Samia Veerɛi 17:11 - Yálá laawoo hɛɓɛ (dc)

¹¹ Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Yálá laawoo hɛɓɛ

¹¹ Yili ɓa, niɛwooi gaa ná, ya ka: Israɛlə nuą kəlee di di ɲąąkpɔn ə́ kwɛlɛ, ə həɠə Dan ə həli Beɛrə-Seva, di tamą yɛ gboloyá kwɛlɛ ɲeakɔw, ə lɛɛ, ə́ hvilɛn di ɲɛ̨i tɔwɔ, kaa li gɔ́ ɓa.

Bible

¹¹ Kɛ́lɛ Ŋ̀âla-wooi ƃa a gɛ́ɛ Eezuɛ-ŋai kélee dí pá dí kpɔŋ díkîe ma ípɔ naa yɛ̂ɛ yúo su ŋãya a kpɔ́ŋ gîe ma, é kúla Daŋ é lí Bɛɛsiba, kwa dîa-ni kú lí gɔ́ ma.

Samia Veerɛi 17:11 ပူးပေါင်းရင်းမြစ်များ

Zɛnɛse 13:16

Gáá ə́ huwuhu ɓɛlɛi, nu lɔpee ta hva pɛli nonoi, yɛ pələi nu hva pɛli ɲɛ̨ąkɔw lonoi la lɔi ɓa.

Zɛnɛse 21:14

Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Samia Veerɛi 12:28

Yii hu, nu kpəliɠaa ɲąąkpɔn, ə́ pa ə́ pɛlɛ la daa ɓa, ə gɛ di hvo pa kɛ diɛ ɲą́ą́ ɓə ɲéé ə tɛɛ daa ɓa, náá hvo pa kɛ ma.»

Samia Veerɛi 24:2

Tɔɔmun yɛ kɔlaɠa nwun nąmu Ɉoabə ɓa: «'Tɛɛ Israɛlə nuą kəlee mɛ̨i, ə́ həɠə nɔi nwun ma Dan, ə́ yɛɛ la ɉɛɠɛɛ Beɛrə-Seva; ə́ nuą lonon, ə gɛ, ŋą́ kɛ a nu kwɛni kɔ́lɔn ŋąą.»

Samia Veerɛi 3:10

Yili ɓaa: dɔɔlaai ə gulɔ Saulə yəi bɛlɛ́n, ə Davidə nwɔ tɔɔ kpəlin hvilɛn Israɛlə da Ɉuda di mɛ̨i; ə həɠə Dan, ə həli la Beɛrə-Seva.»

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Zasua 11:4

Nuąi tii di kulɔ da di wɔ kɔlaɠaɠaa kəlee, nu kpulu hu kɛnɛ̨i kɛ yɛ gboloyá kwɛlɛ ɲɛ̨ą kɔ́w. Hoo kpulu kɛnɛ̨ da kɔ́ kɔ́ wotolo kpulu kɛnɛ̨ ə kɛ di yəi.

Nwun mąąɓo 20:1

Israɛlə lonnii kəlee woo tɔɔi ə kɛ tanɔ̨n, di kəlee di di ŋąąkpɔn Mispa daai, Yai-Laa lííla. Di kɛi həɠə Dan lɔi hu, ɲələi pələ, ə lɛɛ la ɉu ə həli Beɛrə-Seva ɉɛɠɛɛ pələ, da Galaadə lɔi hu, voló həɠəi pələ.

Samuɛlə dɔlɔɔ 13:5

Filisti nuą di di muhəɠə di kɔ́ pɛlɛ Israɛlə ɓa. Kɔ kɔ́ wotolo waa pow haaɓa ə kɛ di yəi. Nu waa mɛ̨ida di ɓo hoo mɛ̨i, ə lɛɛ, gɔ́laɠa kɛnɛ̨ yɛ gboloyá kwɛlɛ ɲɛa kɔ́w. Di tɛ di di tɔɔi kulɔ Mikmasə Bɛtə-Awɛn voló həɠəi pələ.

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.