Samia Veerɛi 22:3 - Yálá laawoo hɛɓɛ (dc)

³ Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Yálá laawoo hɛɓɛ

³ Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Bible

³ Ŋáɣâlai káa a ḿaa kpɛ́-nuu. A ḿaa kɔ̃ɔ yɛ̂ɛ berei kpála ŋá-ɣale kɔli-kalaŋ a kɔ-kuluƃa maa kɔ̃ɔ lai. Ǹyaa ƃé ŋa ŋuŋ ma ƃô sɔlɔ ǹyêei. Ǹyaa ƃa ŋ́uŋ ma ƃó nuui. A ŋ́uŋ ma ƃó sɔnyɔ̂ŋ-ƃela yêei.

Samia Veerɛi 22:3 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Samia Veerɛi 22:31

Yálá kaa a nu tənən dɔɔ mun yii ɲɔ̨nwɔ̨mąn və mą. Yai-Laa hvaa woo kəlee hu pɔ̨nɔ̨ɔ̨i; Nuąi da lɔ Yai-Laa hvaŋan mu, gaa a di wɔɔ hə́mə́.

Samia Veerɛi 22:47

Mąąwiɛ ə kɛ Yai-Laa ɓa, Hɛɠɛɛ ɓo ə kɛ mą, yaai gaa a dɔ́ɔ́ pulu kwɛni, nwɔ́ɔ́ yee tɛɛ mąą kwɛni la ə tɛ.

Samia Veerɛi 22:49

Yá gúlɔ yówoɠaa lɔwai, nuąi da too mɛ̨́i, yá ɲéé tɛɛ diɛ, Yɛ́ gúlɔ nwąnąlɔɔ nuą yee mu.

Samia Veerɛi 22:51

Yai-Laa a kɔ́ nɛ̨ɛ̨ nwɔ tɔɔmun ma nui a ɉəɠə ɉu ə mąątí, a lɛɛ mąą nu ɓa a woo tɔ̨nɔ̨, a lɛɛ Davidə da ɉuwuhu nuą kəle pɔ, a yələ kəlee.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Mąątɛ̨nɛ̨ 14:6

Ka kɛ mąąwɛli nuą di wɔ kilitɔɔmąąlaa hviə-hviə tɔɔi. Kɛlaa, Yai-Laa hvaŋąn mu ɓə, a di mąąkilɛi.

Mąątɛ̨nɛ̨ 140:1

Nwələ ɲɛ̨itɔwɔmun. Davidə.

Mąątɛ̨nɛ̨ 140:11

Nwɔ̨n deŋą ə yɛɛ di mɛ̨i, yɛ tulɔ, di di pili ɓoloon gɛnɛ̨ hu, di hvo kulɔ laa.

Mąątɛ̨nɛ̨ 140:4

diɛ di nɛ̨n gulɔ, yɛ nu nwąną kaalə, tumu nwąną ɓə di la.

Mąątɛ̨nɛ̨ 142:4

Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ.

Mąątɛ̨nɛ̨ 144:2

Dɔ́ɔ́ bulumun ni, da mą́ą́kɔ̨nwɔ̨ taa, nwɔ́ kɔ́ taa ka ti, da gúlɔ ɉumun, mą́ą́kpɛ kpanąn, bɔɔli ɓə ŋą́ mą́ą́ kilɛ laa, a nwɔ́ nuąi lɔ nwɔ́ heeɓolaa yee mu.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Mąątɛ̨nɛ̨ 27:5

Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 3:3

Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!»

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:2

Yálá kaa a ku mąąkilɛi wala wala, a kpɔn nu ɓa a yələ kəlee liihɛlɛn ɉu.

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Mąątɛ̨nɛ̨ 5:12

Nuąi kpɔ ya di lɔ ə́ nįnįn mui, 'di kɛ kwəinɛ̨ɛ̨ hu, a yələ kəlee kwəinɛ̨ɛ̨. Nuąi ə́ laa wɛli kaa diɛi, yá di mąąkpɛ, di kaa pai kɛi tómąi a kwəinɛ̨ɛ̨.

