Samia Veerɛi 7:9 - Yálá laawoo hɛɓɛ (dc)

⁹ Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨ yɛ yɛnɛ̨ɛ̨ nu kpɛa-kpɛaa di wɛi.

Yálá laawoo hɛɓɛ

⁹ Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨ yɛ yɛnɛ̨ɛ̨ nu kpɛa-kpɛaa di wɛi.

Bible

⁹ Ŋ́gaa íkɔlɛ ƃɛ́i kélee ya lì naai. Ŋá íkpɔara-ƃelai kélee pù íkɔɔ mu. Ŋa pâi gɛ̂i ílaa mu é wuyɛ yɛ̂ɛ dîai dílaa mu-wuyɛ̂ɛi ŋ̀éniɛi sui.

Samia Veerɛi 7:9 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Samia Veerɛi 22:1

Ɓɛlɔwai Yai-Laa ə Davidə kulɔ la ɲowoɠaa yəi, ə mą kɛ Saulə yəi; nąąlɔwai ɓə ə nwələi ŋɛ̨i too la Yai-Laa ɓa.

Samia Veerɛi 22:30

Ŋą́ laŋin ɓoloonŋaa mɛ̨i ə́ haalai, nwɔ́ Yálá a kɛ bɔ́, kwa laŋin hįi mɛ̨i ku hvilɛn ɉu pələ.

Samia Veerɛi 22:43

Ŋą́ di mąą pənə a muluun gbala, ŋą́ di hu hunwɔ̨, ŋą́ di tan yɛ pələ mɛ̨i palaya.

Samia Veerɛi 23:1

Ɉɛse lon Davidə woo gbəlan mąą ka: Nui heeni dɔɔ kpəlin ɉu, nwoo li; Nui Ɉakɔbə nwɔ Yálá ə mąątí, Yaai Israɛlə nuą da naa too a wələ,

Samia Veerɛi 5:10

Davidə hvaŋą ta lɔ ɓə kɛi pɛlɛ mą, Yai-Laa Mɛ̨nį Kəlee ŋą Hééɓomun Yálá yɛ ɓo bɔ.

Samia Veerɛi 8:13

Davidə laa ə tɛ, ɓɛlɔwai ə pənə la yɛ pa, ɲee a tɛɛ Aramə nuą diɛ; diɛi kɛ a gboloyá kwɛlɛ lɔi hu nuą. Aramə nuą di kɛ a nu waa pow kɔ́w mɛ̨ihaaɓa.

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Kɔlɔnikɔ Maa-ŋuŋ 17:8

Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨i yɛ yɛnɛ̨ɛ̨ nu kpɛa-kpɛaa di wɛi.

Mąątɛ̨nɛ̨ 21:6

Ə́ wɔ yeetɛɛmąąlaa, aa kɛ mą a ɲɛ̨i pɔ̨nɔ̨ kɛnɛ̨, Yáá mąąwiɛ kɛ mą, loo hvo mą.

Mąątɛ̨nɛ̨ 89:23

Ɲowo hvo pai pɛlii woloi mą dɛɠii, Kwɛli tee mun hva pɛli nwumɛ̨ tɛi la.

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Zasua 6:27

Yai-Laa ə kɛ Ɉosue pɔ, naa ə tɛ, mąą tin ə too nɔi nąą kəlee.

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Samuɛlə dɔlɔɔ 18:30

Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Samuɛlə dɔlɔɔ 31:6

Bələ ɓə Saulə da nonnii haaɓai bɛlɛɛ nwɔ ɓíítiɛ̨i ɓa, da Saulə nwɔ nuą kəlee di haa la a voló tɔ̨nɔ̨i tii.

Samuɛlə dɔlɔɔ 5:10

Di nɛɛ mą di Yálá nwɔ kəhii həɠə də li la Ɛkrɔn. Kɛlaa, di lɛɛ lɔ pai a gəhi, Ɛkrɔn nuą di tomą diɛ kɛ: «Daa pa ɓɛ a Israɛlə nwɔ Yálá ŋą kəhii, ku kəlee ku paa mɛ̨nį ɓa.»