Filemɔn 1:6 - Yálá laawoo hɛɓɛ (dc)

⁶ Ŋą́ Yálá hvɛli gɛ́, gu kɛ mɛ̨nį ɉu tanɔ̨n laa na laa hu, yai gu yili gu kee ɓa, da mɛ̨nį lɛlɛɛ yiiɠaai gwa pɛli gu gɛ Kristə mąą mɛ̨nį ɓa, yili kəlee kɔ́lɔn gbaɠala ə kɛ yɛ́.

Yálá laawoo hɛɓɛ

⁶ Ŋą́ Yálá hvɛli gɛ́, gu kɛ mɛ̨nį ɉu tanɔ̨n laa na laa hu, yai gu yili gu kee ɓa, da mɛ̨nį lɛlɛɛ yiiɠaai gwa pɛli gu gɛ Kristə mąą mɛ̨nį ɓa, yili kəlee kɔ́lɔn gbaɠala ə kɛ yɛ́.

Bible

⁶ Ŋa Ɣâla fɛlîi a gɛɛ ǹaoi-laai kúkaa-zui maa laa-lai é dare su kɛ́tɛ nyíi gáa zɛŋ lɛ́lɛɛi kélee mɛni ma, nyíi-ŋai díkaa a kúpɔɔ Kôrai kponôi.

Filemɔn 1:6 ပူးပေါင်းရင်းမြစ်များ

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Korɛntə dɔlɔɔ 14:25

Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Korɛntə dɔlɔɔ 16:9

Mąąhɔlɔɓo, pələ kɛnɛ̨ laa aa ɓo gɛ́ kólo tɔwɔ, ɛlɛɛ ɲówoɠaa tamąąi.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Zĩi 2:14

Ną́n nonnii, nu a kɛ diɛ: «Laa na laa kaa ɲə́i», a wala kɛ bɔ túwɔ́ ɓoi, yili dɔlɔ ɓaa a lə? Akɛti, naa na laa yili a pɛli nu nwun mąąɓoi?

Zĩi 2:17

Bələ lɔ ɓə gaa la, laa na laai bɔ túwɔ́ hvo mą, a haa dɔ̨nɔ̨ kon ɉu.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Piɛrə veelɛ 1:8

Túwɔ́ pələɠaa ti ɓə mąąnɛ̨ɛ̨ ə kɛ ka yəi, akɛ mɛ̨nįɠaa ti laahvɛɛ a kɛ ka yəi, di hva ka lɛɛ kpɛli-kpɛli, da ka ka hvaŋąlɔ, ə gɛ, tɛ tɔwɔ gu Ną́mu Jesus Kristə kɔ́lɔn ŋąą hu.