Samia Veerɛi 5:2 - Yálá laawoo hɛɓɛ (dc)

² Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Yálá laawoo hɛɓɛ

² Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Bible

² Sɔ̂ɔ kɛ́ɛ a kâloŋ kúmɛi, ǹyaa ƃé kɛ̀ Eezuɛ-ŋai láa túɛ kɔ́ kɔ́-mɛni su. Yâwɛɛ è góno tèe íyêei ǹyɛɛi, ‘Ya pâi kɛ̂i ŋánûai mɛi kâai Eezuɛ. Ya pâi kɛ̂i a kâloŋ Eezuɛ lɔii mɛi.’ ”

Samia Veerɛi 5:2 ပူးပေါင်းရင်းမြစ်များ

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Samia Veerɛi 6:21

Davidə yɛ Mikalə ɓa: «Yai-Laa ɲɛ̨i ɓa ɓə ŋą́ kɛi mąną laa, yaai tii ɉə́ɠə ɉu, ə gɛ́ a niiɓa mun, yɛ víɛlaɓo yɛ́ dɛ́ɛ́ ə́ nąn ma da ɲəi bɛlɛ́n nuą kəlee. Yɛ ɉéé a tɔɔmun, nwɔ nu huwui Israɛlə kəlee nwun na.

Samia Veerɛi 7:7

Ɲələɠaa kpɔ tii ku gɛ ɉiɛ hu kwa Israɛlə lonnii kəlee, ŋą́ ta tɔ́nwɛ̨nɛ̨ haɠa Israɛlə ɲąąwooɓomun da ɓa, a diɛi tii ŋą́ di hee diɛ nwɔ́ nu huwu Israɛlə ɲąąkɔn, gɛ́ kɛ diɛ: ‹Lə ɓə kɛ yaai ka hvo pɛlɛ́ tɔɔ li mą́ą́ a kpitili wulu?›

Samia Veerɛi 7:8

«Yiihu ŋɛ̨i, mɛ̨nįi ə́ kaa lii moi nwɔ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Kɔlɔnikɔ Maa-ŋuŋ 11:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ɲąąkɔn ɉii, ɛlɛɛ, yɛ́ ɓə pai kɛi Israɛlə nwun na.›»

Kɔlɔnikɔ Veerɛi 1:10

Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Ɉaan 10:11

«Ɲą́ą́ ɓə gáá ɓɛlaa mɛ̨i kaa mun nɛlɛɛ, ɓɛlaa mɛ̨i kaa mun nɛlɛɛ a gbɔwɔ kwɛlɛ nwɔ ɓɛlaaɠaai mąą mɛ̨nį ɓa.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Samuɛlə dɔlɔɔ 13:14

Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 18:13

Yili ɓə gɛ, Saulə ə Davidə mąą kwɛa mą, ə ɉee kuláá waa tɔ̨nɔ̨ na. Ə həɠə ɲələ ɓa, Davidə ə kɛ nuą tii nwun na.

Samuɛlə dɔlɔɔ 18:16

Kɛlaa, Israɛlə nuą da Ɉuda nuą kəlee, Davidə wɛli ə kɛ diɛ. Mąąhɔlɔɓo, Davidə ɓə kɛ di nwun na da diɛni diɛ li gɔɠaa mɛ̨i diɛ pa.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.

Samuɛlə dɔlɔɔ 25:28

Ə́ wɔ luwɔnɛ̨ąi mąąhvaalɛɛ, nɛ̨ɛ̨ yɛ́. Mąąhɔlɔɓo, Yai-Laa kaa pai lamun bɛlɛ́ tɔɔi nwɔ́ mɛ̨nį nąmu ɓa, yili hvo pai ɉəɠəi mą. Hvo gaai nwɔ́ mɛ̨nį nąmu kaa Yai-Laa nwɔ kɔ́ɠaa kɔ́i, ɛlɛɛ di hvo pai hɔn ɲɔ̨n gaai ə́ yíi hvóló kəlee hu.

Samuɛlə dɔlɔɔ 25:30

Ɓɛlɔwai Yai-Laa kaa pai mɛ̨nį lɛlɛɛɠaai ə vaa ɓo ə́ mąą mɛ̨nį hu, a gəlee kɛ, gaa pai ə́ heeii Israɛlə nwun na.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»