Samia Veerɛi 22:2 - Yálá laawoo hɛɓɛ (dc)

² Yɛ kɛ mą: Yai-Laa kaa a nwɔ́ kwɛni, da nwɔ́ hį́i, da nwún mąąɓomun.

Yálá laawoo hɛɓɛ

² Yɛ kɛ mą: Yai-Laa kaa a nwɔ́ kwɛni, da nwɔ́ hį́i, da nwún mąąɓomun.

Bible

² Yâwɛɛ káa a ḿaa kpɛ́-nuu da ḿaa kɔ̃ɔ-nuu kpanaŋɔɔ.

Samia Veerɛi 22:2 ပူးပေါင်းရင်းမြစ်များ

Samia Veerɛi 22:32

Gbɛɛ ɓə gaa a Yálá, akɛ Yai-Laa hvəi? Gbɛɛ ɓə gaa a kwɛni, akɛ kuɔ Yálái hvəi?

Samia Veerɛi 22:33

Ɲálái tii ɓə gaa a mą́ą́kpɛ hį́i walawala, Ya ɓə a dɔ́wɔ́ pɔ̨nɔ̨.

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Mąątɛ̨nɛ̨ 144:2

Dɔ́ɔ́ bulumun ni, da mą́ą́kɔ̨nwɔ̨ taa, nwɔ́ kɔ́ taa ka ti, da gúlɔ ɉumun, mą́ą́kpɛ kpanąn, bɔɔli ɓə ŋą́ mą́ą́ kilɛ laa, a nwɔ́ nuąi lɔ nwɔ́ heeɓolaa yee mu.

Mąątɛ̨nɛ̨ 31:3

'Ə́ wəli tɔɔ nwoo ɓa, nwún mąąɓo ɉa-ɉa; kɛ́ a mą́ą́kpɛ kwɛni walawalaa, a málo pɛlɛ́ walawala.

Mąątɛ̨nɛ̨ 42:9

Hvóló ɲą, Yai-Laa ə kɛi ɉón a tələnmolaa, kwiihɛ̨ą, ŋą́ kɛi Naa tɛ a wələ woo, gɛ́ Yálá hvɛli, yai tii a nwɔ́ yɛnɛ̨ɛ̨.

Mąątɛ̨nɛ̨ 71:3

'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.

Samuɛlə dɔlɔɔ 23:25

Saulə da nwɔ nuąi di hvilɛn diɛ Davidə kwɛli. Di mo Davidə ɓa, ə yɛɛ gwɛni woloɠaa kɛɛnąą, ə ɉeei kulɔ laa. Saulə ə bələ mɛ̨n, ə hvilɛn Davidə pulu Maɔn nɔi pun ɉu.

Samuɛlə dɔlɔɔ 24:2

Həɠəi Saulə ə mo Filisti nuą kpɛi pələ ə pa, di mo mą, diɛ mą: «Davidə kaa kɛa Ein-Gɛdi nɔi pun ɉu pələ.»