Samia Veerɛi 18:5 - Yálá laawoo hɛɓɛ (dc)

⁵ Tɔɔmun ə mo Ɉoabə, Avisai da Itai diɛ, yɛ diɛ: «Ną́nni, gáá nɛ̨ɛ̨mąą hvəi kaa, Absalɔn mąą mɛ̨nį ɓa.» Mɛ̨nįi tii tɔɔmun ə mo yɛ hvilɛn na Absalɔn ɓa, ə too nuą kəlee wəlii.

Yálá laawoo hɛɓɛ

⁵ Tɔɔmun ə mo Ɉoabə, Avisai da Itai diɛ, yɛ diɛ: «Ną́nni, gáá nɛ̨ɛ̨mąą hvəi kaa, Absalɔn mąą mɛ̨nį ɓa.» Mɛ̨nįi tii tɔɔmun ə mo yɛ hvilɛn na Absalɔn ɓa, ə too nuą kəlee wəlii.

Bible

⁵ Gâloŋ è mò Zôa, Abisai da Itai ni dîa ǹyɛɛi, “Káfe mɛni da kɛ̀ a Asalɔŋ ḿɛni ma.” Gɔ-kuluƃa-ŋai kélee dí m̀ɛnii ŋí mɛ̀ni gâloŋ è mò dímɛi-ƃelai dîai é pîlaŋ Asalɔŋ mai.

Samia Veerɛi 18:5 ပူးပေါင်းရင်းမြစ်များ

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 18:12

Ɉulɔnui tii yɛ Ɉoabə ɓa: «Ə ma kpɛli kɛ yaa ɲéé laahvɛɛ a wali kwələ nwaa tamąą vá pɛli mɛ̨nį ɲɔ̨n gɛi a tɔɔmun non. Mąąhɔlɔɓo, mɛ̨nįi tɔɔmun ə mo yɛ́ ka Avisai, ə mą kɛ Itai kaa, yɛ hvilɛn na Absalɔn ɓa, ə too ku wəlii.

Samia Veerɛi 19:1

Nąąlɔwai, tɔɔmun ɉu ə pu mą, ə tɛ yələi pɛlɛ mu, yɛ wɔlɔ. Gɛɛ lii, ə kɛi kɛ mą: «Ee kə nón Absalɔn! Ee kə nón Absalɔn! Ee kə nón! Ŋą́ li kpɔ haa a yaai tii mąąhvalin. Ee kə Absalɔn, nón ɉulɔnu!»

Mąątɛ̨nɛ̨ 103:13

Bələi lon gaa nąn a non ɉon na a wɛlikɛmąąlaa kɛnɛ̨, bələ lɔ ɓə Yai-Laa a nuąi da ɲɔw mą di hon na a liinɛ̨ɛ̨ gwəilaa.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.