Samia Veerɛi 7:12 - Yálá laawoo hɛɓɛ (dc)

¹² Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Yálá laawoo hɛɓɛ

¹² Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Bible

¹² Íwɔ̂ ɣele kûu-ŋai da kpɛɛ ya sàa, ŋa pâi gɛ̂i íkpɔɔi loŋ-sinaai dɔnɔ é ípɔɔ ŋá síɣe. Ŋa pâi gɛ̂i ŋɔkâloŋ-laai su kpanaŋɔɔ.

Samia Veerɛi 7:12 ပူးပေါင်းရင်းမြစ်များ

Zɛnɛse 15:4

Yai-Laa yɛ mą: «Kpaa! Hvo mo tii, nui tii hvəi pai ə́ kwɛ́lin ɉəɠəi. Ə́ kaa gwəi lon gbɔ-kpɔɔ ɓə pai ə́ kwɛ́lin ɉəɠəi.»

Samia Veerɛi 22:51

Yai-Laa a kɔ́ nɛ̨ɛ̨ nwɔ tɔɔmun ma nui a ɉəɠə ɉu ə mąątí, a lɛɛ mąą nu ɓa a woo tɔ̨nɔ̨, a lɛɛ Davidə da ɉuwuhu nuą kəle pɔ, a yələ kəlee.

Tɔɔɓɛlaa dɔlɔɔ 1:21

Ɓɛlɔwai nwɔ́ mɛ̨nį nąmu tɔɔmun gaa pai laai la nąnni kwɛlɛ, ɲą́ą́ kwa nón Salomɔn ku kaa pai kɛi yɛ hɔn mąą nuą.»

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Tɔɔɓɛlaa dɔlɔɔ 2:1

Ɓɛlɔwai Davidə haai lɔwai ə kɛi kɛa lɛɠɛ la, ə vɛli non Salomɔn ɓa, yɛ mą:

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Tɔɔɓɛlaa dɔlɔɔ 5:5

Ɉuda nuą da Israɛlə nuą di kɛ a nuą wəli pulu laɠiɛ. Nu kəlee heɛ nwɔ viɲə kpɔlɔ mu, da nwɔ ɓolaa wulu mu. Ə həɠə Dan, ə li Beɛrə-Seva, Salomɔn ŋą yɛnɛ̨ɛ̨ kəlee yee mu.

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Tɔɔɓɛlaa dɔlɔɔ 8:19

Kɛlaa hvó pai bɛlɛ́i tii tɔɔi mą́ą́. Ə́ lon mə, yai a kulɔ ə́ kpinį hu; ya ɓə pai bɛlɛ́i tii tɔɔi náá mąą mɛ̨nį ɓa.›

Tɔɔɓɛlaa dɔlɔɔ 8:20

Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Tɔɔɓɛlaa dɔlɔɔ 9:5

ŋą́ ə́ wɔ tɔɔ kpəlin laa hɔn mo a yələ kəlee Israɛlə nwun na; yɛ bələi ŋą́ mo la ə́ nąn Davidə ɓa, gɛ́ kɛ mą: ‹Nu kaa pai hɔlɔɓoi ə́ yəi bɛlɛ́n a yələ kəlee, yɛ hee Israɛlə nwɔ tɔɔ kpəlin hu.›

Tɔɔɓɛlaa veelɛ 8:19

Kɛlaa, Yai-Laa hvo kɛ bɔ, hvo Ɉuda lɔi hu kala nwɔ tímun Davidə mąą mɛ̨nį ɓa. Mąąhɔlɔɓo, ə kɛ yɛ gaa pai labon dɛɛi Davidə huwu pɔ a yələ kəlee mɛ̨nį.

Kɔlɔnikɔ Maa-ŋuŋ 17:11

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Kɔlɔnikɔ Veerɛi 1:9

Yii hui ŋɛ̨i Yai-Laa, mɛ̨nįi ta ə́ mo ną́n Davidə ɓa, bɔ mɛ̨nį kɛ kɛa. Hvó gaai, Yɛ́ ɓə yáá ɉéé a tɔɔmun nɔi kɛnɛ̨i ŋɛ̨i mɛ̨i, ɉu nuą tamąą yɛ muluun.

Kɔlɔnikɔ Veerɛi 13:5

Ka kili hvo mɔ̨ɔ̨ ɉu kaa kɛ, Yai-Laa Israɛlə nwɔ Yálá ə dɔɔlaa tɛɛ Davidə pɔ Israɛlə lonnii kəlee mɛ̨i a yələ kəlee mɛ̨nį, yaa da gwəi lonnii; yili kaa a mįnɛ̨ yii kala hvo mą?

Kɔlɔnikɔ Veerɛi 21:7

Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Kɔlɔnikɔ Veerɛi 23:3

Nu kpului tii pa, di kəlee di ɲąąkpɔnŋąąi kɛ Yálá yəi bɛlɛ́n, di mįnɛ̨ həɠə tɔɔmun mąą mɛ̨nį hu. Yili pulu, Yehoyada yɛ diɛ: «Tɔɔmun non ga! Yaa ŋɛ̨i ɓə mąąnɛ̨ɛ̨i ə hee a dɔɔmun, yɛ bələi Yai-Laa ə mo la Davidə mąą mɛ̨nį ɓa.

Kɔlɔnikɔ Veerɛi 6:15

Mɛ̨nįi ə́ naakwɛlanmo ə́ nwɔ tímun ną́n Davidə ɓa, yáá bɔ mɛ̨nį kɛ. Mɛ̨nįi ə́ mo ə́ laaləi, yáá bɔ mɛ̨nį kɛ a ə́ yee, yɛ bələi ku kaa gaai la háákələi.

Kɔlɔnikɔ Veerɛi 6:9

Kɛlaa, yɛ́ kpįnįle hvo pai bɛlɛi tii tɔɔi, ə́ lon mə, ə́ kwəi lon mə, ya ɓə pai bɛlɛi tii tɔɔi náá ɓa.›

Mąątɛ̨nɛ̨ 89:29

Nwóói ŋį́ gwɛlɛ mą, ŋą́ bɔ mɛ̨nį kɛ a yələ kəlee, nwɔ́ mɛ̨inɛ̨ɛ̨ ə ɓo mɛ̨i a yələ kəlee.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 33:17

Yai-Laa woo ka, yɛ diɛ: «Davidə huwu hu, nu hvo pai kpɛɛi laa yɛ hee Israɛlə nwɔ pɛlɛ́i dɔɔ kpəlin ɉu.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Lukə 1:32

Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Korɛntə dɔlɔɔ 15:51

Gáá mɛ̨nį loɔ ta lɛi kaa; gu kəlee gu hvo pai haai, kɛlaa, gu mąą kaa pai hvalin ɉii,

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Tɛsalonikə dɔlɔɔ 4:14

Yii kani gu laai na guɔ, Jesus ə haa, ə nwun, bələ lɔ ɓə gaa la, nuąi daa haa, Jesus mąą mɛ̨nį ɓa, Yálá kaa pai di nwun ɉii Jesus hu, ə pa a diɛ.