da nɔi huwolo nuą diɛ kpɛli, di ɲɔw kpɔ kɛnɛ̨, nɔi ə kpɛlin, Yai-Laa a nuą hu pu diɛ a ɲɔw.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»