Samia Veerɛi 12:9 - Yálá laawoo hɛɓɛ (dc)

⁹ Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Yálá laawoo hɛɓɛ

⁹ Gɛ pələ kaa ləi yai, ə́ tɛɠɛɓo Yai-Laa woo hu, mɛ̨nįi hva nɛɛ mą́ą́, yɛ́ gɛ? Hɛtə mun ŋɛ̨i a Uri, yáá baa a ɓɔwa, yáá nɛ̨ą həɠə, yɛ gɛ a ə́ nɛ̨ą. Yɛ́ kpįnįi ɓə dɛɛ Amɔn lonnii pɔ, diɛ baa a kɔ́ kɔ́ ɓɔwa.

Bible

⁹ Ya íŋɛi naɣîŋ Yâwɛɛ ŋɔwóoi mɛi íkɛ mɛni nyɔ́mɔɔ kɛ̀ la lé mɛni ma? Ya gɛ́ Amɔŋ-ƃelai da Yuraya paa a ƃóa-sɔ̂kpɔ ya ŋɔnɛnîi síɣe a ípɔɔ.

Samia Veerɛi 12:9 ပူးပေါင်းရင်းမြစ်များ

Samia Veerɛi 11:4

Davidə ə nuą tɔɔ diɛ li nɛ̨ɛ̨nui tii təlii, pai ə mo, da Davidə di yíi, nɛ̨ɛ̨nui ə pənə li ɲəi bɛlɛ́ laaləi. Nɛ̨ɛ̨nui tii aa kpɛɛ kɛa kɛ a ɲəi waa, ɉaláái mąąnɛ̨ɛ̨ ə gulɔ ə gbɔwɔ mąąhəɠə mɛ̨nį ɓa, aa kpɛɛ kɛa kɛ a yili kulaa.

Samia Veerɛi 12:10

Yili ɓai tii, kɔ́ ɓɔwa maa hva kɛa kwɛa ə́ wɔ pɛlɛ́i ɓa, mąąhɔlɔɓo, yaa tɛgɛɓo ɉú, yɛ́ Hɛtə mun Uri nɛ̨ą həɠə yɛ lɛɛ ə́ yəi a ə́ nɛ̨ą.

Samia Veerɛi 16:7

Nɛ̨ŋɛ̨n naa wooɠaai Simei ə kɛi mo diɛ ka, ə kɛi kɛ mą: «Li! Li! Ə́ nu paa mun gbɛlikpɛlii ŋɛ̨i.

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Mąątɛ̨nɛ̨ 51:16

Ee kə́! Yálá! Mɔ́lu Yálá! 'Hvó ɉón yɛ bələi ŋą́ túwɔ́ la, gɛ́ pɛli yɛ́ tələnmolaa hu kulɔi a nwóó kɛnɛ̨.

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Mąątɛ̨nɛ̨ 90:8

Yáá ku wɔ nɛ̨ŋɛ̨nŋaai laa ə́ ɲɛ̨i mu, yáá ku wɔ loo mɛ̨nįɠaai laa ə́ ɲɛ̨ilai nwɔ kɛɛ pɔ̨nɔ̨i ɓa.

Hanwon 14:2

Nui a hiɛ a ɉaŋąą, a ɲɔw Yai-Laa ɓa. Túwɔ́ pələ ɲɔ̨n gulɔmun yɛ tɛɠɛ ɓo ɉu.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Ɉeremi 18:10

Kɛlaa da wala di wəli tɔɔ nwóó ɓa, mɛ̨nį ɲɔ̨n nwɛli hvo mą́ą́ diɛ di yee too ɉu, mɛ̨inɛ̨ɛ̨ ŋą́ kɛi pa gɛi diɛ, ŋą́ ɲali bulu.»

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Samuɛlə dɔlɔɔ 15:19

Lə mɛ̨nį ɓa hvo kɛ Yai-Laa wooi tii hon ni, hvo bɔ mɛ̨nį kɛ? Lə mɛ̨nį ɓa ə́ kɔ́ pulu hɛn ɉəɠə, ə lɛɛ, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, yɛ́ gɛ?»

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»