Filemɔn 1:9 - Yálá laawoo hɛɓɛ (dc)

⁹ Yii viɛlaɓoɔ ɲɛ̨́i ɓa ya ɓaa: ŋą́ Onesimə mąą liɛwoo kɛ yɛ́, yɛ bələi ɲą́ą́ Polə gáá la a hulɔgolo, gɛ́ ɓo gaho ŋą Jesus Kristə laa mąą mɛ̨nį ɓa.

Yálá laawoo hɛɓɛ

⁹ Yii viɛlaɓoɔ ɲɛ̨́i ɓa ya ɓaa: ŋą́ Onesimə mąą liɛwoo kɛ yɛ́, yɛ bələi ɲą́ą́ Polə gáá la a hulɔgolo, gɛ́ ɓo gaho ŋą Jesus Kristə laa mąą mɛ̨nį ɓa.

Bible

⁹ é máŋ kɛ́ tí, wɛli-kɛ-maa mɛni ma ŋa ŋ̀wɛ̂lii ŋa ília-woo ƃo ńyãa Pɔ̂ɔ, ŋ́gaa a núu-pɔlɔ, ǹyaŋ ŋ́gaa nâa máŋ a luɛ Zîsɛ Kôrai mɛni mà.

Filemɔn 1:9 ပူးပေါင်းရင်းမြစ်များ

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Mąątɛ̨nɛ̨ 71:9

Ɓɛlɔwai ŋɛ̨i ŋą́ą́ pɔlɔ la, 'hvó lənə mą́ą́; ɓɛlɔwai váŋą́ kaa kpɛɛi la, 'hvó ə́ kili kulɔ ɉú.

Hanwon 16:31

Nwun bowa kaa a mąąwiɛ ɓɔlɔ, nu a ɉɔlɔɓo tələnmo pələ mɛ̨i.

Azaya 46:4

ə lɛɛ la ɉu ka pɔlɔ, gɛ́ pələ laa lɔ ɓaa a gɛ́ pələ, ə lɛɛ ɉu ka nwun ə pɔwa, ɲą́ą́ ɓə pai ɲɛ̨́i kɛi kaa, ŋą́ą́ ɓə ta gɛ tii, gáá lɔ nwɔ̨nɔ̨ pai gɛi, gáá pai ɲéé pui ka mu, ŋį́ ka ɓalo.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Taitɔ 2:2

Mo hulɔgoloɠaa diɛ, di kɛ a di yee pɛliɛ di koolon ma, di mąąnwumɛ̨ɛ̨, di yee pɛliɛ di kpɔwɔ ɓa mɛ̨nį kəlee hu, laa na laa mąąhəɠɛɛ ə ɓo di yəi, wɛlikɛmąąlaa hu, da kąną mąą laa hu.

Hebreu 13:19

Gáá ɉu hvɛlii káá, gɛ́ ká Yálá hvɛli mą́ą́ mɛ̨nį ɓa, ə gɛ, ŋį́ pənə ŋį́ pa ka pɔ a mąą hulaa.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Nwun mąąɓo 21:22

Akɛ di nąnni, a wala kɛ tii di liɛni da pa da doo kuɔ, kwa kɛ diɛ: ‹Ka nɛ̨ąą tii lɛɛ di yəi, mąąhɔlɔɓo, lii ŋɛ̨i ku mo Yavɛsə ku hvo pɛli nɛ̨ąą hɔlɔɓoi, yɛ pɛli diɛ. Kaa hvəi nɛ̨ąąi tɛɛi di pɔ a di nɛ̨ąni. Ə gɛ, ka hvo pa kɛ a hɔn mąą nuą Yai-Laa ɲɛ̨i ɓa.›»