Filemɔn 1:24 - Yálá laawoo hɛɓɛ (dc)

²⁴ Ə mą kɛ Markə, Aristarkə, Demasə da Lukə diɛi kwa diɛni ku kaa góló tɔ̨nɔ̨i ŋɛ̨i ɓa diɛ kpɛli diɛ ə́ tuwɔ ɓɔ.

Yálá laawoo hɛɓɛ

²⁴ Ə mą kɛ Markə, Aristarkə, Demasə da Lukə diɛi kwa diɛni ku kaa góló tɔ̨nɔ̨i ŋɛ̨i ɓa diɛ kpɛli diɛ ə́ tuwɔ ɓɔ.

Bible

²⁴ Mâki ǹyaa máŋ, Arisitakɔ, Diima, da Lûu, nyíi-ŋai díkaa a ḿarâŋ-tii-kɛ-ƃelai, dí fàa yâ.

Filemɔn 1:24 ပူးပေါင်းရင်းမြစ်များ

Gɛlaɠaa 12:12

Yii kɛa ə mąą mɛ̨nį kpaɠala kaa, ə li Ɉaan ŋɛ̨i naa mɛ̨i hee ɓaa Markə, nee Mari yəi bɛlɛ́n. Nu kpulu tamąą daa di ɲąąkpɔn gɛ laa diɛ Yálá hvɛli.

Gɛlaɠaa 12:25

Ɓɛlɔwai Barnabasə da Solə di kpɛɛ la a di wɔ hiɛi kulaa Ɉerusalɛmə, di Ɉaan hvilɛn di pɔ, yai naa mɛ̨i hee ɓaa: Markə.

Gɛlaɠaa 13:13

Polə da mɛlan di həɠə Pafɔsə diɛ li Pɛrsə daai, Pamfili lɔi hu. Nąą ɓə Ɉaan-Markə ə həɠə laa di pɔ yɛ li Ɉerusalɛmə.

Gɛlaɠaa 19:29

Gɛɛ tii, daa kəlee ə kɛ lɔ ɉuwu-ɉuwu, nuą di wɛan, di li a di kpulu ɓɛi di kɛli ɲąąkpɔn gɛ laa a bɔlɔ-pɔlɔ, di Gaiusə da Aristarkə hon a yee tɛɛ mąą laa, di li a diɛ, nu hveelɛi ti di kɛ a Masedoanə lɔi hu nuą, ɛlɛɛ, da Polə ni ɓə kɛ ɉiɛ hu.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.

Korɛntə veelɛ 8:23

Titə kaa a ɉíɛ gee pulu, gaa bɔ́, kwa yaa kuɔ kólo kɛ ka mąą mɛ̨nį ɓa. Ku nąn nonnii, galan gbɔn ŋą nu tɔɔɠaa ka ti, di kaa di wɔɔ mąątíi kɛi diɛ kpɛli Kristə mąąwiɛ mɛ̨nį ɓa.

Filipə 2:25

Epafroditə ŋɛ̨i ká dɔɔ yɛ pa mą́ą́ kpaan gbɛɛ hɛnŋąa laa lɛi, ŋą́ gaa, gɛ́ nɛlɛɛ ɓaa, ŋą́ pənə, ŋą́ dɔɔ, ə pa ka pɔ, gaa a mɛ́lan nɛlɛɛ góló ŋɛ̨i gáá gɛi da gɔi ŋɛ̨i gáá gɔi mąą mɛ̨nį hu;

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Kolosə 4:10

Aristarkə, yai kwa yaa ku kaa gaho ɲą, yɛ ka tuwɔ ɓo, ə mą kɛ, Barnabasə dɛlɛn non Markə, yɛ ka tuwɔ ɓo. Markə ti, daa hiɛ mąą mɛ̨nį hukulɔ kaa, a pa ka pɔɔli, ka ka yee hee mu a nɛlɛɛ.

Kolosə 4:14

Lukə ŋɛ̨i a ɲɔwɔtɔlɔ, a gu ɓɛlan nɛlɛɛ, yɛ ká túwɔ́ ɓo, ə mą kɛ, Demasə.

Piɛrə dɔlɔɔ 5:13

Yálá ŋą kpɔn Babilonə, diɛ ká tuwɔ ɓo, ə mą kɛ, Markə yai a nón laa na pələ mɛ̨i, yaa kpɛli yɛ ka tuwɔ ɓo.

Zɔ̂ŋ Zaaƃai 1:8

Guɔ kpɔ ɓə gu mąąnɛ̨ɛ̨i gu mąąkpɔnmąą tɛɛ nuą tii pɔ, ə gɛ, gu gu kpɔwɔ lɛ diɛ a dɛ̨ą tii mąą kóló kɛ nuą, yɛ diɛ.