Samia Veerɛi 2:6 - Yálá laawoo hɛɓɛ (dc)

⁶ Yai-Laa ə ka hon a wɛlikɛmąąlaa, a tɛ̨ą, ɲą́ą́ gbɛli mąn gáá pai ɲɛ̨i lɛlɛɛ heei kaa, mąąhɔlɔɓo, kaa túwɔ́ lɛlɛɛ ɓo.

Yálá laawoo hɛɓɛ

⁶ Yai-Laa ə ka hon a wɛlikɛmąąlaa, a tɛ̨ą, ɲą́ą́ gbɛli mąn gáá pai ɲɛ̨i lɛlɛɛ heei kaa, mąąhɔlɔɓo, kaa túwɔ́ lɛlɛɛ ɓo.

Bible

⁶ Yâwɛɛ é káwɛli a ŋ̀ánaa é gɛ́ kili kɛ-zu é kɛ́ káyêei. Ŋa pâi kɛ̂i a káwɛli kɛ́ maa nuu m̀ɛnii ŋí ká gɛ̀ ḿîi m̀ɛni ma.

Samia Veerɛi 2:6 ပူးပေါင်းရင်းမြစ်များ

Samia Veerɛi 10:2

Ya ɓə Davidə a kɛ diɛ: «Hvo kɛli ŋą́ Nahasə lon Hanun hon a wɛlikɛmąąlaa, nąn nwɔ wɛlikɛmąąlaa mąą mɛ̨nį ɓa.» Davidə ə nuą tɔɔ Hanun pɔ, diɛ li gbəlaɓoi nąn ɉaa mɛ̨nį hu. Davidə nwɔ nuąi də li, di həli Amɔn nuą di wɔ lɔi hu.

Samia Veerɛi 15:20

ə lɛɛ, wɛi lɔ ɓə ə́ paa la, a kɛ tii nwɔ̨nɔ̨ háákələi gɛ́ ə́ kpaan, yɛ́ hvilɛn búlu; ya pa, nwɛ́i ŋɛ̨i nwɛi, gáá lii too nwuma ɓa. Ə́ pulu pənə ə́ li ka ə́ nąn nonnii, gɛ́ Yai-Laa ə ə́ hon a wɛlikɛmąąlaa da lii nɛɛ gwəi.»

Samia Veerɛi 2:7

'Ka ká liikpələ yiihu, ka too a kpakolo laa. Tɛ̨ą li, ka nwun nąmu Saulə aa haa, kɛlaa, mąąnɛ̨ɛ̨ ka kili ə pu ɉu, kaa diɛ, Ɉuda nwɔ pɛlɛ́i aa nwulɔ hiɛ mą́ą́, ə gɛ, ŋą́ kɛ a tɔɔmun.»

Samia Veerɛi 9:3

Tɔɔmun Davidə yɛ mą: «Saulə yəi bɛlɛ́n mun da hvo kɛa laa, yii ŋą́ pɛli mą, mɛ̨inɛ̨ɛ̨ yii nwɛli kaa Yai-Laa ɓa, ŋą́ gɛ mąą nu ɓa?» Siva yɛ tɔɔmun ma: «Ɉonatan lon dɔ̨nɔ̨ kaa ni laa, gɔwɔ hveelɛi puɔ mu.»

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Mąątɛ̨nɛ̨ 57:3

Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Hanwon 14:22

Nu kɛɛ lɔ mɛ̨nį ɲɔ̨n bənəi gwəi yɛ doo, gɛɛ lan bələ mɛ̨i hvə li? Kɛlaa, nui a giliŋąhiɛ mɛ̨nį lɛlɛɛ ɓa, da di kili hvilɛn mą, diɛ di kwəi kwələ mą.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Maafîu 5:7

Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Zasua 2:14

Ɉinąąi tii di mo mą, diɛ mą: «Akɛ ya wala ku pulu kulɔ, kwa lɛɛ a ku húlu, yɛ́, ka ə́ yəi bɛlɛ́n nuą ka lɛɛ a ka húlu, ɓɛlɔwai Yai-Laa kaa pai nɔi ŋɛ̨i tɛɛ la ku pɔ; kwa ə́ wɔ túwɔ́ pələ lɛlɛi ŋɛ̨i gwələ kulɔ yɛ́.»

Rutə 1:8

Naomi ə mo non nɛ̨ąni hveelɛi tii diɛ yɛ diɛ: «Nu kəlee ə pənə ə li nee pɔ. Yai-Laa ə mɛ̨nį lɛlɛɛ kɛ kaa, yɛ bələi ka gɛ la a ɲą́ą́ da yiiɠaa daa haai.