Samia Veerɛi 13:3 - Yálá laawoo hɛɓɛ (dc)

³ Yaan Amnɔn mɛlan da ə kɛ laa, diɛ kɛ mą: Yonadavə, yili ə kɛ a Davidə niɛ Simea lon ɉulɔnu. Yonadavə tii ə kɛ a nui giliŋa kulaa.

Yálá laawoo hɛɓɛ

³ Yaan Amnɔn mɛlan da ə kɛ laa, diɛ kɛ mą: Yonadavə, yili ə kɛ a Davidə niɛ Simea lon ɉulɔnu. Yonadavə tii ə kɛ a nui giliŋa kulaa.

Bible

³ Kɛ́lɛ Amɔŋ ŋɔwɛli kɛ́-maa nuu tɔnɔ è kɛ̀ naa. Ǹáa ƃé kɛ̀ a Zonada. Deeƃé ǹeɣê Simea ǹóŋ. Zonada è kɛ̀ a núu koi táreɛɛ ma.

Samia Veerɛi 13:3 ပူးပေါင်းရင်းမြစ်များ

Zɛnɛse 3:1

Ɉuwɔɠaa ŋɛ̨i Yai-Laa ə bɛli, kaalə ɓə kɛ gbąnąą di lɔwai, gaaləi tii ɓə nɛ̨ɛ̨nu mąąnikɛ, yɛ mą: «Akɛtii, Yálá ə kɛ kpɔ diɛ: ‹Nwuluɠaai gaa ɓɛ ɲɛa, ka hvə gəlee ɓa mį́i?›»

Zɛnɛse 38:1

Gwɛlan dɔ̨nɔ̨i tii hu, Ɉuda ə həɠə nąn nonnii pɔ, ə li Adulamə hulɔnu ta pɔ, diɛ kɛ naa ɓa: Hira.

Zɛnɛse 38:20

Ɉuda ə mɛlan ŋɛ̨i kɛ a Adulamə mun, ə dɔɔ, molu lon ə naakwɛlanmo nɛ̨ɛ̨nui ɓa, ə li la, ə gɛ, ə nwɔ hɛnŋąąi həɠə nɛ̨ɛ̨nui yəi, kɛlaa, mɛlan və nɛ̨ɛ̨nui kaa.

Samia Veerɛi 13:2

Amnɔn mąąhala Tamarə wɛli too pələ ma, ə ɲɔ̨n bɛlɛ ma, mąąhɔlɔɓo, yili hvo kɛ hulɔnu mɛ̨nį hukɔlɔn, ə lɛɛ pələi kpɔ kɛ ə tɛɛ la da yaa di too di kee ɓa, hvo kɛ bələ kɔ́lɔn.

Samia Veerɛi 13:32

Davidə niɛ Simea lon Yonadavə ə mo yɛ diɛ: «Nwɔ́ mɛ̨nį Nąmu hvo giliŋąhiɛ, yɛ kɛ diɛ daa tɔɔmun lon ɉinąą kəlee paa, Amnɔn yaa tɔ̨nɔ̨ lɔ bə aa haa. Absalɔn ə yili mąą kili tee tii gwəi, ə həɠə ɲələi di too la mąąhala Tamarə mɛ̨i ɲələ ɓa.

Samia Veerɛi 13:4

Yili ə mo Amnɔn ɓa yɛ mą: «Tɔɔmun non, lə ɓə kɛ yɛ́ yai ə́ kɔ́lɔ haa lɔ yɛ́ yələ wala pɔ kəlee? Mɛ̨nįi gaa yɛ́, mo mą́ą́.» Amnɔn yɛ mą: «Tamarə ŋɛ̨i a ną́n non Absalɔn mąąhala, ya ɓə nwɛli aa too mą́ą́.»

Samia Veerɛi 14:2

Ə Tekoa nɛ̨ɛ̨nu ta wɛlɛɛ tɔɔ, yii kɛ giliŋa kulaa, yɛ mą: «Gɛ yɛ haa a too yɛ́, ɉəɠəɠaai haa a too nu ɓa a gɛ ma, di kɛ yɛ́, hvó ə́ mąątí, gɛ kpɔlɔ yɛ Nɛ̨ɛ̨nui a lamun haa wɔlɔ ɓoi.

Samia Veerɛi 21:21

Ɉulɔnui tii yaa kpɛli ə kɛi Israɛlə nuą paapɔlɔn dɔɔ. Davidə gaayɔwɔ Simea lon Yehonatan ɓə ɉulɔnui tii paa.

Kɔlɔnikɔ Maa-ŋuŋ 2:13

Ɉɛse lon dɔlɔɔ ɓa a: Eliavə, veelɛnąą ɓa a: Avinadavə, ɉaaɓanąą ɓa: Simea,

Kɔlɔnikɔ Maa-ŋuŋ 27:32

Davidə gala Yehonatan ɓə kɛ a ɉee gwɛlɛ, kilimąą mun ni kɛ, yɛ ɓo a hɛɓɛ́ kɛmun. Hakmoni lon Yehiɛlə ɓə tɔɔmun nonnii di kɛ ɲəi.

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Nwun mąąɓo 14:20

Yii ɓaa Samsɔn nɛ̨ą nwɛi, ɉulɔnon ŋɛ̨i kɛ Samsɔn pɔ, ya ɓə di dɛɛ bɔ a nɛ̨ą.

Samuɛlə dɔlɔɔ 16:11

Samuɛlə yɛ Ɉɛse ɓa: «Ə́ lon ɉinąą kəlee ɓəi?» Ɉɛse yɛ mą: «Ɉulɔnon naa mun gaa daatɛlɛɛɠaa mɛ̨i kaai.» Samuɛlə yɛ Ɉɛse ɓa: «Nu ta tɔɔ, ə li di dəli, mąąhɔlɔɓo, gu hvo pai kɔ̨nɔ̨n mįi akɛ yaai tii hvo ni pa li.»

Samuɛlə dɔlɔɔ 16:9

Ɉɛse ə Sama tɛɛ Samuɛlə lííla, Samuɛlə yɛ mą: «Nui ŋɛ̨i kpɛli hvəi gaa a Yai-Laa lííɓa.»