Rutə 2:14 - Yálá laawoo hɛɓɛ (dc)

¹⁴ Yili pulu, kɔ̨nɔ̨n mįi kɛi lɔwai, Boozə ə mo Rutə ɓa, yɛ mą: «'Pa, gu kɔ̨nɔ̨n mįi. Nɛɠɛ ta həɠə ə́ nɔ nɔɔ kponą yá hu.» Rutə ə pa ə hee gbai tee nuą kwɛlɛ. Boozə ə kpai kɔ́w yələn ŋąą ta həɠə, ə dɛɛ bɔ. Rutə ə kɔ̨nɔ̨n mįi, ə pilɛ, ə gbəli lɛɛ.

Yálá laawoo hɛɓɛ

¹⁴ Yili pulu, kɔ̨nɔ̨n mįi kɛi lɔwai, Boozə ə mo Rutə ɓa, yɛ mą: «'Pa, gu kɔ̨nɔ̨n mįi. Nɛɠɛ ta həɠə ə́ nɔ nɔɔ kponą yá hu.» Rutə ə pa ə hee gbai tee nuą kwɛlɛ. Boozə ə kpai kɔ́w yələn ŋąą ta həɠə, ə dɛɛ bɔ. Rutə ə kɔ̨nɔ̨n mįi, ə pilɛ, ə gbəli lɛɛ.

Bible

¹⁴ M̀ii-sɛŋ mii tãi seriɛɛi, Bôa è mò Lûfi mà ǹyɛɛi, “Pá í gbóloi da soŋ í ǹɔ́ ǹáoi su.” Nya ƃe Lûfi è sèe díi kɛ́-ƃelai kɔlɛ, Bôa é mii-sɛŋ da tɛ̀ɛ bɔ́. È ǹáa mìi é péla, mii-sɛŋ da é lɛ́ɛ ǹyêei.

Rutə 2:14 ပူးပေါင်းရင်းမြစ်များ

Samia Veerɛi 17:28

di pa a nu laa hɛnŋaa, kwɛlɛ həɠəɠaa, gəgənŋaa, da mɔ̨nun vunwɔ̨, kpai pola, tɔwɔ pɛlɛɛ,

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Maafîu 14:20

Nu kəlee di mį́į́ di pilɛ, gbuwɔɠaai lɛɛ, ə kpɔlɔ pow-kɔw-hveelɛ laa hvɛɛ.

Dutɛrɔnome 11:15

Gaa pai kɛi kala tiliin dɛɛi ka wɔ taatɛlɛɛɠaai pɔ, kaa kɔ̨nɔ̨n mįi kaa pilɛ ɉu.

Dutɛrɔnome 8:10

Ka káá pai kɛi kɔ̨nɔ̨n mįi, kaa pilɛ ɉu; kaa mąąwiɛ tɛɛ Yai-Laa ka wɔ Yálái pɔ nɔi lɛlɛɛ tii ə dɛɛ ka pɔ mąą mɛ̨nį ɓa.

Rutə 2:13

Rutə ə mo kɛa Boozə ɓa nąąlɔwai, yɛ mą: «Nwɔ́ mɛ̨nį nąmu, nwɔ́ nu lɛlɛɛ kpɔkpɔɔ ɓaa a yɛ́. Mąąhɔlɔɓo, nwɛlikɛmąą woo ŋɛ̨i yáá mo mą́ą́, yili aa váŋąlɔ; ɲą́ą́ ŋɛ́i kwa ə́ wɔ tínɛ̨ąąi ta ku hvo kpɛli pɛli li.»

Rutə 2:15

Yili pulu, Rutə ə həɠə yɛ li gbai kpan ɉu kwɛli. Nąąlɔwai Boozə ə mo nwɔ kpai tee nuą diɛ, yɛ diɛ: «'Ká nɛɛ laa, gbai yiiɠaai da kɛ puu ni gbai hįįɠaa lɔwai, ə di yɛɠɛ, ka hvo mąą ɲɔw.

Rutə 2:18

Ə ɉəɠə ə tɛ la taai, ə nɛ ɉilɛ lee ɓa, ə mą kɛ gɔ̨nɔ̨n tii ə mįi laa gbəlii lɛɛ, ə ɉəɠə ə dɛɛ ɉilɛ lee pɔ.

Samuɛlə dɔlɔɔ 17:17

Yələ ta, Ɉɛse yɛ non Davidə ɓa: «Gɔ̨nɔ̨n gɔw ɓɔlɔi ŋɛ̨i həɠə, da nɛɠɛ powi ŋɛ̨i, ə́ li la ə́ liɛni pɔ gɔ́ ɓuwu la.

Samuɛlə dɔlɔɔ 25:18

Avigailə ə mąąhulɔ, ə lɛɠɛ nwun veelɛ həɠə, ə bɛlɛ lɔɔ ɓala hveelɛ ɓa, da ɓɛlaa looli, aa kɛ baa aa ɲili; kpai kɔ́w yələn ŋąą gəgən ɉu lɔɔli, viɲə kpaɠa nwun dɔ̨nɔ̨, ə ɓo a gbalaa, nwɔ̨mįi nwun veelɛ di pɛliɛ a ɓolaa, ə gəlee laa hoohvaalən bulu,