Samia Veerɛi 11:1 - Yálá laawoo hɛɓɛ (dc)

¹ Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Yálá laawoo hɛɓɛ

¹ Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Bible

¹ Gâloŋ-ŋai díkɔ kɔ́ kûui seriɛ́ɛ góraŋ sui, Deeƃé è Zôa worɛ̂ tɛ̀ɛ da ŋɔyée mu-ƃelai é pɛ́lɛ Eezuɛ-ƃelai kélee dîa. È dítɛ̀ɛ dí kɔ́ pɛ́lɛ Amɔŋ-ŋai dîa. Dí tìnaŋ Laba taa-leei ma. Kɛ́lɛ Deeƃé è lɛ̀ɛ Zerusâlɛŋ.

Samia Veerɛi 11:1 ပူးပေါင်းရင်းမြစ်များ

Samia Veerɛi 10:14

Yii kɛa Amɔn lonnii di gaa diɛ Aramə nuą daa pu, diɛ kpɛli di pu Avisai tɔwɔ, di tɛ taai. Ɉoabə ə həɠə Amɔn lonnii pulu, ə pənə ə pa Ɉerusalɛmə daai.

Tɔɔɓɛlaa dɔlɔɔ 20:22

Yálá kwəi mɛ̨nį hukulɔ mun ə pənə yɛ Israɛlə tɔɔmun ma: «'Li kpɔ tɔwɔ pələ a liikpələ da huwalawalalaa, kɛlaa, mɛ̨nįi ə kaa gɛi ə́ kiliŋą laa mą; mąąhɔlɔɓo, gwɛlan pai, Aramə tɔɔmun gaa pai muhəɠəi yɛ́ a kɔ́.»

Tɔɔɓɛlaa dɔlɔɔ 20:26

Gwɛlan tii tɛɛ pulu, lɔ nwɔ̨nɔ̨ a nąąlɔwai, Bɛn-Hadadə ə nwɔ kɔlaɠai ɲąąkpɔn Aramə, diɛ li kɔ́ pɛlɛi Israɛlə ɓa Afɛkə.

Kɔlɔnikɔ Maa-ŋuŋ 20:1

Gwɛlan gɔwɔ tɔɔi lɔwai, ɓɛlɔwai tɔɔɓɛlaa di kɛi li la kɔ́ ɓa, Davidə ə Ɉoabə tɔɔ, da ɲee pɔ nuą kəlee, ə mą kɛ Israɛlə kɔ́kuláá kəlee. Di Amɔn lonnii tamąą paa, yili pulu di kɔlaɠa pɛlɛ Raba taa kwɛlɛ. Davidə nwɛi, hvo li, ə lɛɛ Ɉerusalɛmə daai.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Mąątɛ̨nɛ̨ 60:9

Galaadə aa lɛɛ a nwɔ́ɔ́, Manase aa lɛɛ a nwɔ́ɔ́, Ɛfraimə aa lɛɛ a nwuɔ̨ ɓɔlɔ, Ɉuda kaa a nwɔ́ tɔɔhvili.

Ikilisiati 3:8

Wɛlikɛmąą kɛ yələ kaa mą, wɛlikpɛɛmąą kulɔ yələ yɛ ɓo mą. Kɔ kɔ́ yələ kaa mą, liilaa yələ yɛ ɓo mą.

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Ɉeremi 49:3

Hɛsbɔn! 'Toma yɛ́ kɛ mą: «Daa Ai taa pu!» 'Ka tomą, kaai a Raba yee mu taaɠaa! 'Ka ɓíi haɠa too ka kwąną, 'ka ká woo laa! 'Ka tɛɛ gumunŋaa lɔwai! Milkomə kaa lii kɔluwɔlaa hu, da nwɔ haláá laa həli nuą, da nwɔ nu kpɛa kpɛa kəlee, di kaa lii a gee.

Izikiɛ 21:20

Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Samuɛlə dɔlɔɔ 18:30

Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.