Samia Veerɛi 13:23 - Yálá laawoo hɛɓɛ (dc)

²³ Kwɛlan veelɛ tɛɛ pulu, di kɛi Absalɔn nwɔ ɓɛlaɠaai ləɠa mɛ̨i tee, Baalə-Hasɔrə daai, yii kɛ Ɛfraimə kwɛlɛ. Absalɔn ə tɔɔmun non ɉinąą kəlee təli ɉɛli ɓa.

Yálá laawoo hɛɓɛ

²³ Kwɛlan veelɛ tɛɛ pulu, di kɛi Absalɔn nwɔ ɓɛlaɠaai ləɠa mɛ̨i tee, Baalə-Hasɔrə daai, yii kɛ Ɛfraimə kwɛlɛ. Absalɔn ə tɔɔmun non ɉinąą kəlee təli ɉɛli ɓa.

Bible

²³ Kóraŋ feerɛ tɛ̀ɛ pôlu ma Asalɔŋ è nûa sìɣe a gɛ́ɛ dí ŋɔƃála-ŋai léɣa tée Ba-azɔ Ifiraŋ lɔii kɔlɛ ma. È gâloŋ-lonii kélee tòli naa ƃɛlɛ-pere su a gɛ́ɛ da dîa ni dí dílaa míi gîe ma.

Samia Veerɛi 13:23 ပူးပေါင်းရင်းမြစ်များ

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Samia Veerɛi 13:24

Absalɔn ə pa, yɛ tɔɔmun ma: «Nán, nuą kaa lii ə́ wɔ tímun nwɔ taatɛlɛɛɠaai ləga mɛ̨i teei, mɛlɛ laa ə həli yɛ́. Gɛ́ nwɔ́ mɛ̨nį Nąmu da nwɔ nwun nąmįnąi di pa ɉɛli ɓa.»

Tɔɔɓɛlaa dɔlɔɔ 1:19

Adoniasə aa nįŋɛ̨ hilɛɠaa da nįŋɛ̨ gbɔnŋąą, ə mą kɛ ɓɛlaa kpulu kɛnɛ̨ kulɔ a haláá, aa tɔɔmun nonnii kəlee təli, ə mą kɛ ɉaláá laa həli mun Abiatarə, da ə́ wɔ kɔlaɠa nwun nąmu Ɉoabə. Kɛlaa, hvo kɛ ə́ lon Salomɔn təli li.

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Tɔɔɓɛlaa dɔlɔɔ 1:9

Adoniasə ə ɓɛlaaɠaa, nįŋɛ̨ɠaa, da nįŋɛ̨ gbɔnŋąą kulɔ a haláá gwɛni ɓa, yai kɛ Ein-Rogɛlə ɲá ton gwɛlɛ. Gaayɔwɔɠaa ŋɛ̨i a Davidə lonnii, ə gəlee təli, da Ɉuda nuąi ŋɛ̨i kɛ a tɔɔmun nwɔ tínuą.

Tɔɔɓɛlaa veelɛ 3:4

Moabə tɔɔmun Mesa ə kɛ a taatɛlɛɛ tɔɔmun, ə kɛi daatɛlɛɛ tii nii hɔ̨ŋɔ̨ kulɔ a ɓɛlaa lon nwaa nwun dɔ̨nɔ̨, da ɓɛlaa haa waa nwun dɔ̨nɔ̨, bɛlɛɛ di lɛɠa ɓa, yɛ dɛɛ Israɛlə tɔɔmun bɔ.

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Nehemi 11:33

Hasɔrə, Rama, Gitaimə,

Samuɛlə dɔlɔɔ 25:2

Hulɔnu ta ə kɛ Maɔn daai, ɲəi hɛnŋaa di kɛ Karmɛlə. Ɉulɔnui tii ə kɛ a hɛn gɔw ną́mu kɛnɛ̨. Ɓɛlaa waa haaɓa da Ɓɔɔli waa tɔ̨nɔ̨ ɓə kɛ ɲəi. Nąąlɔwai ɉulɔnui tii ə tɛ Karmɛlə yee ɓa nwɔɔ taatɛlɛɛɠaa ləɠa tee mɛ̨nį ɓa.

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.

Samuɛlə dɔlɔɔ 25:4

Davidə ə lɛɛ nɔi pun ɉu, ə bələ mɛ̨n diɛ mą: Navalə kaa nwɔ ɓɛlaaɠaai ləɠa teei.

Samuɛlə dɔlɔɔ 25:7

Ŋą́ą́ bələ mɛ̨n, diɛ di kaa taatɛlɛɛɠaa ləɠa teei ə́ pɔɔli, ə həli yɛ́, kwa ə́ wɔɔ taatɛlɛɛ mɛ̨i kaa nuąi ku kɛ ku kee pɔ, di hvo di mɔ̨nɔ̨ ɓo, hɛn da hvo pili di yəi, volóɠaai kpɔ tii di gɛ Karmɛlə yee nwuɔ̨.