Samia Veerɛi 5:7 - Yálá laawoo hɛɓɛ (dc)

⁷ Davidə ə Siɔn gulaa kwəli hon, di naa hee kɛa a Davidə taa.»

Yálá laawoo hɛɓɛ

⁷ Davidə ə Siɔn gulaa kwəli hon, di naa hee kɛa a Davidə taa.»

Bible

⁷ Kɛ́lɛ Deeƃé è Zãiyɔŋ kwaa ma mɛni wála-walaai ŋí sòŋ é ǹáa sée naa ma.

Samia Veerɛi 5:7 ပူးပေါင်းရင်းမြစ်များ

Samia Veerɛi 5:8

Davidə ə mo a mąą yələi tii, yɛ diɛ: «Nui lɔpee yɛ ə Ɉebusə nuą hon, hvo kɛ li mąą nu ə lɔ ɲá wolo hu. Yii ɓaa kɔ́wɔ nwąną nuą da ɲɛ̨ipu nuą, da ɓaɠi lii tɛ a Davidə.» Yili mąą mɛ̨nį ɓə gɛ da kɛ kɛi la diɛ: «Ɲɛ̨ipumun da nuąi da too di kɔ́wɔ mɛ̨i, di hva pɛli lɔi bɛlɛ́n.»

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Samia Veerɛi 6:10

Davidə ə lənə Yai-Laa nwɔ kəhii lɔ mɛ̨nį ɓa bɔɔli, Davidə taa. Ə mo, də li di nɔ Gatə mun Ovɛdə-Edomə yəi bɛlɛ́n.

Samia Veerɛi 6:12

Nuą di pa, di mo tɔɔmun Davidə ɓa, diɛ mą: Yai-Laa aa lúwɔ́ too Ovɛdə-Edomə nwɔ pɛlɛ́i ɓa, da ɲəi bɛlɛ́n ɉɛnŋaa kəlee, Yálá nwɔ kəhii mąą mɛ̨nį ɓa. Davidə ə muhəɠə ə li Yálá nwɔ kəhii həɠə mɛ̨nį ɓa Ovɛdə-Edomə yəi bɛlɛ́n, yɛ paa la Davidə taa a kwəinɛ̨ɛ̨.

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Tɔɔɓɛlaa dɔlɔɔ 3:1

Salomɔn ə kɛ a Eziptə tɔɔmun mɔlɔ; ə Eziptə tɔɔmun tii lon ɉəɠə a nɛ̨ą, ə ɉeei kulɔ Davidə taa. Ə lɛɛ laa, ə lɛɛ la ɉu Salomɔn ə kpɛɛ a nwɔ tɔɔ pɛ́lɛ́i tɔɔ da Yai-Laa nwɔ pɛ́lɛ́i, ə mą kɛ Ɉerusalɛmə mąąkpɛ hį́i.

Tɔɔɓɛlaa dɔlɔɔ 8:1

Nąąlɔwai, tɔɔmun Salomɔn ə Israɛlə kalanɉonŋąą, da bɛlɛ́ nąmįną kəlee təli Ɉerusalɛmə; ə gɛ di li di Yai-Laa nwɔ mįnɛ̨ kəhii həɠə Davidə yəi gwəlii, yii da kɛ mą sion;

Tɔɔɓɛlaa dɔlɔɔ 9:24

Eziptə tɔɔmun lon nɛ̨ɛ̨nu həɠɛɛ Davidə taa, ə li bɛlɛ́i Salomɔn ə dɔɔ mą mu, nąą pulu ɓə Salomɔn ə daa mąąkpɛ hį́i lon dɔɔ la ɉu,

Kɔlɔnikɔ Maa-ŋuŋ 11:7

Davidə ə hee gulaa kwəli. Mɛ̨nįi gɛ, diɛ kɛ nąą laa ɓaa: Davidə taa, yaa li.

Kɔlɔnikɔ Veerɛi 24:16

Di now Davidə taa dɔɔɓɛlaa kámą la. Mąąhɔlɔɓo, ə túwɔ́ a nɛlɛɛ Israɛlə nuą diɛ, ə túwɔ́ a nɛlɛɛ Yálá ɓa da Yálá ŋą pɛlɛ́i.

Kɔlɔnikɔ Veerɛi 5:2

Nąąlɔwai, Salomɔn ə Israɛlə kalanɉonŋąą ɲąąkpɔn Ɉerusalɛmə, da nɔi nwun nąmįną kəlee, da Israɛlə bɛlɛ nąmįną; əgɛ, di Yai-Laa nwɔ mįnɛ̨ kəhii həɠə Davidə taa, ya ɓaa a Siɔn, di li la Ɉerusalɛmə.

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Mąątɛ̨nɛ̨ 132:13

Mąąhɔlɔɓo, Yai-Laa aa Siɔn taa həɠə ɉu, ya ɓə gaa bɔ, ə kɛ a ɉee taa;

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 48:12

Siɔn yee kaa kwəinɛ̨ɛ̨ kulɔi, Ɉuda taaɠaa diɛ mąną, ə́ wɔ kiti wooɠaai mąą mɛ̨nį ɓa.

Mąątɛ̨nɛ̨ 48:3

Ɲee lɛlɛɛi, ɲee muhəɠɛɛ kpɔ ɓəɠə-ɓəɠə, lɔi kəlee nwɔ kwəinɛ̨ɛ̨ li. Yɛnɛ̨ɛ̨ wəlingɛ̨ą ɓaa a Siɔn yee! Heeɓomun gɛnɛ̨ɛ̨ yəi gwəlii.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Mąątɛ̨nɛ̨ 87:2

A nwɛlila kɛ, dɛɛ Ɉakɔbə nwɔ pɛlɛ́ɠaai kəlee diɛ.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 59:20

Kɛlaa, gaa pai pai Siɔn taa pɔ, yɛ kɛ a nwun mąąɓomun, da Ɉakɔbə lonnii yiiɠaai da di kɔ́wɔ kulɔ, kulɔ nwoo mu laa hu. Yai-Laa woo li.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Lomaŋ 9:33

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Gáá kwɛni laai Siɔn, nui a kɔwɔ tuwɔ mą a too. Kɛlaa, nui a laa na, hva nwumɛ̨.»

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

M̀ɛni-lɛɛi 14:1

Ɛlɛɛ, ŋą́ ɲɛ̨́i hee lɔ, ŋį́ Mɛlaa Lon gaa tɔɔni Siɔn yee nwuɔ̨, ɛlɛɛ, da nu waa-nwun-dɔ̨nɔ̨-ɲee-nąąn-kɔw-nąąn (144.000) diɛi naa, da Nąn naa pɛ̨ɛ̨i di tɔwɔla.