Samia Veerɛi 7:24 - Yálá laawoo hɛɓɛ (dc)

²⁴ Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Yálá laawoo hɛɓɛ

²⁴ Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Bible

²⁴ Ya ínûai kɛ̂i kɛ́ ma ya kɛ́ a Díɣâla.

Samia Veerɛi 7:24 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Samia Veerɛi 7:23

Nu huwu ta kaa mɔ̨ɔ̨ ɓɛ yɛnɛ̨ɛ̨ ə ɓo yɛ Ə́ wɔ nu huwui Israɛlə, a nu huwui ŋɛ̨i Yálá ə nwun mąąɓo yɛ gɛ a gwɛlin, yɛ naa hee mą, yɛ mɛ̨nį kɛnɛ̨i ŋɛ̨i kɛ mąą mɛ̨nį ɓa da mɛ̨nį kpɛa-kpɛa mąą ɲɔwɔɠaai, ə́ gɛ di wɔ lɔi mąą mɛ̨nį ɓa. Lɔi ta kaa mɔ̨ɔ̨ laa diɛ pɛli gɔwɔn ɉii ə́ wɔ nu huwui ɓa, yai ə́ nwun mąąɓo Eziptə nuą yəi di wɔ lɔi da wɔ haligaai.

Samia Veerɛi 7:25

A kɛ tii kɛa Yai-Laa nwɔ́ Yálá, nwooi ə́ mo yɛ hvilɛn na ə́ wɔ tímun da nwɔ pɛlɛ́i diɛ, ə́ yee kɛ mą a yələ kəlee. Ə lɛɛ, gɛ́ yɛ bələi ə́ mo la.

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Dutɛrɔnome 26:18

Yai-Laa aa háákələi ka həɠə ɉu yɛ ka kɛ a nwɔ nu huwu; yɛ bələi ə mo la kaa. Kaa pɛli lɛɛi nwɔ tíɓoɠaa kəlee pulu.

Dutɛrɔnome 27:9

Yili pulu, Moisə da ɉaláá laa həli nuą Levi lonnii, diɛ Israɛlə nuą kpulu kəlee diɛ: «Israɛlə lonnii! Ka ka mɛ̨ihaa, ka ka wəli tɔɔ! Yai-Laa ka wɔ Yálái aa ka kɛ a nwɔ nu huwu háákələi.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Piɛrə dɔlɔɔ 2:10

a káái tɔlɔɔ ká hvo kɛ kɛli kɛ a nwɔ nu huwu, kɛlaa yiihu kɛa, káá kɛ a Yálá nwɔ nu huwu; káái ká wɔɔ nąą hvo tɔlɔɔ kɛ ɲɛ̨imąąwɛli kaa hu, kɛlaa yiihu kɛa, aa ká ɲɛ̨imąąwɛli kaa.