Samia Veerɛi 11:2 - Yálá laawoo hɛɓɛ (dc)

² Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Yálá laawoo hɛɓɛ

² Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Bible

² Fólo maa láa tɔnɔ da Deeƃé è kùla záma lɔ̂i gɛ́ sìa-sia ŋɔpɛ́rɛi mɛi. È nɛnî tɔnɔ kàa gɛ́ ŋ̀waa. Ǹɛnîi ŋí è kɛ̀ kpɔ́ a ǹɛ́lɛɛ a ŋ̀ánaa.

Samia Veerɛi 11:2 ပူးပေါင်းရင်းမြစ်များ

Zɛnɛse 12:11

Ɓɛlɔwai ə kɛi lɔ la nɔi tii hu, yɛ nɛ̨ą Sarai ɓa: «Sarai, ə́ wəli tɔɔ!

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Zɛnɛse 39:6

Potifarə ə ɲəi bɛlɛ́n mɛ̨nį kəlee lɛɛ Ɉosɛfə yee kɔ́nma. Ɉosɛfə ɓə mɛ̨nį kəlee ə kɛ na bɛlɛ́n, hvo kɛli lɔ gbɔɔ-kpɔɔ kɔ̨nɔ̨n mɛ̨nį. Ɉosɛfə lɛlɛɛ kpɔ kɛ nąą kəlee.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Samia Veerɛi 13:1

Yiliɠaai tii kəlee tɛɛ pulu, mɛ̨nįi kɛ ya ka: Davidə lon Absalɔn mąąhala ta ə kɛ laa, nɛlɛɛ kpɔ kɛnɛ̨, diɛ kɛ naa ɓaa: Tamarə. Tamarə wɛli ə too Davidə lon Amnɔn ɓa kpɔ kɛnɛ̨.

Samia Veerɛi 14:27

Absalɔn lon ɉinąą di kɛ haaɓa da non Nɛ̨ɛ̨nu tɔ̨nɔ̨, diɛ kɛ naa ɓa Tamarə. Ə kɛ a nɛ̨ɛ̨nu lɛlɛɛ.

Samia Veerɛi 4:5

Ya ɓə Beerotə mun Rimɔn lonnii, Rekavə da Baana, də li, ə lɛɛ di həli Isbosɛtə yəi bɛlɛ́n, ɓɛlɔwai kpɔ hvóló ɲąąnwąnąą nii kɛ la, Isbosɛtə ə ɓo laani yɛ hvóló ŋą yii kɛ.

Samia Veerɛi 4:7

Di lɔ bɛlɛ́n, ɓɛlɔwai Isbosɛtə ə kɛ la laani ɲəi gbin ŋą ɲíi pɛlɛ́ mu, di baa, di nwun dee ŋą, di nwun galən ɉəɠə, di yii kpɔ hiɛi la pili-pili, di tɛɛ Ɉurdɛn ɲa-ɓoloon bɔ pələ.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Hanwon 19:15

Hviɲɛ a nu kɛ a nu ɲą́ą́, nui vįikpɛɛ, ya ɓə pulu a baa.

Hanwon 31:30

Mɛ̨inɛ̨ɛ̨ a nu ɓowo, lɛlɛ hva lamun ɉu. Nɛ̨ɛ̨nui a ɲɔw Yai-Laa ɓa, ya ɓə mąąnɛ̨ɛ̨ di mąątɛ̨nɛ̨.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Hanwon 7:8

Ə kɛi tɛɛ bələ mɛ̨i, ɓɛi nɛ̨ɛ̨nui tii kaa laa, yɛ li ɲəi bɛlɛ́ laaləi pələ.

Ɉeremi 19:13

Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Maafîu 24:17

Nui a kɛ ɲei bɛlɛ́n kɔ́nma, hvo kɛ gaa hvilɛn ɉii, ə hɛn da həɠə ɲɛ̨i bɛlɛ́n ə tɛɛ la a gilɛ.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Dutɛrɔnome 22:8

Yá pɛlɛ́ tɔɔ a nįnɛ̨, gala tɔɔ mɛ̨i nwəli la, ə gɛ nu ta hvo pa kulɔ laa hvo too ɲąmą wulu hvo lɛɛ ə́ wɔ pɛ́lɛ́i nwuɔ̨.

Dutɛrɔnome 5:21

«'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Samuɛlə dɔlɔɔ 9:25

Di həɠə ɉaláá kulɔi də li daa kwəi. Samuɛlə da Saulə di hee ɲələi pɛlɛ ɲimąn mu, di hee laa di tɔ̨nɔ̨ kɛɛnąą di lono kɛ.