Samia Veerɛi 19:1 - Yálá laawoo hɛɓɛ (dc)

¹ Nąąlɔwai, tɔɔmun ɉu ə pu mą, ə tɛ yələi pɛlɛ mu, yɛ wɔlɔ. Gɛɛ lii, ə kɛi kɛ mą: «Ee kə nón Absalɔn! Ee kə nón Absalɔn! Ee kə nón! Ŋą́ li kpɔ haa a yaai tii mąąhvalin. Ee kə Absalɔn, nón ɉulɔnu!»

Yálá laawoo hɛɓɛ

¹ Nąąlɔwai, tɔɔmun ɉu ə pu mą, ə tɛ yələi pɛlɛ mu, yɛ wɔlɔ. Gɛɛ lii, ə kɛi kɛ mą: «Ee kə nón Absalɔn! Ee kə nón Absalɔn! Ee kə nón! Ŋą́ li kpɔ haa a yaai tii mąąhvalin. Ee kə Absalɔn, nón ɉulɔnu!»

Bible

¹ Dí mò Zôa ma dîyɛɛi, “Malôŋ toɔɔ̂i gâloŋ ma gɛ́ wɔ̀lɔ ǹóŋ mɛni ma.”

Samia Veerɛi 19:1 ပူးပေါင်းရင်းမြစ်များ

Samia Veerɛi 18:14

Ɉoabə yɛ mą: «Və́ bɔ və́ lamun tɔɔni ə́ lííla.» Ɉoabə ə kpala haaɓa həɠə, ə li ə gbɔn Absalɔn kəŋə hu, ə nii ɓɔ. Absalɔn ə kɛ nii nwului tii hu a vulu, ɓɛlɔwai Ɉoabə ə kɛi paa la.

Samia Veerɛi 18:5

Tɔɔmun ə mo Ɉoabə, Avisai da Itai diɛ, yɛ diɛ: «Ną́nni, gáá nɛ̨ɛ̨mąą hvəi kaa, Absalɔn mąą mɛ̨nį ɓa.» Mɛ̨nįi tii tɔɔmun ə mo yɛ hvilɛn na Absalɔn ɓa, ə too nuą kəlee wəlii.

Hanwon 17:25

Kilikpɛɛɲəi lon gaa nąn ma a liikələn gwəi, ə ɓo a lííɲąnwąną gaa lee ɓa.

Samia Veerɛi 18:20

Ɉoabə yɛ mą: «Ya li, hvo lii kɛi ɲɛ̨i ɓa a mɛ̨nį lɛlɛɛ ɓomun, nɛɛ laa Yələ takpɛli, ə li ə nwɛlɛɛ ɓo mą, kɛlaa, háákələi ŋɛ̨i hvo a wɛlɛɛ lɛlɛɛ ɓomun tɔɔmun ma, maahɔlɔbo, non ɉaa mɛ̨nį ka tii.»

Samia Veerɛi 18:12

Ɉulɔnui tii yɛ Ɉoabə ɓa: «Ə ma kpɛli kɛ yaa ɲéé laahvɛɛ a wali kwələ nwaa tamąą vá pɛli mɛ̨nį ɲɔ̨n gɛi a tɔɔmun non. Mąąhɔlɔɓo, mɛ̨nįi tɔɔmun ə mo yɛ́ ka Avisai, ə mą kɛ Itai kaa, yɛ hvilɛn na Absalɔn ɓa, ə too ku wəlii.

Samia Veerɛi 19:2

Də li di bələ ɓo Ɉoabə ɓa, diɛ mą: «Tɔɔmun gaa wɔlɔi, yɛ nwoo laa Absalɔn mąą mɛ̨nį hu.»

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.