Samia Veerɛi 21:1 - Yálá laawoo hɛɓɛ (dc)

¹ Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Yálá laawoo hɛɓɛ

¹ Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Bible

¹ Deeƃé kɛ́ɛ a kâloŋ, puru è tòo ǹɔii ma kóraŋ saaƃa yée mu. Nya ƃe è Yâwɛɛ fɛ̀li Yâwɛɛ ǹyɛɛ m̀ai, “Puru káa ǹɔii su, kpɛ́ni fêi, ŋãa káa Sɔ̂ɔ yée ma da ŋɔpɛ́rɛi mu-ƃelai Gibiyɔŋ-ŋai paa mɛni ma.”

Samia Veerɛi 21:1 ပူးပေါင်းရင်းမြစ်များ

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Zɛnɛse 12:10

Pulu kɛnɛ̨ ə too nɔi tii hu, bului tii kpɔlu pələ, Abramə ə həɠə yɛ li Eziptə lɔi hu, bulu mąą kilɛi.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Zôo 10:2

Gáá pai kɛi Yálá ɓa: Hvo ɉón yɛ ŋį́ ɉɔ́n gɛ. Hɔn ŋį́ gɛ, nɛ mą́ą́.

Tɔɔɓɛlaa veelɛ 8:1

Ə kɛ a yələ ta, nɛ̨ɛ̨nui ŋɛ̨i ta Elise ə non nwun ə gulɔ haa yəi, Elise ə mo mą, yɛ mą: «Həɠə ɓɛ, ə́ li ka ə́ yəi bɛlɛ́n nuą, ka li ɓɛi yá bɛli ə́ heei hɔlɔɓoi laa. Mąąhɔlɔɓo, Yai-Laa kaa pai kwɛlan mɛ̨ihveelɛ pulu tooi ɓɛ nɔi.»

Tɔɔɓɛlaa veelɛ 6:25

Daa mąątínɛ̨n di mo a kɔ́, yili ə gɛ, pulu kɛnɛ̨ kpɔ ə too Samari, yili ə kpɔlu daa nuą la, diɛ hoohvaalən nwunganin dɔ̨nɔ̨ ya a wali kwələ pow mɛ̨ihaaɓa, kɔ̨nɔ̨n gəgən ɉu hveelɛ ə ɓo a wali kwələ lɔɔli.

Tɔɔɓɛlaa dɔlɔɔ 18:2

Eli ə li, ə gbɔwɔ lɛ Akabə ɓa. Pulu aa kpɔlu Samari lɔi hu nąąlɔwai.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Samia Veerɛi 5:19

Davidə ə Yai-Laa mąąni kɛ, yɛ mą: «Akɛti mąąnɛ̨ɛ̨ ŋą́ li ŋą́ pɛlɛ Filisti nuą diɛ a kɔ́, ə́ kaa pai di lɔi ɲéé ŋą?» Yai-Laa yɛ Davidə ɓa: «'Li! A tɛ̨ą, gáá pai Filisti nuą lɔi ə́ yee ŋą.»

Samuɛlə dɔlɔɔ 23:11

Akɛtii, Keila nuą kaa pai nɔ́i ɲee ŋą? Akɛtii Saulə kaa pai mɔ̨ɔ̨ yɛ bələi ə́ nwɔ luwɔ ə bələ mɛ̨n na? Yai-Laa Israɛlə nwɔ Yálá, ə́ wɔ luwɔi kilaa pɔ̨nɔ̨ mɛ̨nįi ŋɛ̨i hu.» Yai-Laa yɛ mą: «Tɛ̨ą li, gaa pai.»

Samuɛlə dɔlɔɔ 23:4

Davidə ə pənə nwɔ̨nɔ̨ ə Yai-Laa mąąnin gɛ, Yai-Laa yɛ mą: «Hvilɛn bələ ɓa, ə́ li Keila daai, gáá lii yeetɛɛmąą tɛɛi ə́ pɔ Filisti nuą mɛ̨i.»

Samuɛlə dɔlɔɔ 23:2

Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Lonon mo 27:21

Mąąnɛ̨ɛ̨ ə li ɉaláá laa həli mun Eleazarə pɔ, yili ə urimə mɛ̨nį mąąni kɛ, yɛ hvilɛn na mą Yai-Laa ɲɛ̨i ɓa. Bələi urimə kaa pai moi la, bələ ɓə di kaa pai gɛi la, diɛ lɔ, diɛ kulɔ, yaa da Israɛlə nuą kəlee.»

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Zɛnɛse 43:1

Bulu ə kɛi lɔ walawala Kanaan nuą mɛ̨i.

Zɛnɛse 41:57

Nuą di kɛi həɠə lɔi takpɛliɠaa hu, diɛ pa diɛ kɔ̨nɔ̨n ɲa Ɉosɛfə yəi Eziptə lɔi hu, mąąhɔlɔɓo, bului tii ə kpɔlu lɔi mɛ̨i kɔ́lɔ kəlee.

Zɛnɛse 42:5

Israɛlə lonnii da nu takpɛliɠaa di bələ kpɔn, diɛ li kɔ̨nɔ̨n ɲai Eziptə lɔi hu, mąąhɔlɔɓo, bului tii ə too Kanaan lɔi hu nąą kəlee.

Samia Veerɛi 16:8

Saulə tii ə́ hee ɉeei a tɔɔmun, ɲəi bɛlɛ́n nuą ŋamai kpɔ ə́ bu, Yai-Laa a gəlee nwulu lɛɛ ə́ nwuɔ̨. Yai-Laa aa dɔɔ ɓɔlɔ tɛɛ ə́ lon Absalɔn pɔ; ə lɛɛ, ə́ kaa mɔ̨nɔ̨ mįi, mąąhɔlɔɓo, nu paa mun ma a yɛ́.»

Samia Veerɛi 20:26

Yairə mun Ira yaa kpɛli, ə kɛ laa, ə ɓo Davidə yəi a haláá la həli mun.

Samia Veerɛi 21:5

Gabaɔn nuą diɛ tɔɔmun ma: «Nui wɔlɔ kɛ bɔ ə ku huwu kpɛɛ, yaai ə kɛ gwəi kwaa kpɛɛ Israɛlə lɔi hu,

Samia Veerɛi 24:1

Yai-Laa lii ə holi Israɛlə nuą pɔ nwɔ̨nɔ̨, ə Davidə lii muhəɠə di pɔ ə gɛ, yili ə Israɛlə nuą da Ɉuda nuą di lonon.

Zasua 9:20

Yii gwa pɛli gɛi, ya ɓaa gu di lɛɛ yɛnɛ̨ɛ̨, Yálá nwɔ liiholi hvo pa nee hee guɔ, gu wooi tii gu gwɛlɛ mąą mɛ̨nį ɓa.»

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.

Samuɛlə dɔlɔɔ 10:22

Di Yai-Laa mąąnin gɛ, diɛ mą: «Nui tii ə pa mun ɓɛ ɓəi?» Yai-Laa yɛ diɛ: «Ya ka tii nooi diɲɛɠaa lɔwai.»

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.