Mąątɛ̨nɛ̨ 55:9

Ŋą́ li kɛ li a mąąhulaa, gɛ́ pu laakala hvaŋą tɔwɔ.»

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Mąątɛ̨nɛ̨ 61:3

Ŋą́ lɛɛ kpɔ lɔi kpɛlai, ŋą́ tómą ə́ pɔ pələ, vį́i kəlee aa kpɛɛ! 'Lii a ɲą́ą́ kwɛn mɛ̨i kwɛa, mɛ̨i.

Mąątɛ̨nɛ̨ 71:7

Ŋą́ kɛ nu tamąą ɲɛ̨i ɓa a kwəi pilimąą hɛn, yaan, yɛ́ ɓə kɛ a mą́ą́kilɛi leelee.

Mąątɛ̨nɛ̨ 72:14

Gaa pai di mąąkɔ̨nwɔ̨i wɛa nuą da heemɛ̨i kɛ nuą di yəi, yɛ di wɔ yɛnɛ̨ɛ̨ mąą mɛ̨nį nwąną kpɔ a neelee.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 84:9

Yai-Laa Mɛ̨nį Kəlee ŋą Hééɓomun Yálá, Ə́ hvɛlii gáá moi, 'Ə́ wəli tɔɔ mą. Ɉakɔbə nwɔ Yálá, 'Ə́ wəli tɔɔ kpɔ a nɛlɛɛ.

Mąątɛ̨nɛ̨ 86:14

Yálá! Kpɔwɔ ɲąąkɛ̨nɛ̨ nuą di wolo mą́ą́, wɛa nuą daa di yee lɔ gee hu, diɛ hvilɛn na nwɔ́ yɛnɛ̨ɛ̨ pulu, Yálá! Hvó kpɛli di ɲɛ̨i mu a hɛn da.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Mąątɛ̨nɛ̨ 9:9

Ya ɓə a yɛnɛ̨ɛ̨ ɲąąwooɓo a tələnmolaa, yɛ lɔiɠaa lɔwai mɛ̨nį ɓo a ɉąŋąnŋąą.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 16:9

Mąąhɔlɔɓo, mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá ə mo, ya ka, yɛ diɛ: Kwɛinɛ̨ɛ̨ kulɔ woo, yola kulɔ woo, da hvúlúlɔ wələɠaa, gáá pai gəlee kpɛɛi nɔi ŋɛ̨i hu, ka hvulú kɔ́wɔ ŋą, kaa kpinįi ka ɲɛ̨i kwələən ma.

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Lukə 1:71

Yálá ə wɔlɔ mįnɛ̨ həɠə, yɛ a ku kulɔ ku yowoɠaa da ku wɛli kpɛɛ mąą nuą yee mu.

Dutɛrɔnome 32:37

Nąąlɔwai Yálá kaa pai kɛi diɛ: «Di wɔ haliɠaai di kɛi di mąąkilɛ di hvaŋąn mu, di kaa mį?

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Taitɔ 3:4

Kɛlaa, yii kɛa gu ɓalo-Yálá ŋą liinɛ̨ɛ̨ gwəi laa nu kanŋaa pɔ, da ŋą wɛlikɛmąą laa ə too pono ɲą,

Taitɔ 3:6

Gilii tii ɓə ə ɲɛɛ gu mɛ̨i kpɔ a ɉu kɛnɛ̨, gu Nwun mąąɓomun Jesus Kristə háálai.

Hebreu 2:13

Ɛlɛɛ nwɔ̨nɔ̨ yɛ mą: «Ŋą́ gílitɔɔ kpɔ mą kɛnɛ̨.» Yɛ nwɔ̨nɔ̨ mą: «Ɛlɛɛ, Ɲą́ą́ ká, kwa nɛapɛlɛɛi Yálá, Ə́ di tɛɛ bɔ́.»

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.