Samia Veerɛi 7:10 - Yálá laawoo hɛɓɛ (dc)

¹⁰ Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Yálá laawoo hɛɓɛ

¹⁰ Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Bible

¹⁰ Ŋa pâi kwaa ma kpɛtɛ̂i ŋánûai Eezuɛ-ŋai mɛni ma. Naa a pâi kɛ̂i a díkpɔɔi kwaa ma núu da fa ŋɔ́nɔ díkula naa. Wála-wala nuu da fa ŋɔ́nɔ dímaa yào yɛ̂ɛ berei da kâa gɛ̀ la a diai,

Samia Veerɛi 7:10 ပူးပေါင်းရင်းမြစ်များ

Tɔɔɓɛlaa veelɛ 21:8

Yili ɓa, və́ kɛa pai Israɛlə lonnii mąą kwɛai nɔi ŋɛ̨i ŋą́ dɛɛ di kalaɓɔlɔni pɔ, mą, akɛ mɛ̨nįɠaai ŋą́ mo diɛ, da gɛ. Diɛ hiɛ a kpaaləi ŋą́ dɛɛ nwɔ́ tímun Moisə pɔ, yɛ nɛ diɛ.»

Kɔlɔnikɔ Maa-ŋuŋ 17:9

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Kɔlɔnikɔ Veerɛi 33:8

Ɛlɛɛ, nɔi ŋɛ̨i ŋį́ dɛɛ Israɛlə nuą di nąnni pɔ, vá kɛa di kɔ́wɔ kulɔ ɉu, di hvo li kwɛa la; akɛ, ɲɛ̨nɛ̨ɛ̨ kɛ pələ kpaaləi ŋɛ̨i ŋį́ dɛɛ Moisə pɔ, da ɉon, di hiɛ la, yai gaa a dɔ́n gəlee, da bɔ liɛwooɠaa.»

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Mąątɛ̨nɛ̨ 44:4

Di wɔ kɔ-kɔ-ɓɔwa hvə nɔi tɛɛ di pɔ, di wɔ kuláálaa vəi gɔ́ nɛ̨ɛ̨ diɛ; kɛlaa, ə́ yee hvąŋą kɛnɛ̨i ɓə, ə́ yee kɔ̨nwɔ̨n mə, ə́ ɲɛ̨́ilai nwɔ nwɔ̨n nən ɓə, mąąhɔlɔɓo, di wɛli ə kɛ yɛ́.

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Mąątɛ̨nɛ̨ 80:9

Nwulu ɓɔn ə́ gulɔ Eziptə lɔi hu, yɛ́ hį́i takpɛliɠaa kpɛ di heei, yɛ́ ɉin naai;

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Azaya 5:2

ə nɔi ɓuwɔ, ə gwɛniɠaa kulɔ ɉu, ə niiɓa hihɛn ɉi laa, ə koloon dɔɔ díi hɛ̨ąi, ə viɲə ya kulɔi pɛli laa, ɲɛ̨i ə ɓo kɛa viɲə ɓá lɛlɛɛ tɔwɔ, kɛlaa ə ɓá a ɲɔ̨nwɔ̨ɔ̨.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Ɉeremi 18:9

Yələ takpɛli, ŋą pɛli ŋą naa gwə́i, gɛ́ lɔi, awala kɛti, tɔɔi ŋą́ ɉee, ŋą́ gɔwɔ hvilɛn kpɔ tin-tin.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Izikiɛ 28:24

«Nąąlɔwai, ɲąąlən va kɛa hee Israɛlə nwɔ pɛlɛ́i ɓa, ɓomodiliin hva kɛa gwənįn, nu ta hva kɛa kɛ gwɛlɛ, yɛ viiɓo, di kaa pai gili kɔ́lɔn ɉii tii, diɛ kɛ; ɲą́ą́ ɓə gáá a Yai-Laa.»

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Amɔsə 9:15

Nwɔ́ nuą tii, ŋį́ di hee di pɔ lɔi kpɔ tin-tin, Di hva kɛa həɠə laa. Ɲą́ą́ Yai-Laa ə́ wɔ Yálá, nwóó li, gɛ́ diɛ: nɔi tii ŋį́ dɛɛ di pɔ, di hva kɛa həɠə ɉu.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.

Samuɛlə dɔlɔɔ 13:17

Nɔi hu wolo nuą di həɠə Filisti nuą di wɔ kɔlaɠai hu, a di kpulu hee ɉaaɓa. Nu kpulu tɔ̨nɔ̨ ə ɉon a Ofra pələ Sualə lɔi hu.