Samia Veerɛi 5:9 - Yálá laawoo hɛɓɛ (dc)

⁹ Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Yálá laawoo hɛɓɛ

⁹ Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Bible

⁹ Deeƃé è sèe naa é ǹaa láa sée a Deeƃé ŋɔtaa-lêei. È siɣâŋ tɔ̀ɔ é dínaŋ naa ma é kúla Milo é lí daa-leei su-pere.

Samia Veerɛi 5:9 ပူးပေါင်းရင်းမြစ်များ

Samia Veerɛi 5:7

Davidə ə Siɔn gulaa kwəli hon, di naa hee kɛa a Davidə taa.»

Samia Veerɛi 5:8

Davidə ə mo a mąą yələi tii, yɛ diɛ: «Nui lɔpee yɛ ə Ɉebusə nuą hon, hvo kɛ li mąą nu ə lɔ ɲá wolo hu. Yii ɓaa kɔ́wɔ nwąną nuą da ɲɛ̨ipu nuą, da ɓaɠi lii tɛ a Davidə.» Yili mąą mɛ̨nį ɓə gɛ da kɛ kɛi la diɛ: «Ɲɛ̨ipumun da nuąi da too di kɔ́wɔ mɛ̨i, di hva pɛli lɔi bɛlɛ́n.»

Samia Veerɛi 6:10

Davidə ə lənə Yai-Laa nwɔ kəhii lɔ mɛ̨nį ɓa bɔɔli, Davidə taa. Ə mo, də li di nɔ Gatə mun Ovɛdə-Edomə yəi bɛlɛ́n.

Tɔɔɓɛlaa dɔlɔɔ 11:27

Bələi ə tɔɔ la tɔɔmun na, bələ ka: Mɛ̨nɛ̨i ŋɛ̨i kɛ Yálá hee pɛlɛ́, da dɔɔ pɛlɛ́ di lɔwai, ɓɛlɔwai Salomɔn ə kɛi dɔɔ la, yɛ nąn Davidə taa hį́i nwoloi laa kpulu,

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 9:15

Tɔɔmun Salomɔn ə pɔlɔtɛ kóló laa nuą mɛ̨i, di Yai-Laa hee pɛlɛ́ tɔɔ, da yaa kpinįi tii ɲíi pɛlɛ, di Ɉerusalɛmə mąąkpɛ hį́i tɔɔ, di non dɔɔ ɉu, di ɉu hon ɉɛnŋąą tɔɔ di lɔwai. Di Hasɔrə taa tɔɔ, di Megido taa da Gɛzɛrə taa tɔɔ.

Tɔɔɓɛlaa dɔlɔɔ 9:24

Eziptə tɔɔmun lon nɛ̨ɛ̨nu həɠɛɛ Davidə taa, ə li bɛlɛ́i Salomɔn ə dɔɔ mą mu, nąą pulu ɓə Salomɔn ə daa mąąkpɛ hį́i lon dɔɔ la ɉu,

Tɔɔɓɛlaa veelɛ 12:20

Ɉoasə kɛ mɛ̨nį gbəliɠaa, da mɛ̨nįɠaa kpɔ ə gɛ, kɛlɛi gəlee pɛ̨ɛ̨ Ɉuda tɔɔɓɛlaa kɛ mɛ̨nį hɛɓɛ́ hu-ee?

Tɔɔɓɛlaa veelɛ 12:21

Ɉoasə yee pɔ nuą di di muhəɠə, di lɔgilii kɛ mą, di tɔɔ na, di Ɉoasə paa Bɛtə-Milo, ɓɛlɔwai ə kɛi li la Sila pələ.

Kɔlɔnikɔ Maa-ŋuŋ 11:8

Yili pulu, ə taa pu nąą kwɛlɛ, ə həɠə gɛɛnąą laa hvɛɛ ɓa da gwɛlɛ kəlee. Ɉoabə ɓə kɛa daa kpəli pɛli.

Kɔlɔnikɔ Veerɛi 32:5

Ezekiasə ə tɔɔ kpɔ a nwąnąi, ɉį́i mɛ̨i tii kɛ buɔ, ə nąą tɔɔ, ə gɔ́ pɛlɛ́ɠaa tɔɔ, ə da tɔɔ ɉį́i pulu pənə. Ə Milo pɛli Davidə taa. Ə kpala tamąą pɛli da hə́mə́ tamąą.

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Mąątɛ̨nɛ̨ 122:3

Ɉerusalɛmə, yɛ́i ə́ tɔɔ pələ lɛlɛɛ, a taai ɉu hɛn gəlee yiliɛ gee ɓa.

Azaya 29:1

Kpalo ɓɛlaai yɛ́ Ariɛlə! Ariɛlə! Daai Davidə ə kɔ́ pɛlɛ mą; kwɛlan dɔ̨nɔ̨ aa laa gwɛlan tii mɛ̨i, ka gwɛlan ɉu hɛliɠaa kəlee lɛɛ laa ɲələ ə həli.

Nwun mąąɓo 9:20

Kɛlaa, akɛ yili hvəi, nwɔ̨n gaa pai kulɔi Abimelɛkə hu, kaai ɓaa Sisɛmə kalanɉonŋąą, ə ka kələn, ə mą kɛ Milo daai nuą. Ɛlɛɛ, nwɔ̨n ə kulɔ Sisɛmə kalanɉonŋąą da Bɛtə-Milo daai nuą hu, ə Abimelɛkə kələn.»

Nwun mąąɓo 9:6

Sisɛmə kalanɉonŋąą kəlee da Bɛtə-Milo daai nuą kəlee, di di ɲąąkpɔn, də li ɓɛi ŋɛ̨i gwɛni ə kɛ laa vaa wəla kwɛlɛ, Sisɛmə daa kpala, di Abimelɛkə hee laa a tɔɔmun.