Samia Veerɛi 7:22 - Yálá laawoo hɛɓɛ (dc)

²² A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Yálá laawoo hɛɓɛ

²² A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Bible

²² M̀ɛni ma í kɛ́tɛi. Sɛŋ da fé naa é seri ípɔ. Ɣâla da kpɛ́ni fé naa é kɛ́ yɛ̂ɛ yá, yɛ̂ɛ berei kwa íkɛ mɛni-ŋai kâai lai.

Samia Veerɛi 7:22 ပူးပေါင်းရင်းမြစ်များ

Samia Veerɛi 22:32

Gbɛɛ ɓə gaa a Yálá, akɛ Yai-Laa hvəi? Gbɛɛ ɓə gaa a kwɛni, akɛ kuɔ Yálái hvəi?

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Kɔlɔnikɔ Maa-ŋuŋ 16:25

Mąąhɔlɔɓo, Yai-Laa kɛnɛ̨i, mąąwiɛ ə ɓo mą kɛnɛ̨. Ɲɛ̨i mąą ɲɔwuɔi, gɛnɛ̨ dɛɛ haliɠaa kəlee diɛ.

Kɔlɔnikɔ Veerɛi 2:5

Gbɛɛ kpɔ ɓə hvąŋą a pɛli kɛi ɲəi, yɛ pɛli Pɛlɛ́ tɔɔi mą, a yai tii yələ kɔ́lɔn da yələ kɔ́lɔn mɛ̨i pələ di hva pɛli mui? Ɛlɛɛ, lə kpɔ ɓə níí kpələ gɛ́ pɛli Pɛlɛ́ tɔɔi mą, a wala kɛ kɛ́ diɛ pɛli halááɠaa kələn ɉi Nííla?

Mąątɛ̨nɛ̨ 135:5

A tɛ̨ą, gbaɠala kaa tii mą́ą́, Yai-Laa kɛ̨nɛ̨i, ku Nąmu yee tɛɛi yáláɠaa kəlee diɛ.

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 44:1

Wələ ɲɛ̨itɔwɔmun, Kore lonnii di wɔ kililaa pono wələ woo.

Mąątɛ̨nɛ̨ 48:1

Kore lonnii di wɔ wələ.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.

Mąątɛ̨nɛ̨ 96:4

Mąąhɔlɔɓo, Yai-Laa kɛ̨nɛ̨i, Mąąwiɛ kaa a nwɔɔ. Ɲɛ̨i mąąɲɔwuɔi, gɛnɛ̨ yáláɠaa kəlee diɛ.

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Lɛɛ gbɔwɔ ɓa 9:14

Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 40:25

«Gbɛɛ ɓə ka pɛli Gɔ́ɔ́n ɉii mą, kaa gɛ a bɛ́li?» Mąąhəɠəmun nwoo li

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Izikiɛ 36:22

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ka mąą mɛ̨nį hvəi gáá mɛ̨nįi ŋɛ̨i kɛi la, kaai a Israɛlə lonnii; kɛlaa, gáá gɛi tii, náá mąąhəɠɛɛi ka mɛlɛ too nɔiɠaai ka li di hu, mąą mɛ̨nį ɓa.

Izikiɛ 36:32

Ka mąą mɛ̨nį hvo gáá gɛi la, mąąnɛ̨ɛ̨ ka kili ə kɛ tii ɉu. Mɛ̨nį kəlee ŋą Hééɓomun Yálá woo li. Ka nwumɛ̨, mąąnɛ̨ɛ̨ ka nwumɛ̨ ka túwɔ pələ mąą mɛ̨nį hu, Israɛlə nwɔ pɛlɛ́i!

Danîa 2:45

Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Dutɛrɔnome 4:39

Kaa kpinįi ka mɛ̨nįɠaa tii hukpɛ kɛa háákələi ka kwəi, ka gbaɠala kaa, kaa diɛ: Yai-Laa ɓə gaa a Yálá yələkɔlɔn ɉu, ə mą kɛ lɔi mɛ̨i, yɛnɛ̨ɛ̨ ɓɛ, dakpɛli hvo laa Yaa bulu.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.