Samia Veerɛi 18:9 - Yálá laawoo hɛɓɛ (dc)

⁹ Absalɔn ə tɛ Davidə nwɔ nuąi mɛ̨i dɛɠii. Absalɔn ə kɛ heeni tiɛ̨-hŋəŋ hoo mɛ̨i, ɉoo ə bələ haŋą wulu kɛnɛ̨ ta pɔ pələ, yii kɛ ŋonwo tamąą ma. Absalɔn ə lɛɛ hɛlɛn ni nwulu wonwo ta ɓa ɲələi gɔwɔ hvo nɔi ɓa, ɉoo ə ɓɔ mu.

Yálá laawoo hɛɓɛ

⁹ Absalɔn ə tɛ Davidə nwɔ nuąi mɛ̨i dɛɠii. Absalɔn ə kɛ heeni tiɛ̨-hŋəŋ hoo mɛ̨i, ɉoo ə bələ haŋą wulu kɛnɛ̨ ta pɔ pələ, yii kɛ ŋonwo tamąą ma. Absalɔn ə lɛɛ hɛlɛn ni nwulu wonwo ta ɓa ɲələi gɔwɔ hvo nɔi ɓa, ɉoo ə ɓɔ mu.

Bible

⁹ Asalɔŋ è pà é kúla Deeƃé ŋɔkɔ kuluƃa-ŋai dîa. È kɛ̀ ŋɔwɛlɛ-sôoi mɛi zooi è lɔ̀ la wúru woŋo kpaya-kpaya-ŋa loai ŋ̀uŋ é kánaŋ ŋ̀úru-woŋoi su é sɛ̂lɛŋ ŋwɛlɛ-sôoi é ǹɛɛ naa é lí.

Samia Veerɛi 18:9 ပူးပေါင်းရင်းမြစ်များ

Samia Veerɛi 13:29

Mɛ̨nįi Absalɔn ə mo ɲəi bɛlɛ́n nuą diɛ, di gɛ tii a Amnɔn ɲąąɓa, tɔɔmun nonnii kəlee di di muhəgə, di tɛ di wɔ tiɛ̨-həɠə hooɠaai mɛ̨i, di pu.

Samia Veerɛi 14:26

Ə kɛi nwun nəɠa mɛ̨i tee kwɛlan ɉəli pələ tɛitɛi, mąąhɔlɔɓo, nwun nəɠa ə kɛi wiɛ. Da nwun nəɠa mɛ̨i tee kɛ, di kɛi nwun nəɠa kɔ́ɔn tɔɔmun nwɔ kiləi ɓa, nwiɛ yee yɛ kɛ a kilə hveelɛ da gbulɔ.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Samia Veerɛi 18:10

Nu ta ə gaa hɛlɛn ni, ə pa yɛ Ɉoabə ɓa: «Ŋą́ą́ Absalɔn kaa hɛlɛn ni wulu ta ɓa.»

Samia Veerɛi 18:14

Ɉoabə yɛ mą: «Və́ bɔ və́ lamun tɔɔni ə́ lííla.» Ɉoabə ə kpala haaɓa həɠə, ə li ə gbɔn Absalɔn kəŋə hu, ə nii ɓɔ. Absalɔn ə kɛ nii nwului tii hu a vulu, ɓɛlɔwai Ɉoabə ə kɛi paa la.

Samia Veerɛi 18:8

Gɔ ə taɠa taɠa kɛa nɔi nąą kəlee. Mąą yələi tii, nuą lan nwɛla hu, di kpulu ə kɛnɛ̨ ə tɛɛ yii ɓɔwa ə baa ma.

Zôo 31:3

Kɛlɛi kilikpɛɛgwəi nuą hvɛla lɔ ɓaa nwun na pili-ee? Ɛlɛɛ, mɛ̨nį ɲɔ̨n gɛ nuą di wɛi ə ɓo a ɓɛlɛkpɛɛ mąą?

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Ɉeremi 48:44

Nui a pu ɲɔw tɔwɔ, a too lɔwai. Nui a kulɔ lɔwai, a too diŋɛ̨n ɉu. Gaa tii, gwɛlan mąąnɛ̨ɛ̨ ə nwoo hukulɔ la, mąą kwɛlan ga tii pai Moabə mɛ̨i. Yai-Laa woo li!

Maafîu 27:5

Ɉudasə ə nwali pili, ə taɠa-taɠa Yálá hee pɛlɛ́ mu, ə li ə gbɔwɔ hɛlɛn.

Markə 7:10

Mąąhɔlɔɓo, Moisə ə mo yɛ diɛ: ‹Ə nąn da ə́ lee di mąąwiɛ.› Yɛ nwɔ̨nɔ̨ diɛ: ‹Nui a woo ɲɔ̨n mo nąn ɓa a wala kɛ tii nee ɓa, mąąnɛ̨ɛ̨ di yili mąą nui paa.›

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Dutɛrɔnome 27:20

«‹Nui a laa a nąn nɛ̨ą ta, yɛ nąn vulu pələ kɛ tii, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›