Samia Veerɛi 15:8 - Yálá laawoo hɛɓɛ (dc)

⁸ Mąąhɔlɔɓo, ɓɛlɔwai ə́ wɔɔ tímun ə kɛ la Gesurə daai Aramə lɔi hu, ŋą́ nwóó kwɛlɛ Yai-Laa ɓa, gɛ́ diɛ: ‹Akɛ Yai-Laa a pənə a li a ɲą́ą́ Ɉerusalɛmə daai, ŋą́ haláá kulɔ Yai-Laa ɓa.›»

Yálá laawoo hɛɓɛ

⁸ Mąąhɔlɔɓo, ɓɛlɔwai ə́ wɔɔ tímun ə kɛ la Gesurə daai Aramə lɔi hu, ŋą́ nwóó kwɛlɛ Yai-Laa ɓa, gɛ́ diɛ: ‹Akɛ Yai-Laa a pənə a li a ɲą́ą́ Ɉerusalɛmə daai, ŋą́ haláá kulɔ Yai-Laa ɓa.›»

Bible

⁸ Tãi ŋá kɛ̀ la Gesɔ, Araŋ lɔii sui, ŋá mò Yâwɛɛ ma ńyɛɛi, ‘À kɛ̀ yà fàa ma ŋá lí pôlu Zerusâlɛŋ, ŋa pâi ífɛlîi Ibɔrɔŋ.’ ”

Samia Veerɛi 15:8 ပူးပေါင်းရင်းမြစ်များ

Samia Veerɛi 14:23

Ɉoabə ə muhəɠə, ə li Gesurə, ə pənə ə pa a Absalɔn Ɉerusalɛmə.

Samia Veerɛi 14:32

Absalɔn yɛ Ɉoabə ɓa: «Mąąhɔlɔɓo, ŋą́ kɛ ə́ təlii, gɛ́ kɛ ə́ li ə́ tɔɔmun mąąnin gɛ, yɛ́ kɛ mą: ‹Ŋą́ həɠə Gesurə, gɛ́ pa ɓɛ lə mɛ̨nį ɓa? Viɛlaɓoɔi kɛ ŋą́ lɛɛ nii laa.› Gáá kɛa bɔ, ŋą́ həli tɔɔmun ma, akɛ ŋą́ą́ ɉɔ́n gɛ la, ə báá.»

Samia Veerɛi 15:9

Tɔɔmun yɛ mą: «Li liilaa hu.» Absalɔn ə tɛɛ yɛ li Hebrɔn.

Samia Veerɛi 3:3

Veelɛnąą ɓa a: Kileavə, yai ə gaa Karmɛlə hulɔnu Navalə nɛ̨ą Avigailə ɓa. Ɉaaɓa nąą ɓa a: Absalɔn, yai ə gaa Gesurə tɔɔmun lon nɛ̨ɛ̨nu Maaka ɓa.

Mąątɛ̨nɛ̨ 56:12

Yálá ɓə gílitɔɔi mą, və́ ɲɔwi lə ɓə nu kanŋaa da pɛli gɛi a ɲą́ą́?

Ikilisiati 5:4

Yii viɛlaɓoɔ ya ɓaa: Nu hvo mun nwoo kwɛlɛ, ə tɛɛ, ə́ woo kwɛlɛɛ ɓa, hvá bɔ mɛ̨nį kɛ.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 16:2

Samuɛlə yɛ mą: «Ŋą́ li pələ kɛ ləi? Saulə a bələ mɛ̨n, gaa pai báái.» Yai-Laa yɛ mą: «Nįŋɛ̨ kpɛla həɠə ə́ li la, yɛ́ diɛ: ‹Ŋą́ pa haláá kulɔi Yai-Laa ɓa.›