Samia Veerɛi 1:23 - Yálá laawoo hɛɓɛ (dc)

²³ Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Yálá laawoo hɛɓɛ

²³ Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Bible

²³ “Sɔ̂ɔ da Zonetaŋ dí kɛ̀ a díkîe-ni wɛ́liɛɛ, wɛli-kɛ́-maa kɛ́ ƃò díyêei. Dífe kɛ́ ní a díŋaa kɔlɛɛ dífulu-laai su da dísaa pôlu ma. Díkɔɔ ma è kɛ̀ a vélaa é tɛ́ɛ kuɛ ma, díwála-walaa é tɛ́ɛ yala-sulu ma.

Samia Veerɛi 1:23 ပူးပေါင်းရင်းမြစ်များ

Samia Veerɛi 1:24

Israɛlə nɛ̨ɛ̨lɛa, ka Saulə haa wɔlɔ ɓo; ya ɓə kɛi ka mąąyili a nįnįkɔ́lɔ həɠə, da mąąyili hɛn nɛlɛɛɠaa, yɛ ka mąą həɠəɠaa mąą pu a hɛni.

Samia Veerɛi 2:18

Seruya lonnii haaɓa di kɛ laa: Ɉoabə, Avisai, da Asahɛlə. Asahɛlə ə kɛi gilɛ həɠə looɛi yɛ lómą.

Samia Veerɛi 23:20

Kulaa ta ə kɛ laa, diɛ kɛ non naa ɓa a: Yehoyada, yili nwɔ lon ma kɛ a Benayahu. Gɛ mɛ̨nį tamąąi kɛ, ə kɛ a Kavseɛlə mun. Yaa tii ɓə Moabə nuą hveelɛ paa, diɛ di laa ɓa a Ariɛlə. Yaa tii ɓə nwɔ̨nɔ̨, yələ ta, a kwɛlɛ pai lɔwai, ə yɛɛ lɔwa ta hu ə yala paa laa.

Kɔlɔnikɔ Maa-ŋuŋ 12:8

Yoela da Ɉevadia, Gedɔrə mun Yerohamə lonnii.

Zôo 9:26

Diɛ gilɛ həɠə yɛ kələn da bɛli a hveen gbaɠa. Yɛ kuwɔ a kɛi li woloi gɔ̨nɔ̨n ma.

Hanwon 30:30

Yala ka, gaa a tɔɔmun huwɔɠaa lɔwai, hva pu hɛn nɔpee ta tɔwɔ.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Nwun mąąɓo 14:18

Voló mɛ̨ihveelɛ yələ, hvóló hvo ni kɛ too li, daa nuą diɛ Samsɔn ɓa: «Lə ɓə nɛ̨ɛ̨ dɛɛ kwɛ̨in nwulɔ ɓa, Lə ɓə nwalaa dɛɛ yala ɓa?» Samsɔn yɛ diɛ: «Ka wala kɛ kɛɛ hin a nwɔ́ nįŋɛ̨ haai, Ka hvo li nwɔ́ hanwon mukulaa kɔ́lɔn.»

Samuɛlə dɔlɔɔ 18:1

Ɓɛlɔwai Davidə ə kpɛɛ la a nwoo hukulaa Saulə ɓa, Davidə nwɔ wɛlikɛmąą ə lɔ Ɉonatan lii mu, ə nwɛli la kɛ yɛ gbinį.

Samuɛlə dɔlɔɔ 20:2

Ɉonatan ə nwoo pulu pənə yɛ mą: «Yili kulɔ ə́ wɔɔ kiliŋąhiɛ hu, hvo pai haai. Nán va mɛ̨nįi lɔpee ta kɛ, akɛ hvo ɉukulɔ li mą́ą́. Lə mɛ̨nį ɓa yai ną́n ə mɛ̨nį yii loo mą́ą́? Hvo pai pɛlii.»